打風...

2014 09 16

今日有無人有心機做嘢呀???

我就無喇........

不停諗秋季大旅行@一年一會紅葉狩,

有兩日行程唔多對路.....

被卡住了..... =.="

年少輕狂

2014 08 31

暑假完喇......

暑假的確係學生嘅專利,

細時暑假日日玩玩玩,

打波,

游水,

踏單車....

仲有抄暑假作業!!!!

中學時代每個暑假最少一次宿營,

老地方塘福OR長沙,

例牌沖浪& 晚上BBQ,

有次打風照去,

完全唔識死......

再大DD喜歡上深圳老揼,

朋友們有位係骨精,

當年人仔仲好見洗.....
有次上廣州,
去陶陶居,
又雙皮奶.....
最後玩到趕唔切尾班火車,
要坐亡命的士落羅湖,
當時真係好夠薑,
完全唔知驚,
又唔識路,
司機初段行小路連街燈都無,
跟住上咗高速公路,
諗住安全啦,
點知仲大鑊,
司機KEEP住140或以上,
仲手揸電話不停同另一名司機講路面情況,
突然由快線cut 3條線去慢線,
因為有架大大大貨車橫瞓咗係度....
心都寒埋......
最後都安全到達羅湖,
11點45分跑入去,
真係要沖關.....
無記錯用咗個半鐘,
由廣州東到羅湖,
好似200蚊人仔都唔洗,
仲有找....
而家諗番都驚!!!!

出嚟做嘢後暑假無LU....
仍然懷念暑假!!!

乃嘢...........

2014 07 27

我好怕煲劇.....

因為一開始就停唔到,

一路追到底....

所以之前都唔敢睇[星星]!!

近日J2台做[主君的太陽],

唔覺意睇咗一集就乃嘢喇.....

今晚唔洗瞓lu...... =_="

<Touch Love>

你觸碰到我的指尖

便溫暖了寒冷的心

想再靠近一點 待在你身邊

但你我的距離卻揮之不去

就算我不能摸到你

就算我不能抱著你

Lonely love

Yes I love you  一如宿命那般

我都能感覺到你

Lalala lala lala

Lalala lala lala

Lalala lala lala lala

向你傳達我的心意

彷彿伸出雙手   就能擁有你

彼此卻距離更遠   那麼待在你身邊就好

就算我不能愛著你

就算我不能接近你

Lonely love 

Yes I love you  就算距離再遠

我都能看見你

就算我不能摸到你

就算我不能抱著你

Lonely love

Yes I love you 一如宿命那般

我都能感覺到你

Lalala lala lala

Lalala lala lala

Lalala lala lala lala

向你傳達我的心意

RIP..... MH17

2014 07 18

又係馬航???

睇見都心寒......

但願298人已經去到美麗的天國.......

生日之旅GO @台北

2014 06 18

生日當天出發身心都感到爽皮!!!

台北禾乃喇....

上兩次去台灣都只是[朝聖],

無機會離開大隊獨自自由行,

所以今次可以話係第一次去台灣!!

[小小]: 我都係第一次去台灣,呵呵...

 [小小]: 嘩,個包仲細隻過我喎....

[小小]: "雲外看,新生趣"...

都係鍾意..."天氣不似預期,但要走總要飛"...

呢首啱聽D!!! ^0^

個半鐘話咁快就到喇!!

一落機未過關,

第一件事唱台幣,

係台灣唱比係香港唱抵,

某旅遊雜誌稱全個桃園機場無論閘內閘外匯率無分別,

揀無乜人果間就得喇!!!

有報導指[台灣銀行]會收於2009年之前出版之港幣手續費,

2010及之後出的側不會收手續費,

而[兆豐銀行]對任何鈔票都不會收取手續費,

為安全計我準備全部都係2010年或之後出嘅港幣,

典知係香港櫃員機撳錢時,

黑仔的我全部出哂2009或之前的...

我頂........

好喇唱完錢過關,

[我係T2落機的]

跟住去買上網咭,

在大堂的左邊行到尾再轉左就見到,

這三間電話公司,

又係某旅遊雜誌稱三間價錢及接收都一樣,

又係揀最少人排隊果間啦!!!

收費如下,

好抵又方便,

職員會幫你換埋電話咭,

及SET UP埋,

[重點] 乜PHONE都可以,

真係好LIKE呀!!!

搞掂埋就行番轉頭,

去番另一邊嘅盡頭搭巴士出市區,

大概40分鐘就出到市中心[唔塞車喎]!!! 

除了地點方便,

職員好好之外,

我不喜歡這酒店!!!!

       

       

       

時間差不多,

去食生日癲拿,

生日晚[素食去]積番些少陰德,

早一個星期在網上BOOK好枱,

的士司機都話呢間正呀,

仲超多嘢食.....

由5點半開始到9點半,

這只是十分一個CORNER,

大到我第一轉迷路了....^^

有好多點心[台灣係好鍾意港式點心],

有日式嘢,

有西式,

有火鍋......

多嘢食到不得了.......

湯都有六款.....

點飲呀??

我呢D平時少湯水,

當然CHUR多兩碗啦!!!!

這是牛蒡湯

                                 

這裡絕對是[素食者]天堂,

分埋蛋奶素架,

正到爆!!!

我嘅最愛芝士 *0*

這是杏仁茶,

無糖好香好滑呀!!!

最後咖啡或茶,

自己沖,

可以沖成壺慢慢嘆......

 今晚700台幣,

HK$175咋.....

抵到爛...

實在太飽.......

行下先,

路過台北小巨蛋,

行咗三分一左右......

都係打的番酒店..... ^^

四圍貢...

2014 06 28 ~ 29

呢兩日由我[小小]陪亞不四圍貢......^0^

坐港鐵樂遊遊....

第一站先去覆診!!

再執幾劑...

呢幾劑係補身,

補血&補氣!!

之後仲要耐不耐補補佢,

話說廿歲左右去捐血,

護士一驗即說小姐你血色素太低唔適合捐血,

你不如去睇醫生再驗清楚啦,

原來我有貧血仲幾嚴重下....

仲諗住捐比人...

典知差D要人捐番轉頭.......

醫生話可能我一向都係貧血底所以唔會覺得見暈...

但數字太低...

當年都食咗好幾個月嘅"鐵丸"....

之後開始注意補血,

但都係唔得,

點都係唔夠血...

所以而家耐不耐執幾劑補補佢!!!

[小小]: 咪睇亞不佢貢大隻,
原來係咁虧...

跟住去睇戲 ~~ [羅馬浴場2]

無第一集咁好睇....

不過阿部寬個PATPAT好靚呀~~~

[小小]: 典解帶埋我去買"爸爸"..... =.=

好尷呀...

太好喇...

會員於生日月買滿唔知幾多??

送咗個旅行用嘅"爸爸袋",

放入喼唔怕D"爸爸"扁哂!!!
呢個比我用開果個硬身D,正!!!

搵野咬下先....

去搵台灣味,

不過唔好味.......

貢少珍珠....

完全唔同係台灣食嘅味道!!!

[小小]: 亞不快D帶埋我地再去台灣食啦....



[小小]: 又落雨...

因為要戒口唔好食熱氣嘢...

睇波良伴變咗全生果,

一大袋車厘子順便補血!!

嘩...青森蘋果!!! ^^

[青森仔]: 老家的味道....

青森蘋果酒呀~~~

好掛住老家.....

亞不,不如秋天番青森吖.......hehe