2010 01 30
愛八會首聚多謝各位百忙中抽閒
,特別多謝[團長]&[波豬媽],一個帶手信一個帶見面禮,而我就兩手空空,真失禮!!
下次去完越南補數,你地睇定要咩喇!!
今日約幾位BLOG友茶聚,可以慢慢嘆,唔洗比人趕,最後揀[逸東軒]方便身兼經理人嘅團長,帶亞仔打HOCKEY!!
好睇下中高檔食府要有的道具!!
小食
大家一坐低就不停講,講,講.....忘記影食物添!!
下次要等亞MING,KEROPPI & 波豬媽,去完旅行先再聚LU!!
得意妹 : 開!!
熊仔 : 唔開!!!
得意妹 : 開!!
熊仔 : 唔准開呀,係團長送比亞不嘅手信嚟架!!!
得意妹 : 亞不,上次番老家係LAWSON見過,我見佢放番低無買架,即係唔太喜歡啦,咁即係開嚟睇下都唔怕啦!!
熊仔 : 你太唔了解亞不喇,佢就係唔捨得打開,咁暖包買嚟唔用又好過份喎!!所以放番低當睇唔到囉!!
團長真係好細心呀,佢見我食老麥換小丸子,食到喉嚨痛,就知我實啱啦,我真係好鍾意架,上次我有見過,但最後無買,估唔到點都係屬於我!!
得意妹 : 咁開蝴蝶酥得啦,唔係等過期呀??
熊仔 : 唔得呀,係波豬媽送架,個金色扣好靚,你粗手粗腳實整爛,等亞不開啦,佢好鍾意食架!!
亞不 : 真係多謝波豬媽,好高興認識你呀!!
好快手呀! 你係咪第一個呢? 呢次聚會真係好開心 (應該話次次都咁開心), 我哋呢班會員真係好好傾, 傾到都唔願走. 下次就等我日本回來再約過.
回覆刪除[版主回覆02/03/2010 23:05:00]梗係啦,打鐵要襯熱嘛!!
我地個個夠真嘛,唔扮野,話係一,就唔會改二!!
唔啱傾都幾難!!
今次都好似唔夠時間,下次要加時先得!! 好等你番呀!!
我都好高興認識到你哋，你哋個個都好好傾同好真，真係好開心，不如快ｄ籌備吓下次幾時再聚囉！
回覆刪除[版主回覆02/03/2010 23:11:00]真係個個都好啱傾,難得,難得!!
好吖,快D搞下次再聚,我覺得要再加時!! 我3月第二個星期得閒D,你呢??
果然你係最快手的一位. 主席即係主席. 期待下次的聚會.
回覆刪除[版主回覆02/03/2010 23:17:00]哈哈,今次我係第一個!!好難得!! 主席唔敢當!!
我都好想快D再聚呀!!
唔知你快,定係亞MING快呢?尚欠你地未出!!
最緊要你鍾意我的手信. 下次我一定會準時啦!
回覆刪除[版主回覆02/03/2010 23:21:00]我好鍾意呀個[小丸子]!! 下次雖要加時呀,今次好似啱啱開始咁,就要散會LU!!!
我３月第二個星期都得架，不過我想係星期五晚，因為唔洗特登搵人湊仔，唔知你哋得唔得呢？
回覆刪除