[不漏國]唔去唔知咁C服 ~ HEA爆[峴港]...超正RESORT(續)...

見[團長]同[PI姐]都好勤奮,

落力咁寫未完成嘅遊記,

激發起我條癮,

所以我要繼續[不漏國]之旅,

我唔要做[爛尾王]!!

2010 04 01

續...

上回去到峴港[SANDY BEACH RESORT],

入到房間一睇[正]到不得了呀,

淨係坐係陽台已經[爽]死!!

與朋友X&Y小姐飯聚!!

2010 09 13

今晚約到兩位朋友飯聚,就係朋友X&朋友Y小姐!!

X&Y小姐係勁鍾意[大和國],

所以食都要揀[大和嘢],

最後揀咗[CoCo壹番屋] ~ 食咖哩!!

而我地嘅話題都離唔開[大和國],

及[日遊]有幾趣!!

而友人X發現後面個張枱已轉咗3次,

而我地傾到被[趕]...

好轉場再繼續[傾]!!

真係傾得好開心,

兩位都準備出發[大和國],

要盡食,盡玩,盡慶呀!!

下次再傾過吖,

唔知食咩可以唔洗被趕呢???

而我係東京食過一次[COCO] ~ 好好味,

但係嚟到香港,變咗過江虫...

咖哩味都好接近,尚算好味,

但配料就比不上了...

大和[COCO] VS 香港[COCO]

大和[COCO] 如叫[吉列豬]為例,

有多個不同部位及級數,以供選擇!!

而香港[COCO] 只有一款[吉豬],無得你揀!!

各位睇唔睇到上面[大和吉豬]靚幾多!!

下面哩張走哂樣...

大和[COCO] 有[溫泉卵].

來到香港 變成[熟卵]??!! -_-'' 

成十皮嘢,邊個會叫呀!!

大和[COCO] 不時有[期間限定]及[地域限定]嘅食物.

但香港[COCO] 就欠奉!!

大和[COCO] 有袋裝[火煱用咖哩汁],

我試過好正架!!

而香港[COCO] 無得賣!!!

下次要去入多幾手.

番嚟香港,

睇吓我地叫咗咩,

加$25有湯,沙律&雪糕[兩球],

可揀一款或兩款,

我地加哂三款!!

食後感 ~

[大和COCO] 好食好多!! 

香港果間唔會再食.

19年........

2010 09 08 (八月初一)

今日係我哩兩位朋友嘅大日子,

是他們結婚週年紀念日,

係19週年呀,

仲要係新曆&舊曆同一日喎!!

一定要賀一賀佢.

吃過晚飯,

男方靜靜雞落街,

原來佢買咗個蛋糕番嚟慶祝大日子!!

睇吓佢地幾合拍吖!!

有人話唔好影相,仲攞把刀指住我添,

點知...

轉個頭,

佢笑到見牙唔見眼,[佢係變臉高手]

真係笑到咀都合唔埋,

女人= 口是心非!!

衷心送上祝福給你們!!

相信過去19年,

你們經歷過好多好多,

當中一定充滿 ~ 甜/酸/苦/辣,

希望下一個19年,全部都係[甜]嘅!!

好,過多19年再同你們慶祝!!

各位學嘢喇,

可以同床共枕19年真的不容易,

一起同甘共苦喎,講就易!!

大家加油呀!!

心養養......

2010 09 06

心養又身養......

賞紅葉季節快到喇,

點算???

好想睇呀!!

得意妹 : 我都好想睇呀!! [上年資料圖片]

與朋友甲,乙,丙飯聚!!

2010 09 03

相約3位好友飯聚,

地點 ~ 東企業廣場 OUTBACK.

話說昨晚收到朋友丙嘅來電,

佢擺烏龍以為9月3日係星期四,

一路我地淨係講約9月3日,無講過星期幾,

所以亞丙佢早咗一日......

佢打比我時,我仲以為我講錯日期添!!

最好笑係亞丙,首先打比朋友甲,

問佢係邊呀??行緊街??

亞甲答:做緊FACIAL,

亞丙:乜你夠時間咩??

亞甲勁R頭,點解唔夠時間呀??

咁先發覺亞丙搞錯咗!!

最慘係亞丙已經出發前往尖沙咀!!

亞丙太掛住我地喇,所以好想快D見到我地,

快到早咗一日!!

星期五晚OUTBACK超多人,

我地BOOK 8點半,食到11點幾!!

睇吓食D咩先,

無限REFILL嘅 ~ ICED TEA

黑糖包 ~ 好味,少少甜.

跟扒嘅沙津[可揀湯] ~ 不過好一般.

RIBS & 薯條 ~ 最好味.

超熱氣嘅炸洋蔥花 ~ 咸到苦......我地要求換,

但待應一尾叫我地點過第二樣,

吓,我唔係要轉第二款食物,

我係要一個無咁咸嘅,

再嚟過無咁咸,但都係算咸,食剩好多!!

安格斯肉眼扒跟焗薯&薯蓉 ~ OK啦.

可能太多客,一尾快變得求其,

所以食物質素差過上次!!!

今晚傾得好開心可以咩都講,好FREE,

講嘢唔洗就住就住,

又唔會被人閘住閘住,

大家都可以暢所欲言,

連陳年舊事都攞出嚟講,仲有相睇添!!

好,下次再傾過,食咩好呀,朋友甲乙丙??

愛[八]會會聚 ~ long time no see!!

2010 08 21

[愛八會]好耐無聚喇,各會員各有各忙,

有開心也有傷心,

希望各位都開開心心,

唔開心嘅嘢就忘記佢啦!!

因為long long time no see大家,

所以揀飲茶可以坐耐D,唔怕比人趕!!

得到總書記報料,有一間無乜人飲下午茶嘅茶樓,

位於中港城 ~ 皇室婚宴,

星期六下午得幾枱客,啱哂我地!!

各位遂一匯報近況,

有開心事,激氣事,傷心事,咩都講吓!!

原來大家都出過埠,梗係要分享吓遊歷啦!!

最緊要有手信!!

大部份都係食得嘅,唯一一個唔食得,

係團長送嘅沖繩手信 ~ 星沙一樽,好靚呀,

我都好想去沖繩執星沙!!

多謝各位嘅手信,梗加多謝各位補祝我同MING嘅生日,

大家歡聚了一個下午,

下次唔知要等幾時呢??