2009 12 11
今晚初次見[芬哩團長]好緊張呀!!
團長約埋亞PI同我一同食宵夜BUFFET,係九龍酒店22:00 - 24:00!! 我收工出到嚟先19:30,有排都未夠鐘,團長陪我去飲杯嘢先,而亞PI要OT呀,佢要十點先嚟到呀,真係辛苦佢呀夜媽媽都出來!!
原來團長都係非常健談之人嚟架,係我認識嘅朋友之中最堅嗰個,我地一見面就不停講,我地都忘記自我介紹,不過團長佢話第一次同我通電已經介紹咗,但我都有介紹到咩??總之就唔似係第一次見啦,完全係吹水嘅鐵腳呀,佢仲分享咗[一大班人旅遊嘅樂趣],我唔知幾時先感受到呢?? 一路講到亞PI嚟,我同亞PI講,好喇你嚟接力,團長佢堅好傾呀,而我要抖抖先!!
當晚我無帶相機呀,係亞PI幫我影完再比番我,唔該哂亞PI!!
而食物方面都有好多選擇,味道都唔錯!! 不過哩兜[魚翅撈飯]就只能滿足虛榮心,味道方面唔掂呀!!
足足講咗成晚,辛苦哂喇兩位!! 而團長今個星期五出發北海道,過一個白色聖誕呀,好期待佢番嚟同我地分享呀!! 
團長番咗嚟記得CALL我地出來再傾過呀
F
回覆刪除