2010 02 14 ~ 大年初一
祝各位,
恭喜發財,心想事成,身體健康,最緊要年年都遊日呀!!!
得意妹 : 行得喇,我地係咪去上頭柱香呀??
熊仔 : 係呀!! 但係你著成咁架,好似怪怪地呀??
得意妹 : 你先怪呀,一世無窮,都唔代表你會發達呀!!
熊仔 : 我地同亞不拜咗年先出去啦!!
得意妹 : 搞咩呀,跳落個全盒度,呢個唔係波波池!!
熊仔 : 我[R]痕呀!!
得意妹 : 係[丘]銀呀,睇住你當糖果池咁玩架喇!!
熊仔 : 發達喇,有好多糖!!
得意妹 : [發達糖]都摺埋,仲邊度有發達喎.....
熊仔 + 得意妹 + 黑妹 : 亞不,恭喜發財,利是逗來,快D!!
亞不 : 嗱,攞去喇!!
得意妹 : 頂!! 亞不,你做咩封円比我??
亞不 : 哈哈,有得睇,無得洗!!
新春大吉
回覆刪除[版主回覆02/18/2010 13:32:00]Mr Ben,
恭祝你心想事成,身體健康,生活愉快,工作順利,步步高陞!! 繼續帶我地自駕式暢遊大世界呀!!
哈哈...但我都想收YEN喎....雖然有得睇無得洗!!!但都好，起碼的起心肝再去.......
回覆刪除新年快樂!!恭喜發財!!身體健康!!!年年日遊~~~~~~
[版主回覆02/18/2010 13:28:00]恭祝你身體健康,心想事成,虎年行大運,日日都遊日!!
你好High, 利是封YEN!
回覆刪除祝你今年開開心心! 成日去日本! 身體健康!
[版主回覆02/17/2010 13:31:00]團長,我都祝你[成日去日本],虎年去多幾次日本行大運!!
得意妹 : 團長,亞不雖然係[high],但我嘅心情好[down]!!
升呢發財！
回覆刪除[版主回覆02/25/2010 13:15:00]得意妹 : 你係咪話緊我呀!!
你都好大手筆喎！嗰叠一仟 円好似有好多張，我見到已經好開心喇！
回覆刪除得意妹，一於留起佢，等八月返老家嘅時候 先用，用嚟買手信比我，哈！哈！哈！
[版主回覆02/25/2010 13:22:00]得意妹 : 波豬媽,哩個咪係亞不嘅[鬼計]囉,平時我地出門食佢/住佢&洗佢,今次佢實叫我用番自己d利是錢啦!!
不過我都會用番亞不d錢,嚟買手信比你嘅,放心啦波豬媽!!
好搞鬼!係你先諗到封Yen咋! 呢個主意唔錯, 等我下年考慮吓先!
回覆刪除[版主回覆03/07/2010 15:43:00]得意妹 : PI姐姐,諗清楚先好封比人呀,唔係個個都鍾意架,我就麻麻地喇!!
我唸你d yen 永遠都唔換返港紙,不停去~不停去日本
回覆刪除虎年大吉,旅運昌隆,yeah!
[版主回覆03/17/2010 14:03:00]其實每次都用淨好少,所以都唔會唱番做港紙!!
祝你虎年行大!!