2008年12月29日 星期一

向京都紅葉出發 - Day 2(下)

08年11月26日 下午 (晴)


離開三千院乘巴士往八瀨駅前轉乘叡山電鐵往鞍馬,
早上先熱身初見紅葉已讚不絕口,
咁鞍馬一定更漂亮!

在等車時發現有一位女生在月台上掃描,
十分優雅!!(我都好想好似佢咁!)



大概二時三十分到達鞍馬,
原本行程到くらま温泉住一晚但book唔到,
退而求其次日浸啦,但唔夠時間,
因為我要由鞍馬寺出發行到貴船神社夜賞紅葉(貴船もみじ灯篭)!!
所以放棄くらま温泉,由鞍馬寺出發...



一路上經過多個神社、堂及庵,
配合紅葉做背景,靚到不得了....



行行吓覺得唔對路,並不是迷路,
而是好似行了很久,
看看手錶,
已經行咗個幾鐘,
仍然上緊山,
開始扯蝦,心跳勁快!!
但是對頭行的日本人,
因為他們落山十分輕鬆,
每一個都同我打招呼(con-lee-之-嘩),
(大家都知日本人幾有禮貌啦!),
當時我扯蝦扯到說不出聲,
並沒有續一低下頭繼續行,
突然想起有位台灣網友話好易行,
仲話個多小時便到達貴船(老點),
究竟係台灣人身體好,
還是我太虧呢??



木之根道



過了一段木根道之後終於落山了,
仲唔輪到我輕輕鬆鬆同你地打招呼,哈哈....


一共行咗兩個幾鐘到達貴船神社,
對於一個少運動的人來說,
都幾辛苦嫁!!


日間

夜間


其實貴船神社十分細,
但係有以下獨特的占卜 ~~ 水占
  
(1)



(2)
                               



(3)


(1)先買一張簽文,承惠200円便可隨便抽一張.

(2)將簽文拿到側邊的水池.

(3)放進水中.
                                 
最後,文字便會浮現出來.
嘻嘻!!我得到中吉!!!



當簽文乾了以後,所有字無哂!!
(我未試第二次唔知啲字仲有無呢???)
之後我便專心影相!!


影這張相時,使我聯想到"龍婆"會出現


晚上這裡很冷,
影相時不能戴上手套,
已經變了冰!!
都差不多要離開了,
於是乘坐巴士到貴船駅.
到達貴船駅月台,
嘩!有很多紅葉,
晚上還打上燈,好靚啊!!!

火車到達原來是觀光火車,
lucky我是不知道的,
窗特別大,
還有一排椅子面向窗坐,
當火車行駛了數分鐘後,
突然所有燈都關上,
漆黑一遍,
連車速都放慢,
吓咩事呢???

原來給乘客觀賞外面美景,
就是這樣打上燈,


過了這段路便回復正常速度,
返回市區,
這天行程完結,
一個字正!!!!

2008年12月19日 星期五

向京都紅葉出發 - Day 2

08年11月26日 - Day 2 (晴)


昨晚一輪怒浸後身心都得到慰藉,
今天晨咁早向京都出發,
好順利轉車,轉車再轉車,
10:00左右到達JR京都駅,
雖然京都是一個古都,
但車站設計新穎,又大又靚!!

將行李放到儲物櫃後,
立即前往第一個景點"三千院",
看到到巴士的人龍都有三,四十人便知紅葉一定滿開,
企足全程還要塞車,
因為這是旅遊旺季,
很多日本人都要來一賞紅葉,
大約12:30到達三千院對出巴士站,
為了爭取時間立即步往三千院,
大概行20分鐘.真係勁多紅葉!!

2008年12月16日 星期二

向京都出發


自從上年於北海道看過紅葉後,
發覺紅葉比櫻花還要靚!!
便誓要每年到日本賞紅葉!!!
今年京都 ~ 這裡是鞍馬