2012 07 01
明早7點半就要離開...
得番24小時咋,
要好好把握時間!!
昨晚睡不著....
因為同房嘅鼻鼾聲大得很呀....
經常被嘈醒....
碌來碌去都瞓唔到呀!!!
好不容易先瞓着,
但係4點幾就醒咗....
事關中央冷氣關掉....
[先解說]
這裡著重環保,
因為要控制污水,
所以訪客要用大會指定嘅洗頭水&沐浴液,
沒有抺手紙,
晚上走廊好早[對香港人嚟講係早]就關燈,
四圍不會開行冷氣[即使係有冷氣],
包括昨晚食湯麵時,
食到全身濕哂...
查實我地應該好好反思一下,
我地生活太幸福了....
亦太過浪費.....
這裡是以節能為首,
沖涼用熱水也有供應時間限制!!!
所以4點關掉冷氣亦好應該...
就係咁醒咗,
仲好過用鬧鐘,
好起身梳洗,
早早地唔洗排隊!!
得意妹: 我搞掂喇!!
青森嘢你摺好張被未呀???
青森仔: 就得喇...
得意妹: 快手啦,
一陣間果個有強迫症嘅同房番嚟就話你架喇....
05:45
準備好上超級大佛殿叩頭!!!!
[佛殿全層禁止影相]
所以無功課交lu....
得意妹: 其實亞不佢有偷影到架!!
亞不: 洗唔洗比個咪妳呀???
06:00
一入到佛殿,
真係呆咗....
宏偉到爆呀!!!!
內心不停尖叫.....
眼睛左望右望,
將所有畫面記住!!!
幸運地站在最正中的位置,
心情由興奮轉為平靜,
儀式開始了一會.....
我的眼淚自動流出.....
爆喊...喊到完場...
我都唔知點解,
當時腦一片空白....
而心又好平靜....
這就是[靈性回家了]??
儀式完畢,
真係有D踎低起身見頭暈呀.....
而且沒有開冷氣,
大家熱到暈暈地......
好喇有早餐食,
醒神!!!
自助混合式[有中有西]早餐
麵包&蛋糕係佢地自家製,
好好味呀!!!
土產菠蘿超甜又唔[拿]喉,
正呀!!!!
小賣部有得賣,
HK$25一個,
好多人都有買呀!!
堅好味!!
仲有港式白粥,
由香港大廚教佢地煲架!!
食飽飽有時間抖一抖,
我又去咗小賣部睇睇有咩好嘢!!
夠鐘聽課!!!
得意妹: 咦...亞不幫我地着到咁行,
係咪去睇歌劇呢???
得意妹: 吓.....
無歌劇睇呀...
唔通係楝篤笑???
亞BEAR: 真係篤你個頭呀....
佢係嚟打開你個心靈,
幫你搵番你個良心嘅人呀!!!
得意妹: 良心????
青森仔: 都好好聽喎!!
得意妹: 你識咩??你聽得明呀??
青森仔: 都明架...
得意妹: 唔好扮明喎????
得意妹: 好嘢完場,
係味有飯食呀???
亞BEAR: 要去叩頭先!!
成日掛住食....
一開波你就瞓到而家....
佛祖唔比飯你食呀!!!!
得意妹: 都唔係得我一瞓吖,
D高層又咪係釣哂魚.....
要上佛殿叩頭,
有開冷氣呀....
舒服好多!!
感謝!!!
肯定見到我地今朝個個都濕哂喇....
所以開定冷氣,
一上到去爽呀!!!
開飯喇!!
一樣係[自助混合式]
好好味呀....
感恩!!!
仲有甜品...
綠豆沙OR紅豆沙!!
咀刁嘅香港人每樣攞一碗,
自己兩溝!!!!
坐近窗邊有景呀!!!
呢度只係一角,
真係好大架!!!!
食飽飽
又有時間抖抖,
太熱喇...
都係去小賣部嘆吓冷氣先,
有凍飲又有雪糕!!!!
夠鐘集合,
下午有導賞團,
參觀整個建築物,
重點當然係大佛啦!!
下午待續
沒有留言:
張貼留言