2009 12 07 ~ 雨
昨日同一班日本遊狂迷相聚後,立即有後遺症!!再加上早兩日要換[小丸子],所以食咗唔少熱氣嘢!!
首先,係身理上[喉嚨痛 + 乾咳]!! 即刻想起每次去日本,都會有親戚朋友叫我買嘅[龍角散],我都有一盒未開過,今朝開嚟試吓先,一開好難聞嘅藥味,入口後好難頂呀,我同事叫我慢慢吞,唔好飲水!! 嘩 ~ 一入口好似[無比膏]呀陣味,起碼三秒後,陣怪味減少,之後係甘甘地!!
到下午喉嚨唔痛喇!! 咳就仲有!! 不過已經唔想食第二次了!!
而心理上
梗係想快d有下一次聚會啦!! 幾時可以再見到你地呀???????
我同豆都病左差唔多兩星期 , 除了傷風,咳 , 仲成日頭痛 TIM , 睇西醫都唔好!可能要中醫~
回覆刪除如果你 咳唔重,唔好食藥,試下呢個 八仙果 ,都好有用
[版主回覆12/11/2009 13:07:00]多謝介紹!!
似乎你地都幾嚴重喎,保重!!
龍角散，乜泥o架
回覆刪除保重身體呀
[版主回覆12/11/2009 13:06:00]冷靜d吓露生,係朋友介紹我專for喉嚨痛,真係好見效,我睇埋盒內紙仔介紹,係[鎮咳去痰劑]!! 下次去買盒試試吖!!
日本出嫁? 係咪膏狀? 有啲怪怪哋. 如果唔想睇醫生, 有人話 '清熱酷' 幾得, 我試過一次, ok 啦! 我呢排都係喉嚨唔舒服, 但我又唔想吃藥, 又唔想看醫生, 係度 '牛' 緊. 你小心身體呀!
回覆刪除[版主回覆12/09/2009 13:34:00]係呀日本出架,係粉狀,係陣味怪d,不過好見效架!! 其實有其他味及獨立包裝,不過我要清埋d舊貨,繼續要食d怪雞味!!
你都要保重呀!!
龍角散我都有一盒係屋企守門口
回覆刪除話說第一次是係東京食, 被朋友誤導下開水飲
嘩! 難飲到嘔, 簡直難飲至死 , 其實正確直接口服, 不用沖水
沖水是絕對大忌, 除非你想考驗自己受下折磨
[版主回覆12/09/2009 13:28:00]雖然難食,但好見效,日本嘢真係堅!
嘩,開水咁大獲,一定反胃呀!! 我諗個位唔係你朋友,而係你仇家!!
有一種係日本買的喉嚨痛藥叫"cool la la"(音) 都含有龍角散,雖然有你話果陣" 無比膏"味,但可能溝咗d 薄荷,好味好多.一次一包,細細包下次試吓.
回覆刪除[版主回覆12/09/2009 13:24:00]好下次去搵搵先!!
龍角散有其他味架 !! 無咁難入口
回覆刪除[版主回覆12/09/2009 13:05:00]係呀,係呀,仲要獨立包裝,好方便!! 不過我要清埋d舊貨,繼續要食d怪雞味!!
我星期一都有D感冒feel呀! 星期二同星期三仲上o左大陸四圍走, 真係攰到oY! 今日回港即刻去睇中醫.
回覆刪除大家保重喇!
龍角散咁勁, 等我下次都買來試吓先.
[版主回覆12/11/2009 13:01:00]嘩,你一定好攰喇,多多保重呀!!
龍角散買番盒看吓門口都唔錯架!!
小茵, 我係michelle丫...想問你關於九州既事, 因為我預定明天3月尾去九州..而且想自駕遊, 想問一下如果使用這個網站 http://www.navitime.co.jp/drive/ , 係咪可以知道ic路費同時間? 另外...有冇剩餘資料可以借我參考...^m^..... 九州自駕遊難嗎? which城市既parking fee最貴...因為我只同我媽咪去...所以要計下數....many thanks..
回覆刪除[版主回覆12/15/2009 01:03:00]係呀,我都係用哩個網站CHECK哂時間同收費架!!
九州唔難呀,係福岡多少少車,其他地方都好少車!!
我地淨係喺熊本&宮崎比過泊車費,而熊本係貴小小!!
你仲想知D咩呢??
保重
回覆刪除[版主回覆12/16/2009 00:28:00]多謝你呀!!