四圍貢...

2014 06 28 ~ 29

呢兩日由我[小小]陪亞不四圍貢......^0^

坐港鐵樂遊遊....

第一站先去覆診!!

再執幾劑...

呢幾劑係補身,

補血&補氣!!

之後仲要耐不耐補補佢,

話說廿歲左右去捐血,

護士一驗即說小姐你血色素太低唔適合捐血,

你不如去睇醫生再驗清楚啦,

原來我有貧血仲幾嚴重下....

仲諗住捐比人...

典知差D要人捐番轉頭.......

醫生話可能我一向都係貧血底所以唔會覺得見暈...

但數字太低...

當年都食咗好幾個月嘅"鐵丸"....

之後開始注意補血,

但都係唔得,

點都係唔夠血...

所以而家耐不耐執幾劑補補佢!!!

[小小]: 咪睇亞不佢貢大隻,
原來係咁虧...

跟住去睇戲 ~~ [羅馬浴場2]

無第一集咁好睇....

不過阿部寬個PATPAT好靚呀~~~

[小小]: 典解帶埋我去買"爸爸"..... =.=

好尷呀...

太好喇...

會員於生日月買滿唔知幾多??

送咗個旅行用嘅"爸爸袋",

放入喼唔怕D"爸爸"扁哂!!!
呢個比我用開果個硬身D,正!!!

搵野咬下先....

去搵台灣味,

不過唔好味.......

貢少珍珠....

完全唔同係台灣食嘅味道!!!

[小小]: 亞不快D帶埋我地再去台灣食啦....



[小小]: 又落雨...

因為要戒口唔好食熱氣嘢...

睇波良伴變咗全生果,

一大袋車厘子順便補血!!

嘩...青森蘋果!!! ^^

[青森仔]: 老家的味道....

青森蘋果酒呀~~~

好掛住老家.....

亞不,不如秋天番青森吖.......hehe

有咁耐風流,有咁耐xx.........

2014 06 26

2014生日之旅完滿結束,

開心到震呀.......

好like台灣,

希望冬天可以去多次,

夏天太熱了頂唔順,

開心過後又乃野啦.....

工作上當然要自己食番哂....

自己的事自己做......

每天在台北怒食,

真係無停...

夜晚又心思思睇波,

搞到每日都捱更抵夜,

身心都謝Q哂...

睇波良伴點可以無佢呢...

番到嚟當然周身都唔舒服,

琴日c去睇中醫...

執劑勁嘅,

嘩...苦到想死....

醫師問我,

做乜"心火"咁盛???

我唔敢講呢幾日嘅風流史.....

要清哂個底,

跟住先"補"番....

真係有咁耐風流,有咁耐xx...... =.=

生日之旅

2014 06 18 (00:13)

Happy Birthday to me...

生日之旅明早出發,

而家啱啱先執行李.........

唔見棺材唔流眼淚就係我囉!!! =.=

疑幻疑真地.........臨急抱佛腳...........

2014 06 16

話說由四月份開始搵生日之旅嘅資料,

朋友即話泰國,

好啦開始詳細研究之時.....

典之政變無得去.....

賤物鬥窮人............

2014 06 12

又嚟賤物鬥窮人......

香港快運開新航線,

名古屋....

今日突然開賣,

$110+稅+行李!!

嘩....即刻腎上腺素上升,

好彩買到....yeah!!!!!

狂歡3寶

2014 06 07

今日相約死黨聚一聚,

是日係老大棍棍生日,
我地3個都係六月生日架,
每到六月當然要見下啦!!!!

最好嘅朋友,

即使見得再少,

一見番就好似回到當年咁......

以前一個星期見足七日,
都可以不停口係咁講.....
今日仍然一樣...
去番其中一個老地方,
又係我嘅最愛茶餐廳,
這張枱這位置同當年一樣!!

見完你地心情都唔同哂,
high到而家瞓唔著......^0^

多謝屈原.............

2014 06 02

五月初五

多謝屈原......

唔係佢今日就無假放了!!!!

喜歡這個節日,

因為明天五月初六就係我嘅舊曆生日喇!!!!

一早已經又熱又囇.....

 如果放假一起身第一件事....

要隊杯奶茶,

呢一刻最爽!!!

是晚上齋家姐度做節,

MENU...

開波...

食到最後一啖先記得影相......

為食到呢.......

 同枱有大枝嘢嘅關係,

影相都要鬼祟D.....

第二道,

我開得機嚟已經分哂....

有無貢快呀!!!

最愛炸脆鱔即[炸冬菇],

好味!!

 這個豆腐係自己炸架,

滑到不得了!!!!!!

素翅

好好味嘅炒飯...

我又慢咗....

今日D麵好似麻麻地...

是日甜品,

自家製架好軟棉棉,

好味道!!!

仲有五色豆糖水!!

十分圓滿!!!

因為天氣太熱,

唔想用皮帶嘅手錶,

所以想買過隻鋼帶[幸福錶],

齋家姐發現有新出嘅[幸福錶],

香港第一隻,

仲有粉紅色開心開心!!!

YEAH....六月喇.........

2014 05 31

是日LUNCH去最愛嘅茶餐廳[新華]

跟住去剪髮+電髮,

師傅兼老闆係我嘅中學同學,

佢一升咗做師傅我就搵佢剪髮,

幫襯咗十幾年LU....

只信佢一個,

從來無幫襯過第二間!!

我話如果你退休唔撈,

我真係唔知點算.......

佢即刻答應點都會幫我剪,

就算老到手震震都可以,

我唔驚就得喇.....哈哈....

咁多年都係佢幫我決定點剪,

今日佢問我想剪幾多??

我問咁你想剪幾多????

佢就一論咀講會點剪/剪幾多&點電....

其實佢一早諗好哂,

太好喇....

因為我有選擇困難症,

有得比我揀,

我就唔知點揀架喇......

電髮電髮毛蟲都要電髮......

電完搽上定形液等15分鐘

搞掂喇,

唔知點呢???

要等佢吹好先知......

我好LIKE呀....

晚上約朋友仔吹兩咀,

佢去完北海道,

帶咗我最鍾意嘅[白之恋人]比我,

多謝哂呀!!!!

今日好開心呀,

係個好嘅開始.....

踏入六月喇,

YEAH.......