日本遊狂迷大聚會

延長報名時間

日本遊狂迷大聚會 ~ BBQ

之前徵求過大家意見,得悉大部份BLOG友支持[吹水大會]!!

而我再同KEROPPI商量過後,決定合辦一個[燒烤BLOG友聚],因為有BLOG友想帶埋小朋友出席,亦得到紅米奇提點小心場地局限,最緊要方便大家交談,所以BBQ就最啱不過喇!!



已決定日期 : 06-12-2009 (星期日)

地點仍可商量

地點 : 白石  www.whiteheadclub.com/Main-1.html

        或

        大尾篤燒烤王  www.taimeitukbbqking.com/



因有BLOG友想延遲報名日期,現延至本人外遊完畢回來再截數!!   如有任何疑問或要求都可以提出或可到KEROPPI個邊詢問&報名!!

現誠邀各位報名出席,請揀選日期、地點及人數!!



多謝支持!!

搞手 ~ 亞PI & 亞不

追[楓]逐[日]追到番老家 ~ 出發lu

2009 10 30

終於等到番老家喇!!

明早08:00飛,

徐咗搭凌晨機外,

都未試過咁早呀,

仲要搭通宵巴士添!!!

得意妹 : 亞BEAR不如我地今晚係亞不個喼度瞓,

咁咪唔怕唔知醒囉!!

熊仔 : 無你咁好氣!!

執嘢未呀你???

熱身BLOG友聚

2009 10 19 - 雨

好耐無同BLOG友吃飯了!!

今次依舊有 JJ + 第一次見的 KEROPPI,好緊張呀!!!

KEROPPI要7:30到,而我同JJ大約六點半到旺角,初時諗住行吓街先,點知橫風橫雨,便早D去[旺角風月堂]攞枱,因不設訂枱!! [注意:但由11月1日起,如未人齊,要過半數人才可安排入坐,我最憎哩隻攞枱方式!!!]

我同JJ都係健談一族,每次一坐低就傾到停唔到,次次都被趕走!! 大約7:30收到KEROPPI電話,佢剛剛開完會,即刻到,仲叫我地食先,無所謂啦做嘢要緊嘛!!我地都係等埋先叫,再繼續傾,傾,傾......到08:00左右我同JJ都覺得肚餓,同埋發覺侍應們眼光不太友善,我地立即睇定餐牌諗定食乜,再收到KEROPPI電話,老細放人佢走得喇,好嘢我地即刻叫個拼盤食住等,食,食,食,傾,傾,傾.....KEROPPI到喇,可以開餐喇!!! 仲有多咗個人,我同JJ可以講少幾講,可以抖一抖,我發覺NON STOP傾咗兩小時後,喉嚨有D痛!!

當三位健談之人坐埋,不停咁講差D唔記得影食物,好彩KEROPPI見到JJ部相機先醒起咋,我地淨係漏咗影拼盤,雖然食物一般,但我地實在太多嘢講,都唔太在意,繼續又食又講到十一點幾才肯收口走人,最後當然要合照啦!!!!

今晚好開心呀,認識到KEROPPI,仲同JJ傾到唔停咀,我地搭地鐵都傾唔停,直至我到LU先停得!! 原來我地真係咁傾得架!!!

過兩日KEROPPI出發[廈門之旅],祝旅途愉快,影多D靚相番嚟同我地分享呀!!!

追[楓]逐日追到番老家 ~ [亞不] 勁架勢!!!

得意妹 : 亞BEAR快D過嚟呀!!!

熊仔 : 咩事??

得意妹 : 亞不又嚟喇,佢今次望住張紙又笑又喊呀!!!!

熊仔 : 吓,亞不你咩事呀,亞不????

亞不 : 亞BEAR你自己睇........

追[楓]逐日追到番老家 ~ [亞不] 好架勢!!!

得意妹 : 亞BEAR呀,今日亞不好怪呀??

熊仔 : 又怪咩呀??

得意妹 : 亞不佢今日對住張紙笑到合唔埋口呀!!

熊仔 : 唔通係情信??

得意妹 : 佢毛就有條,[情信]佢就想!!

得意妹 : 係哩張呀,咦!!全英文嚟喎,亞BEAR你英文好D,你睇吖!!

追[楓]逐[日]追到番老家 ~ 準備番老家!!

得意妹 : 亞BEAR 你又做工課呀??即係我地又出發??

熊仔 : 係呀,31/10/09出發,

不過亞不佢近排好忙呀,又要打遊記,

又要BOOK酒店,又要撲機票,

佢最近仲煩緊[恐龍航空]迫佢清積分呀!!

所以要幫吓亞不囉!!!

得意妹 : [恐龍]積分無得換飛[日本]之後,

亞不火都嚟,仲話以後都唔幫襯,

而家CUT咭迫佢用哂D分添,佢實打電話去鬧爆人啦!!

熊仔 : 係呀,佢打咗去LU,鬧咗一輪,最後佢[R]咗兩張機票飛VIETNAM,仲即刻約實佢個FRIEND出埋票LU!!

得意妹 : 咦,佢唔同我地商量嘅??唔通佢真係聽[芬哩團長]講,試吓唔帶我地出TRIP,睇吓有幾掛住我地??

熊仔 : 唔會掛,可能佢當時太火滾喇,無問我地啫!!

10日 7縣走馬看九州 ~ 第二縣 [大分縣]-九重"夢"大吊橋

2009 06 09 - 陰天

我地離開[別府市]向西南面直駛52km,

大約個半鐘,途經[湯布院],進入[九重],

最後一段路要不斷上山,

真係九曲十三彎,

車神都話成個自駕行程,

最正係哩段路,

佢揸到好high呀!!!

九重[夢]大吊橋(官方網站)

於2006年興建好,

高度和長度都是日本之最!!

吊橋全長390米,橋高度173米,

建築於777米的半空中,造價20億日圓!!!

我比咗500円架(入場費),

好廢話少說,立即上橋!!

10日 7縣走馬看九州 ~ 第二縣 [大分縣] - 別府遊乜嘢地獄!!!

2009 06 09 - 天陰呀

離開[杉乃井],攞車出發遊[別府地獄]!!

別府有八個地獄,

如購買 PASS 2,000円可去哂八個,

而每個400円!!

(1)海地獄 (八個之中面積最大,有溫泉蛋食架!!我地路過無入!!) 

泉溫 ~ 98度