突襲鎌倉(賞梅篇) - 由西北航空開始

各位,如要成功突襲,

首先要購買平機票,

由農曆新年過後多間航空公司開始減價,

本人一直選用ANA對他鍾情,

但是見到西北航空不斷減,

減到$2,498.00(包稅&附加費),

決定買!!

有好多人話老美機[即美國航空公司]好麻煩,

又要早很多出機場!!

應該是由911開始或者有恐怖襲擊時會嚴d,

但係我今次超順利,

無麻煩嘢,

而且西北員工仲十分好㖭!!回程機長超型仔,

仲走出來送客(要加分)!!

又無超大隻&超老空姐(亦要加分)!!!

我考慮轉投西北懷抱,

可能暫時放棄ANA lu!!!

大家細心睇睇西北有幾好!

2009 03 08 - 星期日

0700 到達機場已於網上選擇好位置,

去到寄行李&出登機證便行!!

如未選擇座位就要即場用自助check in機,

即時攞位,

完成後出張紙仔再排隊寄行李&出登機證!!

好快便過了關入去食早餐!!

食過早餐夠鐘登機,

唯一分別就是"嘟"咗登機證,

臨上機前要打開手提行李再檢查,

過程也很快!!

坐定定之後,發

覺坐位都幾闊,

而且內籠好新,

最重要頭頂閱讀燈後面有[冷氣出風咀]自由開關!!

好正!!!唔洗熱死,

又唔怕凍親!!!!(要加分)

仲有一個唔同,

當起飛前會有關員上機,

手拿住一個儀器行兩圈,

仲會問空姐d吉位係唔係無人坐,

過程很快!!!

順利起飛,輪到飛機餐出場,

一路都不會抱太大期望,

咦~~西北o既飛機餐又幾好食喎,

去程食早餐,

回程食晚餐!!!

食過飯搵娛樂,

有好多套電影選擇,

好多套都想睇呀,

多亦煩無亦煩!!!!

最後,機組人員服務態度,

非常好,而空中小姐比你感覺係有誠意去服務你,

而唔係打發你個隻!!

而機長又好好喎,

起飛後他開始報導例牌嘢之外,

仲講埋今晚o既流程(幾時派餐,派入境紙,買免稅品等等!!)

仲要有空姐翻譯廣東話&日語!!!

佢仲不時報導現在航行情況!!!

落機時佢仲走出來送客,

仲同我扼手,

佢好靚仔嫁,

又後生喎!!(這裡要加到滿分!!!)

而ANA機長唔會講嘢又唔出來送客,

同埋無廣東話翻譯,

只有日語+英語!!!

1330準時到達成田空港,

嘩~~唔洗排隊,

從未試過,是否經濟差呢???

1400攞埋行李過最後一關,

我估一定會搜行李,

(因為個兩位低能歌手做的好事!!)

但係又無搜我喎,

即出閘!!好嘢超順利!!