追[楓]逐[日]追到番老家 ~ 第100篇[回家真好]!!!!!

本篇第100篇所以想寫d有記念性嘅嘢,

於是我番轉頭寫[老家]!!

2009 11 01 - 雨

14:10 於[十二湖庵]見到酒店車嚟喇,

係女將親自揸車接我!!

打完招呼後,

女將話真係好對不起,

今日天氣好差,

所以睇唔到日落!!

唔洗講對不起咁嚴重,

其實係我黑仔啫......

女將話如果昨天嚟就睇到,夠喇,我知我真係[黑仔]喇,

仲講!!!!

得意妹 : 正一[死黑仔不],

嚟第三次都係落雨,

最慘係下次我地又要再嚟[東北],

跟著佢真係無運行!!!!!!!

熊仔 : 無所謂啦,

都係嚟日本啫,

仲要係亞不老家喎,

遲早都會番嚟架啦!!

女將車我到一個類似觀景台嘅地方,

比我落車影相!!

之後返回小店攞行李!!

路過[ウェスパ椿山駅]女將問要唔要落車參觀吓??

我前兩次因為等火車,

係度hea咗好耐咩都睇過哂,

所以無落車喇,

我當時[歸心似箭],

其他地方跟本唔想去,

淨係想番去[喪浸]咋!!

成日都落住細雨,

雖然唔算大,

不過今次又睇唔到[完美日落]l唉.......

大約三點番到老家喇,

未落車已經見到成班職員企係門口[列隊歡迎],

當時真係好尷尬呀,

我又唔係咩大人物,

唔知比咩表情,

只有說聲[thank you]!!

跟住職員即刻幫我攞哂d行李入大堂,

而女將親自幫我check in,

再帶我上房,

佢約好我今晚一齊食飯時間後便繼續她的工作!!

好今晚再見...

而我就四圍貢,

周圍影相 & 怒浸一番!!!

[不老不死溫泉]廣告雜誌

宿泊者用門口

酒店大堂,有一部免費上網嘅電腦,WIFI就欠奉!!

(下次再去已經有wifi喇)

除了露天溫泉,室內仲有兩個,

哩個位於[新館]有展望風呂,

這個都好正架!!

本館及日帰入口

由新館行去本館,

有一個出口換上室外用膠拖,

就可以步往露天溫泉!!

睇下幾大浪,

我浸緊個陣真係好刺激!!

當時有細雨打埋嚟,

風大浪急,

置身於暖笠笠嘅泉水中,

睇住D巨浪打過來[勁過三號風球個D架],

聽到好響咗浪聲,

望住波濤洶湧嘅日本海,

但自己身處溫泉中,

咁樣睇浪法,

堅正!!!

攝於2007 05 天色一樣差!!

有兩個露天泉,

混浴係葫蘆形果個,

而女湯就係橢圓形果個!!

攝於2007 09 天色最差,

無論係天色或心情都灰到震呀!!!!

睇吓間房先,

這裡主要分[洋式 & 和式],

訂房時我book洋式[因為平d],

但女將upgrade咗我可以住[和式],

多謝哂呀!!!

而普通客房內不設晚餐,

各位要出餐廳食,

本館&新館各有一個餐廳!!

好到了晚飯時間[女將飯局],

一坐低女將話準備咗支酒嚟賀我兩年前攞獎單嘢,

都過咗咁耐女將真係唔話得,

佢仲將我整篇[得獎BLOG],

用A4嘅相紙印哂出嚟,

不停問番果晚嘅情況!!

而餐廳內有[飯] & [海藻麵]不斷供應,

個麵我好鍾意架!!!另外有茶/水機,

隨便飲!!講吓餐飯先,

哩度主打[海鮮餐],

如果各位係食肉獸就唔啱你地LU!!!

我地由18:30食到22:30,

真係談天說地,

咩都講吓咁,

女將問我食麵時係咪無聲??

我話全世界只有日本才可以食出聲,

女將即時O哂咀!!!

女將問我D魚生啱唔啱食,

好啱食如果有埋海膽就好喇,

女將話冬天嚟係海邊有得執,

所以佢地覺得係普通嘢,

唔比客人食!!

輪到我O咀囉......  

大家都飲到HIGH HIGH地,

傾咗幾個鐘,

其他客人都走哂,

我都唔好意思阻住人地執嘢,撇!!

出到大堂見到女將老公,

佢即刻講唔好意思[仲要鞠哂躬咁],

今次又睇唔到日落,

都無計啦我咁黑仔!!

佢話下次夏天嚟,

睇到日落嘅機會大D,

仲話下次免費!!

唔好點我呀,

我一定會再嚟架!!

影埋合照就番房LU,

雖然好攰不過我都要浸多次先肯瞓!! 

過多兩個月再見!!!