突襲鎌倉(賞梅篇) - 漫遊"新江ノ島水族館"

2009 03 09 - 星期一 (陰天) Day 2

今早天色麻麻有雨毛㖭,

成個天都灰濛濛,

我好怕這個天色提不起勁!!!

決定修改行程,先往"新江ノ島水族館",

因為全室內話之佢雷劈吖!!

先留下行李因為明晚會返再嚟,

由[大船]乘JR往[鎌倉],

到達鎌倉立即找今晚酒店(Hotel Newkamakura) 並寄存背囊,

未能check in因為太早(我咁早來只想慳番300円LOCKER費),

這間酒店有80年歷史,

日本藝人"綾瀨遙"同日皇都有嚟過,

我就睇旅遊書介紹想試一試(下篇再講)!!

繼續旅程 轉乘 [江ノ島電鉄] 好似香港叮叮,

不過單層有兩卡,

已經有過百年歷史,

佢o既特色就是有一段沿海路段,

全程大部份緊貼民居,

如屋主打開窗,

絕對可以同屋主Say Hi!!

用來遊覽[鎌倉]與[江ノ島]之間十分方便!!!我買了一日劵580円,

如只乘搭一程就唔需要買pass(自己計計)!!

於[江ノ島] 下車出閘後行左手面,

一路直行見到行人隧道照入,

出隧道後轉右再直行便到;

而出隧道直行 過跨海大橋便到達[江ノ島]!!

終於來到 [新江ノ島水族館] ,

先購票(2,000円門票),

對正入口處有一個廁所,

其實唔太急,

但是怕一陣間搵廁所都係去一去,

嘩 ~~個廁所好大仲要無人,

右面一排洗手盆,

左面一排一格格係補妝位,

唔洗霸住洗手盆個位!!

再行入啲兩邊都係坐廁(我諗超過20個),

仲安裝咗環保着燈系統,

行到邊着到邊!!!

館內有一個兩層樓高圓柱形的魚缸,好壯觀呀!!

由高至低旋轉式咁落,

睇哂缸內多款大/小魚,

行到落缸底對出有一處空地,

給遊客坐底觀賞(潛水員表演),

每日有幾場!!

潛水員仲同魔鬼魚[Kiss]好得意呀!!!

最後要參觀[海洋劇場],

未夠鐘開始先去買d 嘢食先,

買咗飽攞出去露天位,

對住個江ノ島食,好捨意!!

夏天一到這裡便人山人海,嚟游水 + 滑浪!!!

時間差不多去搵番個等開show,

發覺左面有一大班幼稚園小朋友食緊愛心飯盒,

食過飯後他們變身,

穿上自備雨衣(有青蛙,鴨仔&兔仔)好"卡娃E",

原來他們要坐第一行睇表演!!

離開水族館前有大量手信售賣!!

我發現咗一件奇怪手信,就係[卷庄廁紙]??

走 lu出去搵食!!!