2009 03 11 - 晚餐
大家仲記唔記得數年前係鰻魚身上發現[孔雀石綠],
搞到唔食得!!
所以每次去日本都會食一餐鰻魚飯!!
今晚準備到鎌倉[若宮大道]一間有[大鳥居]係門口做裝飾嘅鰻魚飯店,
18:40到達,
咦...點解烏燈黑火嘅,
休息???
唔係喎,
原來佢收18:30,
頂!!!
點解呀咁早收!!!
我要食孔雀石綠呀!!!於是四圍搵,
行到[小町通]有一幢樓高3層雲集多間食店,
其中二樓有一間有呀,
上到二樓有好多個廣告牌(因為有三間食店),
我見到一間食店外個廣告牌有呀,
咁未入去囉!!
好睇餐牌先,咦,點解無嘅,
再睇多次,都無喎!!
突然睇到筷子套個名,
頂!!
我入錯鋪頭呀!!!!
個待應就問我食咩??
好啦食小小嘢再過隔離食!!
就點幾個小吃!!
D嘢食OK,
不過哩杯嘢勁難飲,
明明話無酒精成份,
但係有酒嫁,點呀!!
這間叫[養老乃瀧]!!
好食完就撇喇!
係你喇!![魚河岸家]!
吓,他他ME我會腳痺嫁!!
好好味,我好鍾意哩個蛋嫁!!
嘩 ~ 終於食到喇!! 都好好味呀!!!
今晚食咗兩餐,飽到呢!!!!
好喇明天要番東京,係全程焦點[賞梅花]!!!
得意妹 : 我得唔得呀???
孔雀石綠~~~~我都想食呀 !!
回覆刪除[版主回覆05/22/2009 13:21:00]真係好好味,下次去食吖!!
日本整的鰻魚飯特別好味, 我又食
回覆刪除係咪 養老乃瀧 有靚仔呀, 所以你不知不覺被吸引入左去至真
[版主回覆05/22/2009 13:18:00]唉,如果有 靚仔 就唔過去食孔雀石綠啦,一定係到磨欄蓆!
撞鬼佢一個都無呀!!
好野, 和服look得意妹終於出場喇!!
回覆刪除得意妹同d梅花襯到絕頂呀!!
[版主回覆06/19/2009 23:35:00]得意妹 : 多謝妳呀 JJ姐姐,唔係妳我都無件咁靚嘅衫啦!!!
吓! 連玉子都有白飯鱼呀~
回覆刪除[版主回覆06/19/2009 23:31:00]係好眼力喎, 我差D唔記得.....不過我記得好好味!!!!
一晩食2餐、勁呀！不過好多日本鰻魚都係中国入口的、所以我都好少食！
回覆刪除[版主回覆06/19/2009 23:29:00]飽到反艇...
有邊個唔知全世界都食緊中國嘢吖,其實都係比個藉口自己!!
食完可以再食喎~
回覆刪除[版主回覆06/19/2009 23:25:00]飽到我呢.....
梅花好靚
回覆刪除[版主回覆06/19/2009 23:24:00]歡迎光臨!! 真係好靚呀!!!!
好靚呀~ 唔同深淺既梅都有~ 襯埋和服~ 冇得頂~
回覆刪除[版主回覆06/19/2009 23:22:00]D梅花真係好靚呀!!!!
得意妹 : 多謝妳呀!!!!