2009 03 12 - 晴到唔識講呀!!
話說今日前往[青梅市]賞梅,
喺日向和田駅落車,
只有人手收票及自助拍卡機(好似香港輕鐵自助嘟嘟機),
沒有閘機!!
我用日版八達通出閘,
當時好多人,
我聽到嘟一聲就行,
並沒有留意螢光幕,
原來唔夠餘額,
我真係唔知道,
因為用慣香港個張最後一程可以負數[日版個張唔可以] ,
同埋係香港如有問題[嘟]個聲係好唔同!!!
總之我就係未出閘啦!!!
當我賞完梅,
返回車站入閘時,
發現螢光幕顯示[未出場],
咁先醒起用咗咁多日,
應該用哂D錢,
我就攞住張咭搵職員,
佢望住我張咭呆咗[因為係 For外國人用],
佢唔知我問咩,
我覺得佢鏢緊冷汗,
唔知點算咁,
全無反應,
咁啱有火車到站,
佢就指住架車,
叫我上車趕我走就算,
咁我唯有上車囉,
比錢都唔收!!!
到達[吉祥寺]落車,
即刻增值再[嘟]出閘,
只扣咗 1,xxx円咋,
即係收咗由 [鎌倉至吉祥寺] 車費,
[慳咗] 唔係,係呃咗差不多2,000円!!!!
黃色個舊就係正常SIZE[$2.XX]個隻
係吉祥寺買完嘢後,
便返回今晚入住個間旅館,
位於[南千住],
於上野搭兩個站就到!!
點解住哩到??
一個字[平]!!!
大家都知東京都又其山手線圈內,
住宿一D都唔平,
仲要搵單人房,
平都要6000円左右,
今次試[南千住]3000円近JR,
10分鐘左右便返回上野,
啱哂我哩D死窮鬼啦!!!
而揀這裡另一目的想試[北千住]嘅錢湯,
不過唔夠時間無去到,
要留番下次再試過 LU!!!
到達旅館 [ビジネスホテル福千] ,
係一間兩層樓高平房,
館內整潔乾淨,
而接待員親切之餘,
英文都唔錯,
可以傾到計!!!
比完錢仲帶上房,
同介紹廁所、大浴場、上網嘅地方、雪櫃、
微波爐及綠茶機/熱水機 在那裡,
我間房係二樓[要行樓梯],
一開門就見到我個喼係房內[大家仲記唔記我用宅急便,直接寄過嚟],
旅館職員搬埋入房,太正喇!!
再一次體驗[服務與金錢]成反比!!!
放低行裝後立即出去食最後晚餐,
明天走 LU.................,
而這餐飯係我喺日本食過最開心的一餐,
下回分解!!!!
沒有留言:
張貼留言