追[楓]逐[日]追到番老家 ~ 第一餐食七咁食...

2009 10 31 ~ 晚間開始下雨

一出秋田駅陣陣涼風,

由今朝27度下降到而家得14度[正]呀!!

立即往酒店CHECK IN,

原本BOOK [DORMY INN] 可惜無房,

最後揀[COMFORT HOTEL],因為價錢合適,

而且住過有信心,

最鍾意佢有一個[天氣台],

24小時報導最新天氣!!

着番件褸出去搵食,

原路經過西餐廳,

居酒屋都唔想食,

最後行番去秋田駅[三樓],

一間食[秋田名物]嘅餐廳,

一坐低樣樣都想食呀!!

點咗,[凍豆腐] [比內雞鍋] [雞串燒] [稻庭烏冬],

可能太餓樣樣都好好味!!

食飽飽番酒店!!天呀,點解落雨架...

得意妹 : 亞不,你節哀順變啦,

第三次返老家,三次都落雨,

連個天都唔幫你!!

得意妹 : 亞BEAR呀,亞不搞緊咩呀,仲唔瞓??

聽朝要晨早番佢老家喎??

熊仔 : 亞不望住個天,不停口 UP UP,好似祈禱!!

得意妹 : 吓,中女的祈禱!! 叫佢慳番啖氣,早D瞓啦!!!!