數碼化 (下集)

2011 10 17

今日放假一天,
去剪髮!!

當然搵我嘅御剪啦!!
係邊個??
唔該睇睇下面[年頭個篇BLOG]...

原來10個月無剪過髮喇,
太...長了...
要剪一剪&染一染!!

御剪安排了一個好有心機嘅染髮師傅幫我染髮,
我好滿意呀!!

染完就到剪喇,
當然係御剪操刀啦!!
剪完再幫我吹番攣D頭髮,
估唔到仲貢攣喎,

御剪話聖誕先過嚟電啦!!

呢個[數碼電髮]真係好堅呀!!
[詳情請睇下文]

最堅都係我呢位老朋友,
如果你唔再做呢行,
咁我個頭點算好呀..........







2011 01 02

Happy New Year!!

今日去電髮,

髮型師兼老闆,

係中學同學,

佢幫我剪頭髮超過10年喇,

從未幫襯過第二個,

我只信任他[係我嘅御剪]!!

早幾年試過勁甩頭髮,

最厲害時其中一個甩嘅範圍有5cm X 5cm,

醫生仲話髮邊都無生頭髮喎,

即係成個頭嘅頭毛都停頓了,

而且不斷甩,

真係好驚......

去到SALON洗完頭,

洗頭師傅幫我抺乾時,

對住塊鏡見到一拂甩到光脫脫,

眼淚不停流下來...

多得呢位老同學,

佢即刻過來叫師傅行開,

佢親自幫我抺頭,

唔再比其他人掂我個頭!!

好番之後D頭髮仍然好差,

而我一向都有好多白頭髮,

要定期染髮,

當時雖然頭髮出番哂,

但係髮質未正常,

佢都唔肯幫我染,

前後3年無染過...

真係要多謝佢[錫]住我D頭髮!!

今日坐咗幾粒鐘,

試[數碼]電髮,

咁都要數碼???

就無傳統電咁耐,

唔洗入蒸籠,

又唔洗沖幾次頭,

不過成個頭重咗,

插哂電線嚟加熱,

好似會電死咁!!