突襲鎌倉(賞梅篇) - 最後晚餐,我一定唔會忘記.........

2009 03 12 - 最後的晚餐

ビジネスホテル福千

突襲鎌倉(賞梅篇) - 我呃咗JR,搭霸王車呀.................

2009 03 12 - 晴到唔識講呀!!

話說今日前往[青梅市]賞梅,

喺日向和田駅落車,

只有人手收票及自助拍卡機(好似香港輕鐵自助嘟嘟機),

沒有閘機!!

我用日版八達通出閘,

當時好多人,

我聽到嘟一聲就行,

並沒有留意螢光幕,

原來唔夠餘額,

我真係唔知道,

因為用慣香港個張最後一程可以負數[日版個張唔可以] ,

同埋係香港如有問題[嘟]個聲係好唔同!!!

總之我就係未出閘啦!!!

突襲鎌倉(賞梅篇) - 梅花三弄......

2009 03 12 - 好晴呀!!!

今早要離開鎌倉,

完結[突襲鎌倉] lu,

前往[青梅市, 青梅市梅の公園] 吉野梅郷賞梅!!

乘JR到日向和田駅,

係好細嘅車站無儲物櫃,

步行15分鐘左右就到達公園!!

突襲鎌倉(賞梅篇) - 我要食"孔雀石綠"呀......

2009 03 11 - 晚餐

大家仲記唔記得數年前係鰻魚身上發現[孔雀石綠],

搞到唔食得!!

所以每次去日本都會食一餐鰻魚飯!!

今晚準備到鎌倉[若宮大道]一間有[大鳥居]係門口做裝飾嘅鰻魚飯店,

18:40到達,

咦...點解烏燈黑火嘅,

休息???

突襲鎌倉(賞梅篇) - 玩盡江ノ島!!!

2009 03 11 - 繼續晴

食完餐很愉快的午餐,

之後殺落去呀,

走到江ノ島之盡頭!!

好多人喺到釣魚,幾好feel!!

突襲鎌倉(賞梅篇) - 在江ノ島崖頂食午餐!!!

2009 03 11 - 晴

係時候搵食,搵食,搵食....

離開江ノ島展望燈塔,

附近有幾間食店,

有間西餐廳對正[海],

環境唔錯,

不過我要找這間 [魚見亭]位於崖頂,

一樣對正海,正!!!!!

因為太餓一直向食店進發,

中間有幾個景點,

留待回程再睇啦!!!!

我食飯坐位之景觀!

突襲鎌倉(賞梅篇) - 坐架空列車~[三顧江ノ島]!!!

2009 03 11 - Day 4  (晴)

今早於[大船]check out 先用[宅急便]寄行李,

寄到明晚入住的東京酒店,

唔洗攞嘢!!

首先參觀[大船觀音],於[大船]駅西口行15分鐘左右!!

突襲鎌倉（賞梅篇）又上江ノ島？？？

2009 03 10 (下)

遊完兩寺，

已經知道不能與京都比，

而且鎌倉梅花已謝！！

咁lunch就去江ノ島食啦！！

最想吃的店舖又大排長龍,

大概有成10個人以上!!

已經好餓唔等喇,

去了第二間吃,

叫咗一碗海鮮丼,

加一串燒[羅]肉!!飯嚟喇,

咦！點解比多碟,

我無叫喎??

佢講解咗一輪,

原來我叫的海鮮丼唔夠才料,

所以送多碟成900円既〔蜆〕掛!! 正!！

他們太有良心了！！！

突襲鎌倉(賞梅篇) - 求神、求神,嚟鎌倉必要求神!!

2009 03 10 - Day 3 (晴到爆)

終於見到太陽伯伯了,

今日前往[鶴岡八幡官] & [高德院鎌倉大佛]!!

一日之計在於晨,

早餐對我嚟講係必須的,

步往JR東口前一間coffee shop,

有好多間分店(自己睇睇)  http://www.jefb.co.jp/becks/shop/   

我揀咗個最豐富o既(500円)!!

突襲鎌倉(賞梅篇) - 今晚點沖涼呀???

2009 03 09 - 星期一 (Day 2) 下

離開水族館,

肚仔餓去搵食先,

有好幾間食店,

睇睇邊間多人就個間啦!!

原來江ノ島其中一樣名物,

就係[新鮮白飯魚]!!!  

我諗大家都試過蒸哂乾o既白飯魚,

而新鮮o既我就第一次食,

分別係"淋"d,同重d魚味,仲有大條d !!

個定食900円仲送一杯汽水或者咖啡,

算係咁啦!!

突襲鎌倉(賞梅篇) - 漫遊"新江ノ島水族館"

2009 03 09 - 星期一 (陰天) Day 2

今早天色麻麻有雨毛㖭,

成個天都灰濛濛,

我好怕這個天色提不起勁!!!

決定修改行程,先往"新江ノ島水族館",

因為全室內話之佢雷劈吖!!

先留下行李因為明晚會返再嚟,

由[大船]乘JR往[鎌倉],

到達鎌倉立即找今晚酒店(Hotel Newkamakura) 並寄存背囊,

未能check in因為太早(我咁早來只想慳番300円LOCKER費),

這間酒店有80年歷史,

日本藝人"綾瀨遙"同日皇都有嚟過,

我就睇旅遊書介紹想試一試(下篇再講)!!

繼續旅程 轉乘 [江ノ島電鉄] 好似香港叮叮,

不過單層有兩卡,

已經有過百年歷史,

佢o既特色就是有一段沿海路段,

全程大部份緊貼民居,

如屋主打開窗,

絕對可以同屋主Say Hi!!

突襲鎌倉(賞梅篇) - 旅程開始

2009 03 08 - 星期日 (Day 1)

於成田空港落機,

出閘後落一層就到JR或京成本線,

平時我會選擇京成本線返回東京都(普通車1,000円個隻),

不會搭skyliner(要1,920円又唔係快好多)!!

但係今次第一晚book咗[大船]附近,

所以選搭Narita Express(即=香港機場快線)便可以直達,

而且快又無乜人搭,

唯一缺點(貴)絕對係好似我呢d死窮鬼o既大敵!!!

但從07年開始JR東推出[Suica & N'EX]之後

搭Narita Express 出機場就變得好抵呀!!!

詳細請瀏覽

http://www.jreast.co.jp/sc/suica-nex/index.html

突襲鎌倉(賞梅篇) - 由西北航空開始

各位,如要成功突襲,

首先要購買平機票,

由農曆新年過後多間航空公司開始減價,

本人一直選用ANA對他鍾情,

但是見到西北航空不斷減,

減到$2,498.00(包稅&附加費),

決定買!!

有好多人話老美機[即美國航空公司]好麻煩,

又要早很多出機場!!

應該是由911開始或者有恐怖襲擊時會嚴d,

但係我今次超順利,

無麻煩嘢,

而且西北員工仲十分好㖭!!回程機長超型仔,

仲走出來送客(要加分)!!

又無超大隻&超老空姐(亦要加分)!!!

我考慮轉投西北懷抱,

可能暫時放棄ANA lu!!!

大家細心睇睇西北有幾好!

2009 03 08 - 星期日

0700 到達機場已於網上選擇好位置,

去到寄行李&出登機證便行!!

如未選擇座位就要即場用自助check in機,

即時攞位,

完成後出張紙仔再排隊寄行李&出登機證!!

好快便過了關入去食早餐!!

食過早餐夠鐘登機,

唯一分別就是"嘟"咗登機證,

臨上機前要打開手提行李再檢查,

過程也很快!!

坐定定之後,發

覺坐位都幾闊,

而且內籠好新,

最重要頭頂閱讀燈後面有[冷氣出風咀]自由開關!!

好正!!!唔洗熱死,

又唔怕凍親!!!!(要加分)