2010標尾會之旅 [追楓] ~ 大沢溫泉!!

2010 11 28

今晚入住超過2百年歷史的[大沢溫泉] ~ "自炊部"

其實[大沢]分3間旅館,

[山水閣]

[菊水閣]

[自炊部]

排名有分先後....

右邊的[山水閣]係最高級的!!

[自炊] ~ 即係可以自己煮食,

有材料賣亦可以自備!!

大家放心這裡有一間餐廳,

唔想自己煮都唔怕無嘢食!!

好似我咁唔識煮都有食!!

好例牌換拖鞋,

跟住直入CHECK IN,

隔離係[待合室]有電視睇,

邊睇邊等人 OR 同職員吹水!!

可以在這裡取熱水!!

我要等等,

要等識英文的職員回來!!

等咗一陣,

職員帶上房一路行一路講解,

呢樹好大架,

我間房係2樓,

一眼睇哂

好鍾意枱底暖爐,

成個人暖哂!!

另外有個GAS爐,

夜晚好鬼凍呀,

我都未試過開到咁[行]!!!

傳統的日式門鎖,

無得反鎖,

貴重嘢可以放係CHECK IN地方!!

房內有個好正嘅年曆,

好襯這裡有2百幾年的歷史!!

好睇睇地圖,

出發[浸浸]!!

這裡素泊好平大概3,000YEN左右,

不過其他嘢要逐樣計,

我揀咗個FOR[女士]嘅PLAN 3,740[包早餐],

加埋暖爐&......

都係4,965YEN!!

出去貢吓!!

房外個VIEW,

唔錯!!

2樓有個細廚房&洗手間!!

行咗去另一邊,

有個大廚房,

所有嘢都可以免費使用,

除咗煮食爐,

10YEN用[7~8分鐘]!!

呢度有D客人住成個月,

自己煮食,

話係嚟[浸溫泉治病]喎!!

有好多食材選擇,

可以拆開逐件計!!

好浸番轉先食晚飯!!

可以通往[山水閣]&[菊水閣]浸浸,

除咗[山水閣]嘅[山水之湯],

呢個湯比[山水閣]專用,

其他湯都可以共用!!

落去就係[露天風呂],

只有混浴,

飯前好多麻甩佬呀....

等夜D再嚟!!

開飯

茶/水 & 漬物[自取]!!

叫咗個[什錦炸物]定食,

好好味呀,

都係千幾円!!

見隔離枱食呢度[自家製]嘅冷麵,

又好似幾正咁喎...

再叫!!

[比人發現我貢大食添]

食飽飽番房HEA吓,

沖茶飲!!

房外VIEW打咗燈,

如果紅葉盛開,

呢度好鬼靚架!!!

好再去浸[露天混浴],

無咁多人,

不過浸咗一陣落大雨呀......

D風吹過嚟好凍呀......撇!!

唉,

行番去室內浸!!!

怒浸完,

買支奶番房嘆先!!

房門口有個門牌,

好有客棧FEEL,

好似[天字X號]咁!!!

好鍾意[烘]住D衫,

第2朝著上身就暖笠笠喇!!!

完美的一天,

早抖

明天落大雪呀!!!