開年 = 由朝食到晚.....

2011 02 04

年初二[開年]!!

今日到大家姐屋企拜年,

一去到就煮[雲吞麵]食 ~ 正!!

好似乒乓波咁大嘅[雲吞],

由三哥&三嫂提供,

大大粒,

勁彈牙,

 好味到呢...唔識得講!!!

仲有3款素菜,

由三姊提供!!

以為食[雲吞麵]做 lunch,

可以清簡一D,

點知都係飽到上心口....

不過好滿足!!

剛剛放低筷子,

又開波???

嘩...食湯圓!!

真係團團圓圓!!

之後抖咗一陣...

再隊薯片零食,

成個下午都無停!!!!

開飯喇.....

貢快......又食.....

呢隻[八寶鴨]我係美心買嘅,

味道不錯,

肚裡面勁多料!!

嘩,仲有海參.....

當然唔少得老火湯,

章魚煲蓮藕 ~ 正!!

飯後甜品係[榴槤雪糕],

可惜食唔落LU....

不過都要飲枝[益力多light],

真係無咁甜!!

就係咁,

大家由朝食到晚.....

好滿足,

多謝哂咁多位!!