2009年3月4日 星期三

向京都紅葉出發 - Day 7 (完結篇)



08年12月1日 - 下午 (晴)


離開[金閣寺]乘巴士往[祇園],琴晚只是路過未能仔細咁行,所以今日再去,落車巴士站與昨天一樣,心思思又行番去嗰檔[章魚燒]再食多次,當然一樣咁好食啦!!


之後逛街,看看手錶3點3喎,一於去下午茶先,沿途已經見到好幾間甜品鋪,間間都好多人,終於見到一間有椅子可以坐住等,就這間啦!! 等了20分鐘左右有位,係4人枱,原本唔興搭枱,我見到好多一個人都係比一張4人枱,咁先叫服務!!但係如果佢比搭枱,咁我就一定唔洗等20分鐘啦!!況且我哩啲已經受慣港式茶餐廳o既特訓,無有怕!!!


主角嚟喇!! 由上至下 ~~裏面有 紅豆,雪糕兩球(綠茶+),栗子容,黑糖蛋糕,丸子及黑糖啫喱!!好好味!!!!




吃完繼續行,路過細小寺廟,買了一枝香10円參拜,排隊點香,前面個位太太將未燒完的火柴幫我點埋,好好人啊!!




買齊手信又要走lu,坐巴士返回京都駅內最後一擊"伊勢丹",行到最底一層食物街,有一位朋友要我買"人形燒"比佢,啱啦這裡一定有,行咗一轉"無",見到有個資詢櫃台,問下姐姐先,佢諗一諗就話喇,"人形燒"係"東京"特產,你知道嗎???(我知呀!!),佢再講這裡是"京都"所以無得賣!!!佢一定以為我係大鄉里啦!!! 激死我呀,我個朋友令我蒙羞!!!最後機場都有得賣!!




臨別京都,喺火車站二樓見到棵好大o既[聖誕樹]呀!!


喺火車站內地下街有條食街,有多間食肆,就在這兒吃最後的晚餐!!








最後的晚餐,都算係我的最愛之一"大阪燒"!! 睇住師傅點整,佢不時偷望我呀,因為我偷影佢先!!味道方面~~我鍾意"大阪燒"多過"月島燒",但係"月島燒"就細個d,又可以自己燒比自己食!!!


吃完最後的晚餐,要返大阪了,明天搭早機離開!!


賞紅葉之旅圓滿結束,今次比想像中順利!! 仲有一個[人情味]的經歷,其實我好經常係日本撞到好人,今次就喺"貴船"走上一架觀光火車搭返市區之中,當時全車滿坐,我站在單邊位走廊中間,手拿一個大環保袋,身上又"咩"住一個中型手袋,特然覺得好似有人望住我,那位太太坐在我前面的單邊位(我係面向窗企),我以為個袋撞親佢啦,原來唔係,佢見我無得坐又扲住個袋,叫我放係佢大脾上面幫我拎住,點解現實會有d 咁好o既人!! [之前睇過一集"我們這一家"花師奶叫"亞柑"去超市買好多嘢,搭巴士返屋企又係無位坐,有位太太叫"亞柑"放袋嘢係佢大脾上,落車先攞唔洗扲住!!] 如果唔係親身經歷,我仲以為卡通先會有d 咁o既事!!!

15 則留言:

  1. 甜品!! 超正~ 多謝分享你既旅程~ 我睇得十分十分之開心~ 又羨慕!! 加油~ 期待你下一個旅程~
    [版主回覆03/05/2009 13:52:00]點解香港無d咁正o既甜品嫁???
    多謝捧場 !! 令到每一位都開心,我先動力繼續寫!!
    下個旅程我好想寫[立山]先,因為我好鍾意那兒!!
    多謝,多謝,好多謝你呀!!!                                                      (我都好期待你o既"北海道之旅")

    回覆刪除
  2. 土撥鼠5/3/09 10:59

    嘩, 綠茶雪糕新地, 大阪燒, 我都好想食.
    [版主回覆03/05/2009 13:35:00]係呀,超正!!點解香港無咁o既甜品嫁!!

    回覆刪除
  3. 乜你自己一個去嫁?
    [版主回覆03/05/2009 13:32:00]咦,哩位同學唔留心聽書!!  係呀,最近除咗羸比賽個次同家姐去(因為雙人機票),其他都係自己一個去!!

    回覆刪除
  4. 幾時UPLOAD不老不死?
    [版主回覆03/06/2009 10:28:00]我諗最快要等我番嚟先,我星期日出發lu!!

    回覆刪除
  5. 你幾驚你唔寫呢個 "日本好人太太的經歷" 呀!
    呢d就係自助遊的樂趣之一喇
    可以更加容易感受到當地文化和人情呀!
    [版主回覆03/07/2009 10:52:00]啱聽 [自助遊的樂趣] !!

    回覆刪除
  6. 打錯字
    "我" 幾驚你唔寫呢個 "日本好人太太的經歷" 呀!
    [版主回覆03/07/2009 10:34:00]我都成日打錯字!!
    上次你叫寫吖嘛,我記得!!!佢太好了,到而家我都歷歷在目!!!

    回覆刪除
  7. 聽日出發囉喎!!
    執好行李未呀, 定係今晚先執呀??
    [版主回覆03/07/2009 12:03:00]只執了衫,其他都未!

    回覆刪除
  8. 咦....又去日本....好羨慕耶...
    [版主回覆03/08/2009 19:08:00]I'm at KAMAKURA. The Weather not  good!!  But very happy now!!!!

    回覆刪除
  9. 好叻呀下,真係完哂個blog先去下一個trip!!唉,我仲作緊死呀!你玩得開心d!
    [版主回覆03/08/2009 19:05:00]I'm at KAMAKURA. So Happy!! Ha Ha Ha....  
    What you need??You can tell me,if I found!!!!

    回覆刪除
  10. 哎吔,我都無留意到京都火車站內地下街有條食街添~~
    [版主回覆03/16/2009 13:37:00]下次再去過,你一定有機會o既!!!

    回覆刪除
  11. 紅米奇10/3/09 21:38

    嘩! 乜講講下已完結篇
    日本真是講極都講唔完, 玩極都玩唔完
    [版主回覆03/11/2009 09:08:00]Yes!!!!!!!! Now I'm at Kamakura!!

    回覆刪除
  12. 請問幾時有不老不死之旅睇?
    [版主回覆03/17/2009 12:53:00] 請給我一點時間,現在仍然[魂不符體] ,魂頭留低咗喺
    日本!!

    回覆刪除
  13. 幾時出發呀~?
    [版主回覆03/17/2009 12:51:00] 請給我一點時間,現在仍然[魂不符體] ,魂頭留低咗喺
    日本!!

    回覆刪除
  14. 等你新blog嘛.....我累呀~ 你快d post d 好野等我醒神下啦~
    [版主回覆03/19/2009 13:27:00]出咗喇,快d嚟醒醒神!! 祝你考試順順利利!!!

    回覆刪除
  15. 電占 豆豆 幸の旅日 World ^^20/4/09 23:18

    呢篇blog ,兩樣野都是我的至愛
    [版主回覆04/21/2009 13:19:00]這兩款美食都係我的真至愛,又其大阪燒呀  
      多謝你們用咁多時間,睇番我d舊遊記

    回覆刪除