向京都紅葉出發 - Day 6 (晚)

08年11月30日 - (晚)

離開[南禪寺]後乘巴士到[祇園],

已經接近黃昏,原本想到"一澤帆布"朝聖,

但係我落車的位置實在有點距離,

況且偷聽到後面兩位港客談論緊:[今朝諗住去買帆布袋,

點知唔係太多貨選擇],所以都係放棄!!

到達[祇園]最旺的地方"四条通",

兩旁商店人來人往,行行吓見到有街邊檔,

係賣"章魚燒",但係仲有另一款嘢食喎,

就係外面用蝦餅(香港超市有得賣"四洲"有出)夾住三粒章魚燒加醬汁即成,好香呀,外面脆卜卜,裏面熱騰騰,

仲有大大粒超彈牙o既章魚!(350円)

食完再繼續前往[八坂神社],裏面有好多賣嘢食檔口,嘩掃街正!!好多大家都熟悉如:(魚形紅豆餅,章魚燒,煨蕃薯,炸蕃薯再加糖係面,串物...等等),我覺得最好味就係牛肉串燒,一串四粒,每粒有2.5cmX2.5cm咁大,入口即化,仲有支紅酒放係度比你淋上去,正!(每串400円)

飽到不能再食了,便向高台寺進發,行15鐘左右,又係大排長龍,今次無咁好彩真係要排,大概20分鐘買到票入得去,這裡比清水寺嚴,售票員見我手持腳架(只是坐枱個種)都要我收埋唔比用!!!

最多人就是這裡,有一個大庭園,仲有個大池,個個爭住影倒影!!

有一片竹林

人實在太多,地方細好似行年宵咁!!慢慢行,好難影到相!!只能記在腦海裏!!

離開高台寺返回巴士站,路過細小的寺叫[安井金比羅宮],裏面有個半圓形的東西,上面站滿白色字條,原來白色字條200円一張, (我估未確定)係上面寫上惡緣(即係咩)??,唔知係唔係男女之間唔好o既嘢呢???之後痴上去,再"捐"過去就可以!!都係唔明不過見幾得意,所以影下來!!

明天最後一擊[金閣寺]!!