身在[輻]中不知[輻]

2011 06 30

 

我就沒有為[輻射]擔心過,

同好多朋友講開[輻射],

原來他們都好驚.....

好多都唔會去日本旅行,

亦有因為屋企人嘅反對而唔去,

或者係唔比去.....

亦唔食日本來的食物.....

我諗我講係無用,

希望大家明白,

請各位用些少時間睇睇[新聞透視]!!

十分感謝PURURU的提供!!!

收到Pururu提供如下資料及訊息......

加入BLOG友加入黑名單

唔洗咁擔心啦,

食一支煙岩比幅射更加高危,

可以安心去日本啦!!!!

請睇 TVB 新聞透視

新聞透視 - 輻射恐慌 - 2011-06-25http://mytv.tvb.com/news/newsmagazine/119872

新聞透視 - 謠言滿天飛 - 2011-05-07http://mytv.tvb.com/news/newsmagazine/118279

終於''new''番出嚟.......

2011 06 28

臨收工FEEL到有嘢"吉"咗入手指.....

但係睇唔到......

見唔覺痛就無理佢!!

之後去咗大姐屋企食飯,

諗住叫她睇睇,

點知大姐話,

我而家都睇唔到喇,

跟住二話不說,

一手揸落去.....

唔係好痛,

但係會唔會越插越入呢???

最後見到有一點'黑點'!!

番到屋企"NEW"開層皮睇吓,

一"NEW"就標血.....

睇唔到[黑點]呀....

頂!!

用消毒火酒洗去血漬,

嘩,[那]到PK.....

再"NEW".....

搞咗40分鐘,

睇到對眼都[豆]哂雞.....

終於"NEW"到粒黑色嘢出嚟,

舒服哂!!

1條友住最唔好就係[無幫手]....

繼續生日飯@愛八成員

2011 06 27

今日同愛八會成員食生日飯,

多謝JJ着手搞這次飯局,

又要搵齊人啦,

仲要訂埋枱,

真係唔該哂!!

JJ係我嘅第1位blog友,

唔係佢我都唔會寫blog,

唔經唔覺識咗3年喇!!

今日真係要再次多謝佢.....

送咗份生日禮物比我!!

好好味呀!!

好講番餐飯先,

今晚ming & 波豬媽唔得閒,

有PI姐,團長&JJ!!

食[翡翠拉麵小籠包],

好耐無食過喇,

因為次次經過都一定企滿人排哂隊,

我一定無心機等....

今次多得JJ予先訂位,

我地唔洗等咋!!

book咗7:30予鬆d時間,

因為呢間嘢唔人齊係唔比枱,

過咗時就當取消,

仲要重新即場排隊.....

好嚴緊架,

所以各位都早到咗,

我同JJ去咗city lulu逛逛,

JJ介紹買咗呢支嘢,

行行吓PI姐到喇,

跟住排隊比錢時撞埋團長,

就係咁唔洗約都人齊,

太好喇!!

開飯喇....

邊講邊食,

講到停唔到呀.....

咩都講得一餐,

最記得係團長憶述起亞仔,

剛剛出世時為他親手做了張床仔,

真係好正,

如果我有機會都會整番張比我嘅Baby!!

十分愉快的一個晚上!!

多謝3位請食飯!!

618 Dinner!!

2011 06 18

上半日同死黨慶祝後,

晚上約了大姐一家&3哥,3嫂食飯,

其實係大姐要同姐夫慶祝父親節,

順便同我慶祝,

嘿嘿....

咁都痴到!!

多謝哂大姐&3哥!!

普通的飯店,

但有驚喜....

隻鵝層皮勁[脆],

其他都好好味!!

估唔到姨甥女親手做蛋糕比我,

係黑芝麻蛋糕,

好味呀,

多謝YU YU!!

YU YU 問插幾多支蠟燭??

我答妳個蛋糕唔夠位插喎...

係咪玩嘢呀...

1支咪得囉!!

侍應比咗把好長嘅刀我切呢個蛋糕仔......

好搞笑!!

我的3哥,

係咪好似樣呢....

個頭都係貢大....

聽亞媽講我細時去健康院做檢查,

度頭圍時,

護士說:[嘩,個頭大咗D喎....]

再問媽媽[佢有無大頭亞哥或家姐呀??]

媽媽答[有呀佢亞哥都係咁大個頭架!!]

護士[如果有就無事啦...]

咁如果無大頭亞哥,

我可能要檢吓個腦裡面係咪全部都係[草]!!

定係飲咗大頭奶粉呢?????

請不要再震........

2011 06 23

（法新社東京23日電） 日本東北部岩手縣外海今天

清晨6時51分發生規模6.7強震，日本氣象廳隨即針對岩

手縣沿岸發布留意海嘯警報，預測高度為50公分，但約

於1小時後解除警報，目前未傳出傷亡或損害消息。

這起強震的震央位於岩手縣外海約50公里的太平洋

海域，震源深度20公里。氣象廳在岩手縣和青森縣境內

觀測到5弱級震度。針對岩手縣發布的海嘯警報於7時45

分解除。

強震來襲後，日本新幹線子彈列車曾短暫停駛。美

國地質調查所（USGS）偵測到的規模也是6.7，震源深

度則為32公里。

日本公共電視台NHK報導，這起強震未傳出損害消

息，也未出現可觀高浪。報導稱，地方當局曾針對岩手

縣沿岸大約8000戶居民發布疏散指示。

NHK的報導又說，位於岩手縣南方的宮城縣女川（

Onagawa）核電廠未發生新損害，女川核電廠自311東日

本大地震後就停止運轉。1

失望的[牛角]

2011 06 20

好耐無見兩位好姊妹,

一於出來吹吹水!!

其中一位好想食日本嘢,

揀咗[牛角]!!

環境OK,

服務可以接受,

訂枱時職員話排到9月......

最後WALK IN!!

食物質素唔得......

份量又少!!!

最差係[醃料]味濃,

仲勁咸....

食不到肉味......

[番到屋企要狂飲水]!!!

應該唔會再幫襯!!

人慶我,我慶人!!

2011 06 21

今日收2點半,

清OT鐘,

走咗去睇戲!!

好睇.....

多謝BLOG友介紹!!

睇完戲去食飯!!

6月份除咗係我嘅大日子,

都係我兩位死黨的大日子,

我地同年同月生架....

今日係左手邊果位生日,

中間那位最大,

老大每年都會等今日,

同我倆講[我地睇齊喇....],

因為我地成日笑佢老過我地.....

壽星女想食串燒,

我就揀咗呢間[鳥羽]!!

好好味,

而服務也不錯!!

不算大,

但有獨立房!!

腐皮包溫泉蛋

沙律

牛脷

中辣

甜味

棒棒雞肉

雞軟骨

燒鰻魚

我一見[朱古力軟心蛋糕],

即係當佢係[心太軟],

點知....

係正常朱古力蛋糕,

不過好好味....

跟住再去食甜品,

[義順]

當然食[雙皮奶]啦!!!!

直到今日為止,

成個6月都出街出食飯,

而中間一個星期去咗旅行,

食到好雜,

個腸胃唔係好舒服....

明晚都係...

[停一停,抖一抖]....