2010 06 20
繼續賀壽,三位6月之星今日決定郊遊,遊[赤柱]!!
由下午HEA到天黑,有說不完的話!!!
明天輪到賀最後一位6月之星生日!! 決定唱K,YEAH!!!
2010年6月21日 星期一
2010年6月20日 星期日
細壽
2010 06 18
618就係我的誕生日,而今年要做[細壽]lu!!得意妹 : [大壽]就係60歲,咁亞不你即係x張嘢囉!!
係公司切首個蛋糕!! 多謝同事們!!!
晚上一如已往同兩位死黨一起慶祝!! 是關她們都是6月之星,仲要係同年添架!!
今日我大哂,可以揀食咩!! 我揀咗[和宴]日式燒烤!!
見佢係openrice嘅分數都幾高,一於試吓啦!!
環境非常好,十分寬敞,一邊望街景坐地下,對腳可以放落枱底!! 而另一邊係卡位!!
食物方面GOOD呀!!!
叫咗兩個SET,再散叫!!
哩幾片散叫日本和牛最正!!
哩杯鮮榨提子汁,夠真材實料,正!!!
我倆生日只相差三日,所以一齊切蛋糕!!!
哩度有切餅費,但係我地一齊叉嚟食,無分嚟食,個蛋糕好好味,食哂!!!
多謝死黨們呀!!!
2010年6月16日 星期三
2010年6月15日 星期二
2010年6月14日 星期一
2010年6月10日 星期四
我的偶像
2010 06 10
今日係我的偶像生忌 ~ 黃家駒先生
生於1962 06 10
1983年Beyond正式組成
在Beyond組成首十年發表之作品中,大部分均為黃家駒作曲及演唱!!
經過多年努力,Beyond成為香港最舉足輕重樂隊,1989年,由黃家駒作曲,以歌頌母親為題的作品《真的愛妳》大熱,成為家傳戶曉的頌母歌曲。不過,由於對香港樂壇失望,加上希望樂隊能衝出香港,故九十年代初期,Beyond決定發展東南亞、台灣、大陸、日本等市場。
1992年,Beyond開始長居日本,接下大大小小的工作,其中包括黃家駒最不願意的遊戲節目!!!
1993年6月24日凌晨,樂隊於日本富士電視台錄影遊戲節目時發生意外,黃家駒不慎由2.7米高台跌下,頭部著地重傷昏迷,留醫六天後於日本時間下午4時15分逝世,得年31歲!!
同大家分享,家駒名曲 ~ ~ ~
2010年6月8日 星期二
收工收4點搞咩好呢???
2010 06 08
今日收4點,真係好爽,不過所有朋友都未放工,無無聊聊去咗[九龍城],搵食!!
好多年無嚟喇!! 好似比以前冷清???
哩個位如果[啟德]仲係度,飛機就好像車過你個頭一樣,正!!
首站,龍岡道[清真],必食噴汁[牛肉餅]!!
大家一定要小心餅內熱辣辣嘅汁,真係會噴出來,千其唔好一啖咬落去呀!!
要慢慢來!!
味道依舊,可惜將貨就價,牛肉少咗好多呀......每件$11!!
再叫碗[牛展麵],好[林],好味!!$27!!
湯底堅,食完成晚唔洗點飲水!!!!
仲有好多好嘢架,不過我食唔落喇!!
下一站,甜品 ~ ~ ~ ~
行後一條街城南道[皇室甜品],見佢門口有推介,係[心太軟]$35,即刻試!!
好可惜......比起[不漏國]果個,實在差得太遠了,唔係簡直不能相提並論....
見到個樣已經知乃嘢!! 側邊用朱古力刁花都無用啦,老板......
佢皮厚之餘,仲唔脆,D朱古力仲唔識[流]出來,而且好甜呀!!
果兩球雪糕都唔想再講!!
不會再幫襯!!!!
個口仲好甜,無哂MOOD食其他!! 番歸!!
路過[豪華餅店],見到有人排隊買旦撻,可惜吃不下了......好下次再來!!!
2010年6月6日 星期日
[不漏國]唔去唔知咁C服 ~ 不漏[吳哥]??
2010 03 31
吃過酒店普通的早餐,普通到無影相!!
08:30準時係酒店大堂等旅遊巴,
參加咗SINH CAFE 嘅半天團,
去睇有[不漏吳哥窟]之稱嘅[美山聖地]
!!!!
!!!!
[美山聖地 / My Son Sanctuary] 距離[會安]40公里。
該區曾經統治越南中南部地區
長達14個世紀的印度教[占婆王國]的心臟地區!!
3世紀到12世紀,
美山聖地一直是[占婆王國]的統治中心,
它是現存的占婆王國時期最古老最龐大的建築群!!
4世紀時，逝世的國王就被埋葬於此!!
美山聖地 ~ 繁盛的占婆王朝從4世紀持續到13世紀,
每一代占婆王朝都建造新寺廟,
或修建舊寺廟,
修建的寺廟總數達70餘座,
從而使得美山成為占婆王國重要的聖地!!
直到15世紀末,由於占婆王國遷都,
美山聖地從此荒廢……
美山聖地安然無損地存留於世!!
遺址在100多年前被[法國]考古學家發現!!
到1937由法國派專家開始修復工作!!
但1969年在[越戰]中遭到美軍轟炸後,
70座寺廟及古塔中,只有20座幸免於難保存下來......
於1999年聯合國教科文組織將美山寺廟作為文化遺產,
列入世界遺產名錄!!
神秘的砌磚藝術大師
1980年起,越南和波蘭合作對美山遺址進行修復,
十多年的加固和修理使占族藝術遺產部份恢復了原貌,
使人們可從殘垣斷壁中體會到當時占族建築藝術的精華!!
1982年,波蘭人用新磚修補遺址的地方,
磚塊都已變黑並長出青苔,
而古老原始磚面卻是保持一貫的紅艷顏色,
並且幾乎看不見接縫,非常平整!!
2001年，聯合國教科文組織請來專家仿造美山遺址造磚塔，
到一定的高度後就垮下來，
屢做不成，最終放棄，
現代所謂的先進建築技術也達不到古人的建築技藝。
令人對古代的磚造建築技術不由肅然起敬!!
占婆人的建塔技術、石砌雕刻藝術，
正是美山最值得研究之處!!
中國的史書曾讚揚占婆人是「砌磚藝術大師」。
美山塔寺群中的磚塊硬度均勻,
大小為 31×17×5厘米,
以層疊堆砌的方式興建,
穿越了漫長的時空依然緊密地重疊,
經歷多個世紀仍屹立不倒,
是建築力學的極致展現,
如果不是戰爭破壞,
絲毫不見鬆動的跡象,
連現代科學家現在也解釋不了,
現代的建築專家也建造不出來!!
令人吃驚的是,
這些設計精巧的塔寺,
磚與磚之間並沒有使用灰漿,
當年使用的是甚麼黏結劑呢？
是當時占婆人已掌握到樹脂加熱的黏合技術!!
塔寺是由乾磚所建,然後用漆樹脂作為黏結劑砌在一起!!
[美山聖地]因為戰爭差點被剷平!!
戰爭禍害......唉,而家得番哩D......
訂閱：
文章 (Atom)