[不漏國]唔去唔知咁C服 ~ 出發 ...

2010 03 27

今日乘坐18:00機往河內,

所以一早出機場CHECK IN,

CHECK IN時發現大部份坐位已被網上訂位,

得番D單丁位,所以比我地坐D BLOCK SEAT,

好似近EXIT個D位,

因為是細機,所以無LONG LEG SEAT,

不過都比正常闊落,

有時唔做網上訂位反而執到好嘢!!

之後睇番套4D電影[alice in wonderland],

睇完4D去廁所照鏡時,

發現睇嘢怪怪地,好似對唔到焦咁,

對眼仲好攰添,

要一個鐘後先回復正常!!

第一次過T2,四圍逛下先,

4點幾去[潮樓]食D先,

個流沙奶皇包最正,真係好[流]!!

食到5點幾,好似玩咗成日要番屋企咁,

其實旅程先開始!!

行番過去T1出境入閘!!

68號閘口要坐無人駕駛列車過去,

仲要行到盡頭,

係其中一個死角位!!

因為是細機,上機後見到行李係續件[錄]上飛機!!

兩個小時嘅機程話咁快就過!!

到達河內!!

攞完行李即刻出去換錢,

US$1 = VND$19,000!!

機場匯率都算好,換多D都唔怕!!

因為訂酒店時BOOK埋PICK UP SERVICE 跟住去搵番自己個名牌,

即係搵番企係閘口高舉自己個名嘅司機,

佢一早係到,不過我換完錢先叫佢,

佢着到西裝骨骨,好有禮貌架,

幫你開車門仲要幫你關好!!　

架車好新淨,要坐成50分鐘,都係US$15/車!!

到達酒店,職員好有禮貌,

仲招呼我方地坐住嚟CHECK IN,

又有WELCOME DRINK & FRUIT!!

比埋地圖清楚介紹附近有咩行,有咩睇,有咩食!!　

河內酒店大部份無升降機,

唔洗驚佢地會幫你搬上＆搬落!!　

好上房先,都好乾淨,冷氣夠凍,

床係將兩張4呎床排埋,

即係有8呎瞓三個人都得!!　

不過記得要帶沐浴液,洗頭水,護髮素...,

有D酒店無供應,就算有質量都係一般!!

US$25/晚[包早餐]

P.S 有D酒店會收起你本護照,待CHECK OUT先比番你!!

各位見唔見坐廁側有個細花灑呢,

原本不漏國同日本一樣,用水洗PAT PAT架,

不過哩度要手動,

唔係自動,

而且無得教水溫!!!

檢查過房間無問題,跟住地圖出去逛逛,

行咗去夜市[不漏~老廟],

中間有成條街,

都係大牌檔,

我見枱枱都打邊爐,

我地無食到,因為仲好飽!!　

都行咗成兩個幾鐘先番去!!

不漏 ~ 老廟

熊仔: 亞不,你聞唔聞到有陣[銅臭]味??

亞不: 唔好玩啦亞BEAR,我嘅嗅覺都無你一成,點聞都聞唔到!!

熊仔: 亞不,你睇有人發錢寒呀!!

得意妹: 亞BEAR原來[死不]佢好有錢架,平時佢扮死窮鬼,呃我地架咋!!

你睇有成200百萬呀!!

熊仔: 如果係港幣就係嘅,不過哩D係VIETNAM DONG,

你身後個200百萬 = 100蚊美金!!

得意妹: 吓,亞不真係死窮鬼嚟架!!

酒店網址 ~ www.hanoiboutiquehotel.com/?corney=room