2012 06 30
生日月完結前到台灣朝聖......
只有大約48小時嘅旅程,
係最短的一次,
出發前抱住應該要到此一看嘅心態,
沒有期待OR興奮嘅感覺.......
反而有D驚,
因為成400幾人,
對於我呢D經常1個人自由行嘅人嚟講,
未出發已經FEEL到煩....
出發喇....
知道要坐我討厭的航空公司....好無癮...
check in 完唔比行開,
唔知等乜???
難度要幾十人一齊行/一齊食/一齊痾嗎???
有建樹嘅人出聲:[做乜唔入去坐呢]???
有超為食嘅人說:[入去食嘢啦,行啦]
有無知嘅人說:[入面食嘢貴D架,我地係出面食吖]
你一言我一語,
已經11點半LU....
眼見其他組已經入閘,
但係我果組仲要係到等...
我就無所事事咁,
影,影,影...
等到踎街....
我覺得似係嚟送機囉....
好嘢終於放人,
夠鐘就係閘口等,
典解唔一早咁做呢????
仍然係一個迷....
因為有幾天假期,
機場特別多人,
過完關想搵位嘆早餐都好難....
於是走咗去食佢!!
搞咗成朝可以上機了.....
去個廁所先,
就係呢一刻不停被組長追CALL....
去也去得不暢快!!!
嗱...我無遲到架...
當時仍未可以上機.....
我絕對係唔可以跟團果隻人!!!
上到機,
坐位被老PATPAT搶走,
被調到中間的近走廊位!!
無所謂...
得果個多小時的機程!!
我知道成幾十人一定會好嘈,
估不到坐我隔離再隔離的係最大聲...
最無奈佢要講嘅嘢,
其實可以唔需要講架,
仲要大聲地不停重覆!!
我嘅皮質醇高到爆呀......
又經常企起身,
阻住空姐行....
唉...好老士呀...
又有D自認係經常飛嘅人,
又經常唔纜上安全帶喎???
真係人生百態,
平時見到面覺得佢好SMART,
典知原來得個樣,
連自己D行李也不能妥善地處理.....
我唔想聽到佢地講嘢架,
不過就連我帶上耳筒也清楚地聽到哂他們的對話,
無奈......
好喇有嘢食....
CX真係食水好深喎,
呢個係素食餐,
離譜到無朋友囉.....
得一件超硬又無乜料嘅批!!
連飲品都係得[啤裝水]OR[啤裝橙汁],
橙汁唔叫佢攞係唔會比,
咖啡或茶就有!!
食完果舊嘢,
超[銀]胃...
好嘢到達桃園機場,
正在翻新工程,
四圍黑ma ma…
攞完行李等上車
應該大概4點半,
上到車喇,
向新竹縣峨眉鄉進發!!
車程差不多兩小時...
得意妹: 咦,有嘢食喎....
去到聖地已經6點幾,
天黑LU....
安頓好後,
知道今日行程完結,
可以番房休息....
原來剛才果個蚊型飯盒就係晚餐了!!!
吓.....
台灣人係唔係細食D嘅呢???
都無計啦,
早D排隊沖涼,
早D瞓,
聽朝要6點鐘集合........
安排入住10人大房,
仲有2人/3人房,
當然唔輪到我啦!!
亞BEAR: 計埋我地應該係13人大房!!
得意妹: 吓....我地4個人要迫埋一齊瞓....
平時跟亞不去旅行細極都瞓4呎床,
有時仲喺雙人房喎!!!!
亞BEAR: 今次唔同平時住酒店呀....
聽朝起身要執番好D被鋪架!!!
得意妹: 同平時唔同??咁係咪唔洗比錢先...
得意妹: 青森嘢,你聽朝起身負責執番好D被鋪,
要摺番咁嘅樣架!!
青森仔: 吓......
得意妹: 執嘢先....仲要排隊沖涼...
得意妹: 仲要自備咁多嘢....
我地跟亞不去日本差不多咩都唔洗扲架....
沖沖吓涼,
有廣播...
就話8點鐘有湯麵食!!!
辛苦哂咁多位......
佢地幫手執ORDER...
未出發已經ORDER好[手信]...
連當地話事人都講香港人好犀利,
人未到已經買到嘢....
真係好鍾意SHOPPING!!!
第一天就此完結......
. . .真系. . . 唉.
回覆刪除[版主回覆07/11/2012 13:35:18]嘿嘿.........香港人嘛!!!!
嘩. . 你隻[柚子] 菓子. . . 好正呀
回覆刪除[版主回覆07/16/2012 13:24:13]啱食就好喇!!!