10日 7縣走馬看九州 ~ 終於到達福岡喇!!!

2009 06 07 (04:55)

今日係車神嫂生日呀!!

我讓佢先揀今日出發,

我就無得係日本過生日喇!!!

食完飛機餐,

好快就熄燈比大家休息,

我係瞓得之人,

一熄燈就瞓得着!!

今次坐走廊位,

一有空姐走過我都會醒一醒,

佢地行得好大力,

我平時唔會坐走廊位,

所以FEEL 唔到,

佢地做咩行來行去呢???

原來係攞住D飲品比大家飲,

佢地好勤力行咗好多轉,

飲到你唔飲,

真係要讚下佢地,

好少見D咁勤力嘅空姐!!!!

好喇 (04:30)所有燈着哂,

叫醒大家落機喇!!!!

仲有個空姐走過嚟,

再通知我地轉機閘口幾多號!!

(05:15) 到達仁川機場等 08:00 轉機到福岡,

我地行行企企,

影吓日出,

上吓網(有WI-FI),

話咁快又上機 LU!!!!

這班機人更少,

機程雖然得一個小時,

話哂係國際線,

所以都有早餐食,

OK架個包仲軟淋淋,

右下角係生果嚟!!

如果坐日本國內線,

就算由東京往北海道成個半鐘都係得杯嘢飲咋!!!

終於到達福岡空港,

一般步出機艙都係行這種隧道 OR 坐巴士到機場入境大樓,

不過我兩樣都唔係,

一步出機艙落完樓梯,

行不到一分鐘就入咗大樓喇!!!!

好順利咁入咗境,

便立即乘免費巴士,

由國際線大樓到國內線大樓,

轉地鐵到博多!!

原本想一落機就立即租車自駕,

諗諗下都係明天先攞車,

因為坐凌晨機一定無覺好瞓,

唔夠精神我怕會發生意外,

都係比車神休息番晚先,

明天先用司機啦!!

地鐵都只不過搭兩個站就到達[博多],

我覺得仲方便過[啓德機場]!!

先到酒店放低行李,便立即開始第一日嘅行程!

11:15 立即前往[門司港]

由 JR博多駅出發,

約一小時車程便到達第一站位於九州北部 [門司港]!!!

先伙坐哩架特急前往小倉,

轉另一架火車便到達[門司港]!!!

得意妹 : 咦,阿BEA 快D過嚟睇下,火車上有你D FRIEND 呀!!

熊仔 : 係喎, JR 九州BEAR 呀!! 但係佢比人困住咗??

得意妹 : 哩個係佢嘅任務,就係比人觀賞!!

熊仔 : 吓,咁就一世!!

得意妹 : 你係未覺得自己好幸福呢?? 可以跟住我成日去日本玩!!

熊仔 : 幸福??? 定係受難呢????

[門司港]故明思意是個港口,

於明治時期這裡是十分繁盛的國際港口!!

而當時香蕉要由外國輸入,

第一次就在這裡上岸,

所以日本賣香蕉的發源地便是[門司港]!!!

直至今日四處可見香蕉食品、用品、玩具及裝飾物等等!!!

每年10月這裡都會舉行慶祝[香蕉節]活動,

聽聞好熱鬧架!!!!

我地夠唔夠[蕉]氣呢???