向京都紅葉出發 - Day 4

08年11月28日 - 晴

今早諗住再上多次清水寺,

看看日與夜之分別,

可惜天陰仍然落雨毛,

便打消念頭再瞓!!

check out 後乘巴士到京都駅,

轉乘特急往兵庫縣"城崎溫泉" 喪浸,

於火車上不想睡,兩旁景色優美,

於滿山紅葉之山谷中左穿右插,

腦海浮現昨夜清水寺之醉人景色,

手就不斷寫明信片(我每次都會寄返居企,公司&朋友)!!

話咁快就到達"城崎溫泉"(差不多要兩小時車程)!

駅前有一個存放木屐的地方,

每間旅館都會放一對在這裡!

我就是住這間旅館

先講解"城崎溫泉"是一個小鎮,

有很多間溫泉旅館,

這兒獨特之處是有7間公共溫泉,

如果你book咗任何一間旅館入住,

就可以免費隨時隨地到公共溫泉浸浸!!

我的房間叫[五月之間]

立即找旅館check in,

換過浴衣,

穿上木屐後出發喪浸!!

(請注意你一定要手持旅館發出的"入浴券"及帶備以下其中一樣物品

[旅館o既浴衣,旅館o既木屐或旅館o既籃],

如果你無就要比錢入場,

仲有要記得帶旅館提供的大浴巾,

7間公共湯都不會提供!!)     

還要帶些少錢,因為附近有小型超市,

小食店,手信鋪頭等等,

當你浸到滾滾地買杯雪糕食,真係好爽嫁!!

我未夠三點已經等這間湯開門,

因為第一個入場浸,

會送一塊木牌給你(男女各一塊),

呵呵我等到了!!

還有每個湯門前都有個印仔,

你集齊7個旅館老闆會送一份禮物給你,

好可惜那天有一間湯休息,

我攞唔到禮物...... 我喺飯前浸4個,

飯後浸兩個, 差點虛脫!!!!

好等我介紹吓這7個外湯啦!! 

( No.1是我的最愛之後如此類推 )

No.1 さとの湯

(我遺失了最愛之湯o既影片)

位於車站隔離,在門口泡足湯就是一種簡單的享受。

裏面擁有和、洋式大浴場,按摩池,

天台有露天溫泉,

另有蒸氣浴,

裝修最靚的一間!!

[我最後浸的一間當時天已黑,

我走到天台露天溫泉抬頭一看滿天都是星星,好靚啊!

側邊有幾張椅子,我坐下來涼一涼先,

我已經浸到全身都紅哂!

突然聽到有音樂盒的音樂(好似係小樽咁呀,我的最愛喎,唔通浸到有幻覺)?????

原來係現場播放的音樂,環境舒服,浸到關門才走!!]

No.2 御所の湯

近年重新裝修,我鍾意裏面有一張長長的雲石椅,

溫泉水由椅背一路流至椅腳,腳有溫泉水浸住,

好舒服呀!!還有一個細小的露天溫泉,

由石頭組合而成,小心擦損皮膚,

旁為山邊店主細心地打上大燈,一邊浸一邊夜賞紅葉,正!!

No.3 一の湯

這裡獨特之處是有一個洞窟溫泉,

中間只有一排竹分開男/女,會唔會被偷看嫁??

所以我選擇背住男湯坐!!

No.4 まんだら湯

這裡有不算大的大浴場及細小木造的露天溫泉,

裝修有點舊,一啲都唔吸引,

但是我在這兒排頭位等開門而取得"一番扎"木牌(7個外湯每當開門的第一個顧客便可以得到男/女各一塊),

所以加了分給他!!

(原本諗住明早7點前再去另一個湯排多一塊,點知瞓到7點半!!)

No.5 鴻の湯

這個湯也不錯,

因為佢有一個庭園式的露天溫泉,

用石頭組合而成,都算大!!

No.6 地蔵湯

我覺得一般,因為沒有露天溫泉,只有一個大浴場,裝修一般,

但泉水是最熱的一個,

唔夠十分鐘即撇!!

柳湯(當日休息我浸唔到,我一定會再來喪浸一次!!!!