準備手信

2010 06 13

因前往東北追夏祭,嘅大日子臨近,

所以要開始準備手信比女將喇!!

首先,幸得大師出手相助,畫咗一幅畫比女將!!

而今日就係要替名畫加底[即係俵起佢],

所以上深圳[俵畫]30蚊人仔一幅!! 兼且雕個圖章比女將!!

我地一早向[福田口岸]出發!!

我第一次行[福田]過關,無乜人唔錯!!

我諗大家都知深圳地鐵,係用好似[籌碼]來做車票的!!

由福田口岸搭一個站就到[福民]站!!

就係要俵哩幅畫喇!!

跟住要雕圖章!!

老板攞咗成箱不同大小,有平有貴嘅石比我地揀,

摷到有三件好嘢,

哩三件簡直係玉石[我無影低呀],

好靚好特別,最後揀咗一件半透明嘅玉石,

用電筒從後一照,見到雕刻[可以話係浮雕]有一位佛祖,

真係好靚,老板望住塊玉石,諗咗一陣,

就話刻[樂在其中]啦,

仲開咗個靚價比我添[老板好老實架],

不過要等一星期先有得攞!!

跟住再揀一舊用嚟[刻名],

點知睇睇吓買埋下面哩幾舊,

有一舊係大師睇中!!

而大師要買畫紙 & 紙鎮!!

哩到嘅毛筆,可以叫老板即時刻名架[免費的],

咦!可以做枝[私家Q]喎!!

老板好好傾,佢不竟是一位文人,

一出口就成文,同佢傾得好舒服,

而且佢係好有性格嘅老板,唔係出得起錢就會賣比人,

佢係要賣比D識得欣賞嘅有緣人!!

我地係度搞搞震,搞咗成兩個幾鐘!!

我地好似尋寶咁,好過癮!!

箭咀指住就係大師喇!!

[大師其實係我大家姐嚟架]!!

我地差不多三點先走,攪到老板都未食飯,

真係唔好意思喇!!

跟住我地都要搵食喇!!

已經過咗飯市時間,叫幾個點心算吧!!

最有驚喜就係哩個[榴槤酥],

好味到不得了!!其他都唔錯!!

食飽再行多一陣,買咗張[5呎嘅珊瑚毯]49蚊人仔,抵!!!