[福]射行@青森 ~ GO GO GO!!

2011 05 30

一波九廿幾折

2011 05 26

今日再問吓班機點啦??

AGENT又係果句,

大韓取消飛[青森],

仲話果邊不斷有地震,

不如改飛扎幌吖!!

呢條友真係搞笑,

日本一年365日都會震架啦,

咁點呀??

以後唔好去咩!!

2010標尾會之旅 [追楓] ~ 高尾山!!

2010 11 27

一早起身睇吓有無雲海先,

霧就大把....

咁去浸一浸先,

跟住食早餐,

係傳統和式早餐!!

第2煮.....出師不利.....

2011 05 22

今日煮日式咖哩,

一開波就乃嘢,

切親手指.....

好彩切得唔係好深,

起咗層皮,

一陣就只咗血喇,

繼續!!

因為我仲未買米,

所以用印度薄餅送咖哩!!

好方便的薄餅,

不用解凍,

不用落油,

每邊煮兩分鐘,

搞掂!!

到主角喇!!

用牛油起鑊,

炒3分鐘

加水煮10分鐘,

最後熄火落埋咖哩,

焗幾分鐘.

完成!!

食唔哂,

明晚咖哩湯烏冬!!

落九屎 = 浪漫??

2011 05 22

真係咩人就會諗咩??

原本約友人食LUNCH,

BUT落九屎....

大到唔知點出街好??

就打電話比佢,

問吓點啦??

友人話:[落雨落到天昏地暗好浪漫呀!!]

唔係呀???

我好想出街逛逛,

不過又好討厭落雨......

因為...

途人不斷用遮剷你個頭??

明明係簷缝底都唔收遮??

唉...

取消???

2011 05 20

今日半天工作,

下午外出上堂,

上堂地點好近pi姐,

就約pi姐食飯啦,

點知我搞錯咗......

原來pi姐唔係喺呢座大廈返工.....

最後自己食!!!

唔好意思pi姐,

打攪哂!!

飛機王自己蒲頭!!

2011 05 11

今日收到[飛機王]來電,

想約今晚食飯,

係我咁得閒應酬佢咋....

其他兩位都唔得閒呀!!

[飛機王係"每月例飯"嘅成員之一]

咁突然就[和民]啦!!

千其唔好食[心太軟],

流到爆!!!!

第1次.......

2011 05 16

哈哈,

第1次下廚!!

[公仔麵唔算]

蕃茄薯仔湯!!

好味!!

唔去唔去都係去........

2011 05 10

話說3月頭見CX有特價,

6月份 $26XX[TYO],

即刻網上買,

每月例飯@富貴飯堂

2011 04 28

 

又到每月例飯,

都係果兩位死黨!!

 

今次去富貴飯堂 ~ [鏞記]!!

早兩個星期訂好位,

當日一去到即刻比枱我,

等候時間 ~ 0分鐘.

但有好多同胞等緊位,

仲話可以分開幾張細枱坐,

總之就要食到為止!!

 

我地坐二樓,

發覺全層都係[遊客],

有好多個種族,

好似得我一枱係[土炮]!!

 

見到對面果枱英文人,

叫咗幾杯[凍檸茶],

我地估似係叫隔離[翠華]送過嚟??

 

好開波.....

 

 

初時我地叫一隻,

不過伙記話我地食唔哂,

叫半隻啦!!

[好似無問我地O唔O喎]!!!

其實我地係食得哂,

之後仲想叫番佢過嚟,

幫我地再落多半隻,

最後都無叫!!

 

 

叉燒 ~ 好得!!

叉燒底放咗好多豆,

好好味!!!

 

 

朋友好想食[咕嚕]汁,

但唔想食[咕嚕肉],

就問伙記有乜好介紹,

佢就介紹用[蝦]啦,

好就叫咗[咕嚕蝦]!!

正!!

 

 

叫咗太多肉喇,

叫番味[素],

我點咗個[XX豆腐],

我見有[廚師推介],

所以就佢啦!!

嘩,

外面脆卜卜,

裡面又嫩又滑,

好味!!

 

仲想叫甜品,

不過極普通,

又貴.

撇...

去搵糖水食!!

 

走之前食埋友人從[意大利]帶回來的Kinder仔!!

正!!!

 

 

行咗幾條街,

係一條斜路上面,

有一檔大排檔,

仲有糖水食,

不過我地好熱,

唔想坐街邊食,

再行都唔覺有,

路過一間古老涼茶鋪,

呢ROUND友人請,

多謝哂!!

多謝PI姐

2011 04 15

 

前幾天收到pi姐來電,

查詢關於[不漏國]嘅問題,

pi姐想暑假前往,

我當然舉腳贊成啦,

[不漏國]真係好正架,

各位請不要帶有色眼鏡去看[不漏國]!!

 

pi姐約我今晚食飯,

順便攞本[不漏國閃閃書]比pi姐,

pi姐想食[老趙]真應景!!

 

18:30我已經到達餐廳,

時間尚早人好少,

得幾台客,

安排我坐2人枱.

 

坐咗一陣,

有個極品女人walk in,

話3位,

職員安排佢坐近門口望街位,

佢即刻say no,

職員再安排佢坐係我隔離枱,

最後佢有一個朋友唔嚟,

得番兩人,

職員都有收起多咗果份餐具,

變咗有一張2人吉枱.

 

我地叫嘅食物到喇,

裝飾嘅[椰子樹]好得意!!

 

好似一次過起菜咁,

全部一齊嚟唒.....

所以唔係好夠位,

職員好快手地拉隔離張吉枱比我地擺餸,

極品女人即刻發顛,

鬧職員做乜攞走佢張枱??

職員堅持比張枱我地,

再同顛婆解釋:[我地唔夠位擺嘛!!]

顛婆即刻發爛,

就話:[咁即係嫌我叫得少嘢啫??]

**事實佢地真係無我地叫咁多嘢喎**

職員堅持唔比番張枱佢,

顛婆就話要轉枱,

但係嘈要坐卡位,

職員安排唔到比佢,

佢就繼續鬧........

總次佢好嘈,

好煩,

又好大聲........

 

pi姐同職員講[唔要呀張枱,比番佢,好煩呀.........]

講到好似係我地搶走佢張枱....

我地跟本無要求過要張枱!!

顛婆仲嚟:[小姐,我唔係話你,我係話個職員無禮貌......]

其實最無禮貌係個顛婆囉.....

拍番張枱比顛婆後,

顛婆即時收聲,

但係搞到我地好無mood囉........

職員不停同我地講[唔好意思....]

 

跟住顛婆都無再叫嘢食,

隔咗一陣個張枱比咗兩名客人坐,

抵死,顛婆變咗同人搭枱!!

 

最後職員好識做,

送咗兩碗糖水比我地!!

 

臨離開餐廳時,

繼續同我地講唔好意思.......

 

呢餐係pi姐請架,

真係多謝pi姐!!