[不漏國]唔去唔知咁C服 ~ 繼續Hea爆[會安]!!

2010 03 30 ~ Day4

今日係[農曆十五],晚上7:00一樣有燈籠祭,

分別係昨晚[唔准開電燈]而今晚就可以[點燈]!!!

另有一番風味!!

梳洗後即往酒店食自助早餐!!

環境非常好,食物就不過不失!!

提提大家如果係[不漏國]酒店食自助早餐,

一定要早D,如供應時間6:00 ~ 9:00,

8:00落去已經無咗D最好嘅嘢食,

如8:30落去簡直無得食!!!

食飽飽後就CHECK OUT!!

住第二間酒店,繼續留守[會安]!!

今日只會遊走[會安]古城內,因為想抖一抖,

明天才參加本地團!!

因為時間尚早無得CHECK IN,先放低行李,

即刻出去HEA遊古城!!

有很多旅客會選擇租單車 OR 電單車遊古城!!

由於有很多華人在會安落地生根,

而各地區的華人都設立會館,

讓同鄉有個地方聚首一堂,

城內有4間會館,

可購一張聯票睇哂4間會館,

我無入到去,因為旅遊書都唔讚成,

咁一定係把鬼嘢啦!!

其實逛逛古城已心滿意足!!

而會安有多間做衫/做鞋/民俗袋/畫廊/當然唔少得燈籠店啦,

全HAND MADE!!

棺材店

古城街道

今日真係萬里無雲,

勁曬爆,

係時候搵個地方避一避!!

會安有好多食肆,唔仇無嘢食,

仲有[COOKING CLASS],可惜我無試!!

原住河邊餐廳林立,

最後揀咗哩間西餐廳,

我地被門前廣告牌吸引住,

上面畫咗好多個雪糕球,

仲重要係HOME MADE架,唔使諗即刻入去!!

餐廳名 ~ CASA VERDE

地址 ~ 99 BACH DANG STREET,HOI AN.

主打 ~ MEDITERRANEAN AND ASIAN CUISINE

一坐低即刻叫冰凍青檸梳打 & 芒果汁

[堅正,唔係香港果D溝糖水]降溫先!!

餐廳對住河,不時送上清風,爽呀!!　

哩度D餐廳大部份無冷氣,夠環保,吹吹自然風好過開冷氣!!

其實今朝個早餐仲未落格,所以食少少算喇,

而且都唔知好唔好食!!

沙侓好新鮮,材料我覺得係用[入口蔬菜] ~ 好味!!

薄底Pizza[8件] ~ 餅底好得,正!!

右下角個杯係友人叫的甜品,

好似係咖啡底,面有一球雪糕!!

最後我叫咗[心太軟]做我嘅甜品,

好味到不得了,

我未食過咁好味嘅[心太軟],

外圍係焗至脆身,

裡面係暖笠笠嘅朱古力,

一D都唔[留],個朱古力醬好好味,

再配上一球熱情果雪糕,

真係一絕,因為係酸[尾尾]的,

仲要係HOME MADE!!

食完哩個[心太軟],我個心都軟哂,

好感動[真係想喊出來],好正呀!!

我地由12點幾食到差不多三點,

好舒服,又好食!!

跟住番酒店CHECK IN!!

酒店 ~ Vinh Hung 3 Hotel [US$30/ROOM]

其實都唔錯,不過水壓唔夠勁,

沖涼唔夠爽!!!

係房內上吓網,HEA吓,抖吓,等天黑,

今晚再睇有[電]嘅燈籠祭!!!