2009年12月30日 星期三

來自遠方的~~~聖誕禮物!!

2009 12 30 - 陰



今日下午收到一個無來電顯示的電話,心諗一定係銀行打嚟叫你借錢交稅,不過今次唔係??

對方是[ups]速遞員!!  咦!我之前郵購嘅嘢都收齊啦,邊個會寄包裹比我呢?? 因為包裹是寄屋企地址,所以我要收工後回家先知係咩嚟!!

等咗成個下午,一收工即刻番屋企睇睇!!



得意妹 : 亞不你有個包裹呀!! 快D拆嚟睇吓!!



原來係西崎 さん呀,佢寄聖誕禮物比我!!

拆開嚟睇吓先!!









西崎 さん ~ ありがとうございます



係我早前叫佢幫我訂嘅[迷你相機],因為不接獲香港訂購,所以要 西崎 さん幫手,我講明出年去佢度先取貨及付款,點知佢直頭送比我作為聖誕禮物!! 吓.....真係唔好意思,我覺得自己好肉酸呀,好似叫人地買嚟送比自己咁,最慘係以後唔敢再叫 西崎 さん幫手訂嘢!! 又要諗定明年送番d咩比 西崎 さんlu,哩次要好重手先得喇!!



得意妹 : 有兩部相機喎,係咪有一部比我架,好襯我呀??

亞不 : 無諗過比你!!

得意妹 : 正一[孤寒不]呀!!



熊仔 : 亞不,仲有張聖誕咭呀!! 好靚呀!!



Thank You So Much!!



2009年12月24日 星期四

BLOG友聚連連 ~ ~ ~

2009 12 23 - 晴






亞不 : 得意妹,亞BEAR ~ 我食完飯番嚟喇!!

得意妹 : 瞓咗喇!!

熊仔 : 亞不,佢未瞓架,佢被人請食檸檬,所以無心機囉,我地等緊你門架,你餐飯食得開心嘛??

亞不 : 食得好開心呀!! 喂,得意妹,紅米奇姐姐話下次一定帶馬騮仔出嚟呀!!

得意妹 : 下次佢出先通知我啦,我唔想再食檸檬呀!!

亞不 : 好啦,好啦,下次我幫你約佢喇!! 馬騮仔你下次一定要出嚟呀,唔該!!

熊仔 : 亞不,你幫我約埋紫BEAR BEAR出嚟得唔得??

亞不 : 咁煩架你地!!



剛剛又有BLOG友聚,今次由紅米奇邀請,仲有PIGGYBREAD ,電占&豆豆!! 都係第一次見佢地呀,好緊張!!!  19:30他們已經齊集火鍋店,唔好意思我遲到,仲要佢地改時間就我,對不起呀咁多位!!!

全晚都係講多過食,不過我地都食到好飽,味道都唔錯!! 而他們都講緊即將二月出發嘅日本之旅,最不安就係電占,樣樣嘢都未落實,不過度度都想去,DON'T WORRY 你咁多料一定搞得掂嘅!!

而我未見他們次前,我估[紅米奇]係少女型但好玩得,[PIGGYBREAD]係高貴淑女,電占&豆豆當然係恩愛夫妻啦,豆豆聽哂電占話個隻!!

見面後都發覺個個都好建談,特別係講到[日本],係點講都唔會完架!!

好高興認識你地呀!! 下次等你地番嚟,再見吖,期待你地嘅匯報呀!!



馬騮仔&紫BEAR BEAR幫幫手下次一定要出嚟呀!!

2009年12月16日 星期三

密密會BLOG友

2009 12 11

今晚初次見[芬哩團長]好緊張呀!! 團長約埋亞PI同我一同食宵夜BUFFET,係九龍酒店22:00 - 24:00!!

我收工出到嚟先19:30,有排都未夠鐘,團長陪我去飲杯嘢先,而亞PI要OT呀,佢要十點先嚟到呀,真係辛苦佢呀夜媽媽都出來!!

原來團長都係非常健談之人嚟架,係我認識嘅朋友之中最堅嗰個,我地一見面就不停講,我地都忘記自我介紹,不過團長佢話第一次同我通電已經介紹咗,但我都有介紹到咩??總之就唔似係第一次見啦,完全係吹水嘅鐵腳呀,佢仲分享咗[一大班人旅遊嘅樂趣],我唔知幾時先感受到呢??   一路講到亞PI嚟,我同亞PI講,好喇你嚟接力,團長佢堅好傾呀,而我要抖抖先!!

當晚我無帶相機呀,係亞PI幫我影完再比番我,唔該哂亞PI!!





而食物方面都有好多選擇,味道都唔錯!! 不過哩兜[魚翅撈飯]就只能滿足虛榮心,味道方面唔掂呀!!


足足講咗成晚,辛苦哂喇兩位!! 而團長今個星期五出發北海道,過一個白色聖誕呀,好期待佢番嚟同我地分享呀!!    團長番咗嚟記得CALL我地出來再傾過呀



2009年12月8日 星期二

BBQ 後遺症

2009 12 07 ~ 雨 

昨日同一班日本遊狂迷相聚後,立即有後遺症!!再加上早兩日要換[小丸子],所以食咗唔少熱氣嘢!!



首先,係身理上[喉嚨痛 + 乾咳]!! 即刻想起每次去日本,都會有親戚朋友叫我買嘅[龍角散],我都有一盒未開過,今朝開嚟試吓先,一開好難聞嘅藥味,入口後好難頂呀,我同事叫我慢慢吞,唔好飲水!! 嘩 ~ 一入口好似[無比膏]呀陣味,起碼三秒後,陣怪味減少,之後係甘甘地!!





到下午喉嚨唔痛喇!! 咳就仲有!! 不過已經唔想食第二次了!!



而心理上梗係想快d有下一次聚會啦!! 幾時可以再見到你地呀???????







2009年12月7日 星期一

日本遊狂迷大聚會 ~ 白石BBQ埸

2009 12 06 ~ 好好天

日本遊狂迷大聚會~出發

今日天氣好好呀,仲可以同一班狂迷BBQ,好開心,好開心呀 ~~~~~

約咗KEROPPI 係馬鐵[馬鞍山]站等,而我係第一次搭馬鐵架,平時搭東鐵只能看到可在大圍站轉車,其他一D都唔知喇...... 我無預計過[馬鐵]個段要坐幾耐,成日諗住由我屋企往沙田30分鐘就得喇,就係咁出事喇,係大圍轉車後仲要搭多7個站先到[馬鞍山],大獲遲到呀.......

得意妹 : 係咪扮嘢亞不你,係東京都難唔到你,你竟然未搭過[馬鐵]??

亞不: 真係未搭過架,仲無CHECK時間,對不起呀咁多位狂迷......

一出閘已經見到大家喇,真係不好意思!! 我地立刻搭的士前往白石燒烤場,原來哩度環境好好架,對住個大海,正!!





攞咗爐後,一邊等食物,另一邊等職員起爐,點知搞嚟搞去都唔着,我地就着哂啦!! 最後要露花 & 亞儉搞點,真係唔該哂呀!! 好立即開波,我地用咗$30買咗個網,一於網燒 ~~~~ 大廚都係露花 & 亞儉!!



開始咗一陣亞MING一家嚟喇,好多謝亞MING一家總動員出席呀!! 佢地一家都好得意架,好大家先睇相先!!





究竟他們一家做緊咩呢??望住個天,爸爸帶點無奈,咩事?? 原先細佬,二家姐同爸爸放風箏,點知鈎住係樹上,之後媽媽同大家姐,都走過去幫拖,當然係攞唔到啦,但係成個過程都好合作,好一家人呀!!  跟住全家再買過第二隻,再放過!!

好喇,另外幾位狂迷[叻靚醒,亞儉&露花]當然一樣咁好玩啦!! 我知你地平時唔只係咁嘅,希望有機會見到你地嘅另一面啦!!



最後,要多謝KEROPPI 同我合辦啦,希望好快再搞過!!

仲要多謝亞MING 車哩我番屋企呀,唔該哂呀!!









2009年12月3日 星期四

行20km,行到甩轆呀 ~~~

2009 11 21 ~ 晴 (凍)

得意妹 : 亞Bear,今晚我地要食自己,亞不佢參加步行籌款,要行到天光喎!!

熊仔 : 哦,佢三年前都參加過,上次由灣仔行去淺水灣,咁今次呢??

得意妹 : 話知佢行去邊吖,不如諗吓今晚食乜好過啦!!

熊仔 : 凍凍地就SABU SABU啦!!

得意妹 : 好呀,亞不無得食,我地行lu!!







第二次參加[OBRIS]盲俠行,今年由沙田行去大尾督,全程20km!! 大會舉辦嘅目的,想大家感受一吓黑暗,所以於晚上23:30起步,我就行到天光05:30,行到甩哂轆呀,辛苦過上次呀!!

當晚都幾凍,23:00到達沙田運動場,點名後攞埋支水及一個小袋子等起步!!小袋內有一支電筒仔,一個眼罩,一支珍寶珠 & 一張印水紙!! 

大會提供5,000個名額,我地個隊有19人參加,行行吓分散哂lu,仲有一位開步無耐就陣亡!!  離開運動場後,我地原城門河單車徑行,經馬場,馬料水,中大,科學園,白石角,再原吐露港入大埔,元洲仔,大埔海濱公園,大埔工業邨,船灣,最後原汀角路殺入大美督!!




我地全晚用咗1小時排隊去廁所!!



哩班年青人好卡娃兒呀,仲叫我地幫手影張相,咦,我攞走部相機佢地都唔知喎!!




中途有一段要帶上眼罩,雖然只行咗幾分鐘直路,但係好驚,好驚,好驚.....呀!! [盲]真係好慘...







最凍就係[吐露港]個段,d風兜口兜面咁吹埋嚟,連暖包都要出動埋!! 而最眼瞓就係兩點至三點之間!!  原路有工作人員為大家打氣,除5個補給站外,大會不時安排工作人員派發小食,到最後2km都臨近天光,大會最窩心派香口膠,等大家個口可以清新d!!



最後1km好攰呀 ~ ~ ~ ~





最後進入大尾督,望上天空好靚呀,好多星星呀,見到北斗星呀!!

到達終點仲有三文治&補充體力嘅飲料派給大家!! 仲有點少得張證書呀!!





明年見!!