向京都紅葉出發 - Day 7 (完結篇)

08年12月1日 - 下午 (晴)

離開[金閣寺]乘巴士往[祇園],琴晚只是路過未能仔細咁行,所以今日再去,落車巴士站與昨天一樣,心思思又行番去嗰檔[章魚燒]再食多次,當然一樣咁好食啦!!

之後逛街,看看手錶3點3喎,一於去下午茶先,沿途已經見到好幾間甜品鋪,間間都好多人,終於見到一間有椅子可以坐住等,就這間啦!! 等了20分鐘左右有位,係4人枱,原本唔興搭枱,我見到好多一個人都係比一張4人枱,咁先叫服務!!但係如果佢比搭枱,咁我就一定唔洗等20分鐘啦!!況且我哩啲已經受慣港式茶餐廳o既特訓,無有怕!!!

主角嚟喇!! 由上至下 ~~裏面有 紅豆,雪糕兩球(綠茶+),栗子容,黑糖蛋糕,丸子及黑糖啫喱!!好好味!!!!

向京都紅葉出發 - Day 7

08年12月1日 - 晴

今日最後一天了,諗起明天要早機走,頓時無隱!!

正所謂今朝有酒今朝醉,今日要盡興!!

首先前往[金閣寺],

如果去京都唔到金閣寺,就即係無去過!!

真係好出名,

但是金色的寺只可以遠觀,

而不能內進!!!!入場費要400円!!

好大家睇睇,建築在水中央!!

向京都紅葉出發 - Day 6 (晚)

08年11月30日 - (晚)

離開[南禪寺]後乘巴士到[祇園],

已經接近黃昏,原本想到"一澤帆布"朝聖,

但係我落車的位置實在有點距離,

況且偷聽到後面兩位港客談論緊:[今朝諗住去買帆布袋,

點知唔係太多貨選擇],所以都係放棄!!

到達[祇園]最旺的地方"四条通",

兩旁商店人來人往,行行吓見到有街邊檔,

係賣"章魚燒",但係仲有另一款嘢食喎,

就係外面用蝦餅(香港超市有得賣"四洲"有出)夾住三粒章魚燒加醬汁即成,好香呀,外面脆卜卜,裏面熱騰騰,

仲有大大粒超彈牙o既章魚!(350円)

向京都紅葉出發 - Day 6 (下)

08年11月30日 (下午)  -  晴

午飯已經吃得很飽,

但是路過麵包鋪雙腳被香味帶動,

不由自主地步入麵包店內,仲發現到麵包也用紅葉做裝飾,

真的很佩服,

其實今次一直想找"炒麵三文治包",最終找不到,

唔知大家仲記唔記得"娛樂金魚眼"這套卡通片呢??

主角華美子一放小息,便擁到小食部買炒麵三文治包,

就係這個包,我食過一次,

喺上野駅內麵包店買過!!!之後就無食過了!

向京都紅葉出發 - Day 6

08年11月30日 - 晴

因為套票包兩晚大阪酒店,

便安排昨晚返回大阪hea,

隨意逛逛,飲吓食吓,不過提不起勁來,

唔知點解我對大城市無咩興趣,無論東京,扎幌都一樣,

可能我前世是個"鄉下佬"???

都喺早點休息,明早再戰京都!!

今早乘京阪本線往伏見稻荷(睇鳥居),

好順利到達,而且天氣很好!!

向京都紅葉出發 - Day 5

08年11月29日  -  晴

講番琴晚食咗但馬牛火鍋 + 松葉蟹好好味呀!!

食食吓先記得影相所以隻蟹得番d殘肢!

向京都紅葉出發 - Day 4

08年11月28日 - 晴

今早諗住再上多次清水寺,

看看日與夜之分別,

可惜天陰仍然落雨毛,

便打消念頭再瞓!!

向京都紅葉出發 - Day 3 (下)

08年11月27日 - 晚 (晴 轉 雨)

下午五時返回京都市區,

因為今晚要到清水寺夜賞紅葉,

所以安排入住"京都清水"酒店,

位於五条坂,好近清水寺(行5分鐘左右),

首先這間酒店外貌唔似酒店,

我行過"龍"都唔知,

裡面好闊落無論公共地方或房間,

一樣咁大,有別於一般酒店,

3樓有風呂(啱哂我這個"爛浸友"啦),

嘩!仲有室內泳池!

向京都紅葉出發 - Day 3

08年11月27日 - 晴

今早要6點起身仲早過番工!?

何解??

因為一定要坐到嵯峨野觀光小火車(Car No.5),

這卡特別之處是沒有窗的,

並且不設予售只能即日買,

正當賞紅葉旺季,

所以要晨早由京都駅乘JR出發往馬堀,

再行10分鐘到亀岡駅(轉乘嵯峨野觀光小火車).

向京都紅葉出發 - Day 2(下)

08年11月26日 下午 (晴)

離開三千院乘巴士往八瀨駅前轉乘叡山電鐵往鞍馬,

早上先熱身初見紅葉已讚不絕口,

咁鞍馬一定更漂亮!

在等車時發現有一位女生在月台上掃描,

十分優雅!!(我都好想好似佢咁!)

大概二時三十分到達鞍馬,

原本行程到くらま温泉住一晚但book唔到,

退而求其次日浸啦,但唔夠時間,

因為我要由鞍馬寺出發行到貴船神社夜賞紅葉(貴船もみじ灯篭)!!

所以放棄くらま温泉,由鞍馬寺出發...

一路上經過多個神社、堂及庵,

配合紅葉做背景,靚到不得了....

行行吓覺得唔對路,並不是迷路,

而是好似行了很久,

看看手錶,

已經行咗個幾鐘,

仍然上緊山,

開始扯蝦,心跳勁快!!

但是對頭行的日本人,

因為他們落山十分輕鬆,

每一個都同我打招呼(con-lee-之-嘩),

(大家都知日本人幾有禮貌啦!),

當時我扯蝦扯到說不出聲,

並沒有續一低下頭繼續行,

突然想起有位台灣網友話好易行,

仲話個多小時便到達貴船(老點),

究竟係台灣人身體好,

還是我太虧呢??

木之根道

過了一段木根道之後終於落山了,

仲唔輪到我輕輕鬆鬆同你地打招呼,哈哈....

一共行咗兩個幾鐘到達貴船神社,

對於一個少運動的人來說,

都幾辛苦嫁!!

日間

夜間

其實貴船神社十分細,

但係有以下獨特的占卜 ~~ 水占

  

(1)

(2)

                               

(3)

(1)先買一張簽文,承惠200円便可隨便抽一張.

(2)將簽文拿到側邊的水池.

(3)放進水中.

                                 

最後,文字便會浮現出來.

嘻嘻!!我得到中吉!!!

當簽文乾了以後,所有字無哂!!

(我未試第二次唔知啲字仲有無呢???)

之後我便專心影相!!

影這張相時,使我聯想到"龍婆"會出現

晚上這裡很冷,

影相時不能戴上手套,

已經變了冰!!

都差不多要離開了,

於是乘坐巴士到貴船駅.

到達貴船駅月台,

嘩!有很多紅葉,

晚上還打上燈,好靚啊!!!

火車到達原來是觀光火車,

lucky我是不知道的,

窗特別大,

還有一排椅子面向窗坐,

當火車行駛了數分鐘後,

突然所有燈都關上,

漆黑一遍,

連車速都放慢,

吓咩事呢???

原來給乘客觀賞外面美景,

就是這樣打上燈,

過了這段路便回復正常速度,

返回市區,

這天行程完結,

一個字正!!!!