2010 09 03
相約3位好友飯聚,
地點 ~ 東企業廣場 OUTBACK.
話說昨晚收到朋友丙嘅來電,
佢擺烏龍以為9月3日係星期四,
一路我地淨係講約9月3日,無講過星期幾,
所以亞丙佢早咗一日......
佢打比我時,我仲以為我講錯日期添!!
最好笑係亞丙,首先打比朋友甲,
問佢係邊呀??行緊街??
亞甲答:做緊FACIAL,
亞丙:乜你夠時間咩??
亞甲勁R頭,點解唔夠時間呀??
咁先發覺亞丙搞錯咗!!
最慘係亞丙已經出發前往尖沙咀!!
亞丙太掛住我地喇,所以好想快D見到我地,
快到早咗一日!!
星期五晚OUTBACK超多人,
我地BOOK 8點半,食到11點幾!!
睇吓食D咩先,
無限REFILL嘅 ~ ICED TEA
黑糖包 ~ 好味,少少甜.
跟扒嘅沙津[可揀湯] ~ 不過好一般.
RIBS & 薯條 ~ 最好味.
超熱氣嘅炸洋蔥花 ~ 咸到苦......我地要求換,
但待應一尾叫我地點過第二樣,
吓,我唔係要轉第二款食物,
我係要一個無咁咸嘅,
再嚟過無咁咸,但都係算咸,食剩好多!!
安格斯肉眼扒跟焗薯&薯蓉 ~ OK啦.
可能太多客,一尾快變得求其,
所以食物質素差過上次!!!
今晚傾得好開心可以咩都講,好FREE,
講嘢唔洗就住就住,
又唔會被人閘住閘住,
大家都可以暢所欲言,
連陳年舊事都攞出嚟講,仲有相睇添!!
好,下次再傾過,食咩好呀,朋友甲乙丙??
就咁睇,朋友甲 乙丙的聚會,"亞丁"你好似好Enjoy.
回覆刪除[版主回覆09/25/2010 22:50:00]團長,我哩個[亞丁]唔係好似好ENJOY,
係由頭ENJOY到尾先真 ,傾到唔願走!!
亞甲佢係傻大姐,真係笑死你!!亞乙佢講嘢好風趣兼抵死,佢一餓就瓜瓜嘈,但係食少少嘢就話飽,即刻收檔!!跟住就叫我地清埋啦!! 而亞丙你睇到佢有幾搞笑架啦,咁都搞錯日子,不過可能佢太忙啦!!
佢地三個都好鍾意旅行,又係坐唔定,無得去旅行慘過死!!
下次我叫埋佢地出嚟開會,一定同各位會員好啱傾!!
三五知己, 得閒相聚, 一生一樂也~
回覆刪除三五知己, 得閒相聚, 人生一樂也~
回覆刪除[版主回覆09/25/2010 22:30:00]你講得好啱,真係要多謝佢地,咩都可以同佢地講,咩都可以分享,好舒服,仲可以笑餐死!!
希望可以快D再佢地聚一聚!!
亞 丙真係好搞笑.
回覆刪除[版主回覆09/25/2010 22:25:00]係呀,亞丙真係堅好笑,佢又係好好傾架,又係勁鐘意去旅行,下次介紹比你識吖!!