向京都紅葉出發 - Day 3 (下)

08年11月27日 - 晚 (晴 轉 雨)

下午五時返回京都市區,

因為今晚要到清水寺夜賞紅葉,

所以安排入住"京都清水"酒店,

位於五条坂,好近清水寺(行5分鐘左右),

首先這間酒店外貌唔似酒店,

我行過"龍"都唔知,

裡面好闊落無論公共地方或房間,

一樣咁大,有別於一般酒店,

3樓有風呂(啱哂我這個"爛浸友"啦),

嘩!仲有室內泳池!

洗唔洗放咁大張地毯呀!!

我的房間大到足夠瞓5人,

呵呵!

我一人獨享!!

房內還有獨立浴室及廁所!

檢查完房間後,動身前往清水寺,

看過酒店地圖發現行清水新道較近,

一直上便到達了清水寺的側門,

看見有4人排隊,

咁我又跟住排,

等到17:45開始售票,

買過票後便行番去正門那邊,

又有一條好好好好長的人龍,

當時我以為要行番去龍尾,

都係問吓工作人員先,

佢見我有門票在手便叫我在這裡等入場(我排第三個),

現場環境就像(香港紅館等入場的畫面),

等到18:00突然全個清水寺的燈飾都亮起來,

嘩,

那刻好感動,

真係嗶咗滴眼淚出來,

到了現在想起仍然激動,

難以形容的感覺!!

之後開始入場,

發現有幾位帶齊腳架及重形相機的人士,

一路向前跑,

我本著唔執輸的心態一於跟住跑,

連清水舞台都跑過了,去邊呀????

原來就是要霸一個有利位置影清水舞台,

我都找到個有利位置!!

當我影完便行番去入口處才真正開始參觀清水寺,

這時人潮才蜂擁而上,嘻嘻!

我影完了你們慢慢啦!!

[ B計劃成功!!]

我影,影,影......突然下雨,

全晚最美中不足之處...,

接下來便去求簽及買記念品!!

今晚心情興奮,

首先錯有錯着唔洗排隊便入場,

然後誤打誤撞找到靚位,

好正,真係好正!!!!!