2009 06 07 - [門司港]搵食先
一到達[門司港]大家都好餓了,
於是搵食,搵食,搵食...................,
我地從旅遊書中獲得啓示,
於是前往海峽 PLAZA西館二樓,
由車站行5分鐘左右就到喇!!
個個入嚟都係點這個招牌菜[瓦片燒拉麵],
我地都有叫一個,
再加鰻魚飯,
一條鹽燒XX魚(條魚勁多春,唔知係唔係多春魚呢???)
及刺身一碟!!!!
哩間鋪仲有一個招牌菜,
就係[河豚]喇,
好可惜這段時間唔合時,
無得食[河豚] lu!!!
食飽飽行下先,
原路行返去車站對面,
再行入DD,
就到達[九州鐵道記念館] 入場費300YEN,
火車精的我一定要入去朝聖啦!!
有幾架懷舊火車展出,
遠至昭和時代都有,
有D可以行入車廂內,
仲有詳細介紹火車歷史!!!
最吸引我當然係駕駛迷你列車啦!!
係自助售價機前我諗咗一陣,
300YEN 玩一轉(可以坐三人),
我唔係嫌貴,
而係如果三個都玩未無人影相囉???
最後車神唔玩,
幫我地影相,真係唔該哂!!!!
我地揀咗紅色哩架,
車頭寫住[門司港]架!!!
上車時職員介紹咗一輪,
哩個掣又咁,
嗰個掣又點,
但我地都唔識聽,
開車時按動一個之後就會自動行,
有一個拉掣,
我地一拉車停咗,
再推又行番,總之就亂嚟!!!!
話咁快兜咗一圈,
我地都係時候離開了!!
於鐵道記念館前一條街,
有一個細小車站[驛市場],
只有一輛觀光列車運行至關門海峽MEKARI車站，
車程僅需十多分鐘,
我地就坐這架[潮風號]往關門港!!
大家留意車內天花,
一入隧道成個天花發光呀!!!
嘩~~~~~
[行路上廣州]我諗大家都聽過,
而我地就[行路上本州]?
好快我地到達[關門海峽],
落車後再向[關門橋]進發,
原"觀潮遊步道"行,行,行...........,
開放式[廚房]就見得多,開放式廁所第一次見!!
終於見到[關門人道]即係一條比人行的海底隧道,
由九州行去本州只需十五分鐘!!
好向[下關]進發,
行到隧道中間就係[福岡縣]與[山口縣]的縣界喇,
我地無打算行到[山口縣]地面,
過咗縣界便返回[門司]那邊,
見到有印章喎,
我一向有儲印仔,
每次都帶本簿仔儲底佢留記念,
即刻攞出來蓋章啦,一蓋 ~ 咦得一半嘅??
頂!!
另一半係[山口]那邊呀....................車神見到我唔想行嘅樣,
好有義氣話[等我行過攞吖],
心心不憤嘅我拒絕了車神的好意,
又行多次過對面!!!!
隧道內有好多人跑步,
來回來回不斷跑,
唔知係唔係因為隧道內,
唔怕太陽曬,
又唔怕落雨,
裏面仲陰風陣陣都幾涼爽,
而且係跑大直路,
所以吸引咗不少跑步人!!!!!
玩到六點幾喇,
要返[門司港] lu,
但巴士停,
火車又停,連的士都無,
我地就行路返[門司港],行,行,行,行..............
大概40分鐘返回[門司港],
嘩 ~ 行到甩轆,要坐低抖抖!!
是但入咗間甜品店,食,食,食,食...............
食完又繼續返回［門司港駅］,
乘車返博多!!
晚上嘅[門司港駅]又幾靚喎!!!!
一上車三個人都攰到散哂,瞓,瞓,瞓,瞓.........瞓到返博多,
一出車站都幾大風,
陰陰涼咁,
大概似18/9度的香港,
又加上唔夠瞓,
個頭重重,
而個肚唔知係唔係頭先食咗咁多生冷嘢,
有d搞搞地嘅感覺,
總之成個人都唔舒服,
於是[板板聲]衝返酒店,
我無食晚餐,
而兩位團友就出外搵食,
佢地入咗間居酒屋,
無餐牌,
菜名貼於牆上,
要手指指[佢地第一次去日本,一粒日文都唔識],
跟住亂叫咗一個鍋物,
但佢地都唔知係咩嚟,
好似食內臟咁!!
成餐飯都唔掂,
嘩~~好彩無陪佢地去食飯!!!
有興趣就睇吓啦! [係觀光案內所都得攞]
沒有留言:
張貼留言