[不漏國]唔去唔知咁C服 ~ [順化]賞宮廷宴

2010 03 29 ~ Day 3

先講吓[不漏國]嘅地理,

整體面積有三百個香港貢大,

成長條形,北面[中國],

東面有很長的海岸線,

就是[南中國海],西面[老窩],西南[柬埔寨]!!

可以分開叫南/北越,首都位於北越[河內],

南越最繁榮嘅成市就係[胡志明市]!!

語言當然係[不漏話]啦,

不過英語都好堅,比日本好,溝通上絕對唔係問題!!

好睇睇地圖先,第(1)程 我琴晚由[Hanoi~河內]往南走[Hue~順化]!!

08:00 大巴終於到達不漏國中部[HUE~順化],

唔係講笑真係瞓到直,條腰好梗呀!!

P.S.[哩程車坐咗14個鐘,US$10]

大巴停係[順化嘅sinh cafe],

而我會乘第(2)程 下午14:00車繼續南下往[HOI AN~會安],

所以放底行李係鋪頭,下午再回來!!

神早流流個人好[吽],

又唔係想食嘢,又唔願郁,

真係唔知想點!!

天陰好彩無雨!!

陰天影相最唔靚!!

已經預咗中午去食[皇帝宴],

而家做咩好呢??

好睇吓閃閃書有咩好介紹先,

去睇[順化皇城],於1802年興建,

真係好大不過無咩嘢睇,出入口得四個,

想走都要行好耐先出到嚟!!

絕不能與[紫禁城]相比,好把鬼囉,

入場仲要[不漏錢]55,000 = US$3!!!

出城後去食[宮廷菜]都係我嚟順化嘅主要目的!!

名 ~ Y Thao Garden

地址 ~ 3 Thach Han

無休息,無網址,營業時間 ~ 11:00至22:00!!

餐廳位於民居,係一間大宅嚟,

我覺得佢似家族生意!! 

只賣[宮廷宴]由US$10至US$18不等,分別於煮法&材料!!

庭園有幾個獨立個室!! 我地坐大廳!!

而大宅內有很多古董,神位,個日曆有英文,中文&不漏文,好國際化!!

好開飯!! 一共有8道菜式!! 我地揀咗兩個SET,每個US$12!!

第1道 ~ 已經有驚喜!!

係一隻凰鳳,用菠蘿做身,裏面放有蠟燭,

身上插滿一支支[不漏春卷] ~ 好好味!!!!

第2道 ~ 雜菜湯!! 夠清甜!!

第3道 ~ 蒸大蝦 & 友人的蒜蓉大蝦!!

友人叫咗杯唔知乜??

職員話就係右邊哩棵植物喎,

味道清甜帶少少酸!!

我就穩陣D叫咗杯橙汁,

好濃郁,好味,絕對唔同新奇士橙!!

第4道 ~ 肉碎蝦餅,將炒香嘅肉碎放係蝦餅上面食!!

第5道 ~ 用薄餅包住烤肉 & 蔬菜,再炸一炸,香到陣 ~ ~ ~正!!!

第6道 ~ 烤牛肉 & 友人的烤鴨,牛肉肉嫩多汁,好好味!!

而鴨就乾咗D,失色咗少少!!

大家留意吓碟鴨,用蓄茄刁咗隻鴨出嚟!!

第7道 ~ 蓮子飯,好似係將所有材料放在一起,再蒸熱,一D都唔差喎!!

第8道 ~ 我仲以為係裝飾嘅一瓶假花,

跟住職員見我地唔郁手,

走過來同我地講,

粒花係食得架!! 

一人一粒,

原來係綠豆糕,外面用啫喱包住!!好得意!!

另配一杯香茶 + 生果!!

絕對係精彩的一餐,無論環境,味道,心思,

職員服務態度,都要比滿分佢!!!!

去順化必食!!!