打風...

2014 09 16

今日有無人有心機做嘢呀???

我就無喇........

不停諗秋季大旅行@一年一會紅葉狩,

有兩日行程唔多對路.....

被卡住了..... =.="

年少輕狂

2014 08 31

暑假完喇......

暑假的確係學生嘅專利,

細時暑假日日玩玩玩,

打波,

游水,

踏單車....

仲有抄暑假作業!!!!

中學時代每個暑假最少一次宿營,

老地方塘福OR長沙,

例牌沖浪& 晚上BBQ,

有次打風照去,

完全唔識死......

再大DD喜歡上深圳老揼,

朋友們有位係骨精,

當年人仔仲好見洗.....
有次上廣州,
去陶陶居,
又雙皮奶.....
最後玩到趕唔切尾班火車,
要坐亡命的士落羅湖,
當時真係好夠薑,
完全唔知驚,
又唔識路,
司機初段行小路連街燈都無,
跟住上咗高速公路,
諗住安全啦,
點知仲大鑊,
司機KEEP住140或以上,
仲手揸電話不停同另一名司機講路面情況,
突然由快線cut 3條線去慢線,
因為有架大大大貨車橫瞓咗係度....
心都寒埋......
最後都安全到達羅湖,
11點45分跑入去,
真係要沖關.....
無記錯用咗個半鐘,
由廣州東到羅湖,
好似200蚊人仔都唔洗,
仲有找....
而家諗番都驚!!!!

出嚟做嘢後暑假無LU....
仍然懷念暑假!!!

乃嘢...........

2014 07 27

我好怕煲劇.....

因為一開始就停唔到,

一路追到底....

所以之前都唔敢睇[星星]!!

近日J2台做[主君的太陽],

唔覺意睇咗一集就乃嘢喇.....

今晚唔洗瞓lu...... =_="

<Touch Love>

你觸碰到我的指尖

便溫暖了寒冷的心

想再靠近一點 待在你身邊

但你我的距離卻揮之不去

就算我不能摸到你

就算我不能抱著你

Lonely love

Yes I love you  一如宿命那般

我都能感覺到你

Lalala lala lala

Lalala lala lala

Lalala lala lala lala

向你傳達我的心意

彷彿伸出雙手   就能擁有你

彼此卻距離更遠   那麼待在你身邊就好

就算我不能愛著你

就算我不能接近你

Lonely love 

Yes I love you  就算距離再遠

我都能看見你

就算我不能摸到你

就算我不能抱著你

Lonely love

Yes I love you 一如宿命那般

我都能感覺到你

Lalala lala lala

Lalala lala lala

Lalala lala lala lala

向你傳達我的心意

RIP..... MH17

2014 07 18

又係馬航???

睇見都心寒......

但願298人已經去到美麗的天國.......

四圍貢...

2014 06 28 ~ 29

呢兩日由我[小小]陪亞不四圍貢......^0^

坐港鐵樂遊遊....

第一站先去覆診!!

再執幾劑...

呢幾劑係補身,

補血&補氣!!

之後仲要耐不耐補補佢,

話說廿歲左右去捐血,

護士一驗即說小姐你血色素太低唔適合捐血,

你不如去睇醫生再驗清楚啦,

原來我有貧血仲幾嚴重下....

仲諗住捐比人...

典知差D要人捐番轉頭.......

醫生話可能我一向都係貧血底所以唔會覺得見暈...

但數字太低...

當年都食咗好幾個月嘅"鐵丸"....

之後開始注意補血,

但都係唔得,

點都係唔夠血...

所以而家耐不耐執幾劑補補佢!!!

[小小]: 咪睇亞不佢貢大隻,
原來係咁虧...

跟住去睇戲 ~~ [羅馬浴場2]

無第一集咁好睇....

不過阿部寬個PATPAT好靚呀~~~

[小小]: 典解帶埋我去買"爸爸"..... =.=

好尷呀...

太好喇...

會員於生日月買滿唔知幾多??

送咗個旅行用嘅"爸爸袋",

放入喼唔怕D"爸爸"扁哂!!!
呢個比我用開果個硬身D,正!!!

搵野咬下先....

去搵台灣味,

不過唔好味.......

貢少珍珠....

完全唔同係台灣食嘅味道!!!

[小小]: 亞不快D帶埋我地再去台灣食啦....



[小小]: 又落雨...

因為要戒口唔好食熱氣嘢...

睇波良伴變咗全生果,

一大袋車厘子順便補血!!

嘩...青森蘋果!!! ^^

[青森仔]: 老家的味道....

青森蘋果酒呀~~~

好掛住老家.....

亞不,不如秋天番青森吖.......hehe

狂歡3寶

2014 06 07

今日相約死黨聚一聚,

是日係老大棍棍生日,
我地3個都係六月生日架,
每到六月當然要見下啦!!!!

最好嘅朋友,

即使見得再少,

一見番就好似回到當年咁......

以前一個星期見足七日,
都可以不停口係咁講.....
今日仍然一樣...
去番其中一個老地方,
又係我嘅最愛茶餐廳,
這張枱這位置同當年一樣!!

見完你地心情都唔同哂,
high到而家瞓唔著......^0^

多謝屈原.............

2014 06 02

五月初五

多謝屈原......

唔係佢今日就無假放了!!!!

喜歡這個節日,

因為明天五月初六就係我嘅舊曆生日喇!!!!

一早已經又熱又囇.....

 如果放假一起身第一件事....

要隊杯奶茶,

呢一刻最爽!!!

是晚上齋家姐度做節,

MENU...

開波...

食到最後一啖先記得影相......

為食到呢.......

 同枱有大枝嘢嘅關係,

影相都要鬼祟D.....

第二道,

我開得機嚟已經分哂....

有無貢快呀!!!

最愛炸脆鱔即[炸冬菇],

好味!!

 這個豆腐係自己炸架,

滑到不得了!!!!!!

素翅

好好味嘅炒飯...

我又慢咗....

今日D麵好似麻麻地...

是日甜品,

自家製架好軟棉棉,

好味道!!!

仲有五色豆糖水!!

十分圓滿!!!

因為天氣太熱,

唔想用皮帶嘅手錶,

所以想買過隻鋼帶[幸福錶],

齋家姐發現有新出嘅[幸福錶],

香港第一隻,

仲有粉紅色開心開心!!!

YEAH....六月喇.........

2014 05 31

是日LUNCH去最愛嘅茶餐廳[新華]

跟住去剪髮+電髮,

師傅兼老闆係我嘅中學同學,

佢一升咗做師傅我就搵佢剪髮,

幫襯咗十幾年LU....

只信佢一個,

從來無幫襯過第二間!!

我話如果你退休唔撈,

我真係唔知點算.......

佢即刻答應點都會幫我剪,

就算老到手震震都可以,

我唔驚就得喇.....哈哈....

咁多年都係佢幫我決定點剪,

今日佢問我想剪幾多??

我問咁你想剪幾多????

佢就一論咀講會點剪/剪幾多&點電....

其實佢一早諗好哂,

太好喇....

因為我有選擇困難症,

有得比我揀,

我就唔知點揀架喇......

電髮電髮毛蟲都要電髮......

電完搽上定形液等15分鐘

搞掂喇,

唔知點呢???

要等佢吹好先知......

我好LIKE呀....

晚上約朋友仔吹兩咀,

佢去完北海道,

帶咗我最鍾意嘅[白之恋人]比我,

多謝哂呀!!!!

今日好開心呀,

係個好嘅開始.....

踏入六月喇,

YEAH.......

感激..............

2014 05 30

近日天氣熱到人都癲.........

lunch已經唔想出去食......

其實年年一到盛夏就吃殘廢餐,

十分感恩有位夠哂義氣嘅同事,

每天都出去買番嚟,

我地就飯來將張口喇!!!!

今日我提議食麥當當,

因為有MARIO.....

仲有張就到期嘅雪糕劵,

諗住比義氣同事邊行邊食埋佢,

事關係新地筒,

無理由要人地外賣,

睇住就嚟溶又無得乃架,

但係呢位好同事真係烈日下,

外賣新地筒比我..........

感動到爆呀.....

我覺得自己好似刁民一樣,嘿嘿....

好喇.....

過埋明天又到生日月,

情緒特別高漲,

痛快地癲番一個月!!!!

唔好嘅嘢通通忘記!!!!!