2009 03 12 - 最後的晚餐
ビジネスホテル福千
又到了行程終結,
今次試[南千住]感覺唔錯,
有機會會再嚟!!
放低行李立即出去搵食,
附近唔算太多嘢食,
行了幾個街口,
見到有間小型居酒屋,
門外滿圖片賣相唔錯,就揀佢喇,
因為得1人所以安排 bar枱位給我,
係對住廚房但有塊大玻璃隔住,
唔會聞到油煙味,
可以見到師傅一擧一動!!
好首先介紹 3名樓面(美少女,帥哥&大叔),
開始時由美少女招呼我,
一打開餐牌,頂!!無圖片!!
好啦,唯有慢慢睇漢字,
又一面用簡單英語問美少女,
一路都好順利,
點了(沙律,一條鹽燒 x魚,水煮蜆仔,茶漬(鮭)&串物),
最後係點串物,
有成版揀好多都唔識睇,
我揀豚肉但有兩款,xxxx串 & xxxx串,
我就問即係豬嘅咩部份???
佢唔識講,佢就搵帥哥幫手,
都係唔識,最後找大叔,
大叔當時剛剛執完枱,成手野都企定,
3個細聲講大聲笑,
咩事呢??
有無人理我呀??
我仲等緊架??
佢地笑完,大叔就放低碗碟 ,
然後彎腰背向天,
用手指住自己頸背,
我們笑到停唔到!!
原來係豬頸肉,
其實大叔指住條頸我就明啦,
點解要彎腰扮埋豬呢??
不過當時我同美少女&帥哥都好開心,
好喇仲有一款喎??
跟住大叔望住美少女,
好似係叫佢示範,
但美少女好似唔想扮豬,
尷尷尬尬咁 "初"自己個肚腩,
哦,係豬腩肉,
輪到大叔大笑,
怪不得美少女唔想扮啦!!!
就係咁我點咗成半個鐘菜,
我們四人都開心,
太搞笑了!!!!
之後開始上菜,
每上一道菜佢地都圍埋一齊研究下英文點讀,
先攞碟餸埋嚟,
用好細聲講比我聽,
有D唔識就講番日文,
他們太好喇!!
而成晚美少女都企係我附近,
好似怕我叫唔到佢地咁!!
無幾耐美少女收工,
輪到帥哥企係我身邊,
正呀!!!!!
我唔得帶相機出去食飯,只好明早補飛!!!
飯後返回旅館去大浴場,
初時得我一個,
無幾耐有一位少女入嚟,
用普通話同我講嘢,咦,
佢點知我唔係日本人呢??
原來係接待員話比佢知,
佢係中國留學生,
讀到大學三年級,
明年畢業所以要而家出嚟東京搵工,嘩,
搵成年架!!
佢係盛岡嘅郊外讀書,
佢話人都無個,
連鬼都無隻!!
仲話冬天好怕出街,
D雪深到上大脾!!!
佢不斷講哩幾年d辛酸嘢!!
同佢傾咗個幾鐘呀!!!
番房執嘢,明天走喇!!!
2009 03 13 - 晴轉雨
今天一早出番[上野]買手信,我諗都唔洗我介紹!! 我必食嘅[生果串]!!
係生果檔對面有間賣綠茶檔頭,
裡面有綠茶雪糕,
職員仲招呼我坐低食,
見你食到差不多就攞杯綠茶過嚟,
真係服務一流!!!!
隻杯底仲有鋪頭LOGO!!
嘩 ~ 咁大個茶壺!!!
路過上野恩賜公園門口,已經有幾棵櫻花滿開!!
渠蓋都係櫻花!!
個天都對我不薄,上咗機先落雨!!!
我好鍾意哩個小食!!
好嘢,完成[突襲鎌倉]!!!
一個完結就等於另一個嘅開始,
下一個旅程[九州]!!!!
沒有留言:
張貼留言