[不漏國]唔去唔知咁C服 ~ hea遊[河內]

日各位日遊迷唔好意思,

我還有3天[不漏國]未寫,

完成後可以寫番.....

寫邊個好呢??

[九州自駕],[東北紅葉],[東北夏祭]or[東京追楓]

個個都想寫添!!

2010 04 03 ~ Day 8

昨晚搞到2點先瞓,

今朝瞓到唔知訂,

連酒店供應早餐都食唔到,

好,出街搵食!!

[不漏國]有好多食肆,

都係全日供應幾款食物,

或者一款主食+兩三款小食,

好簡單唔洗諗,

兼無餐牌,

我幾欣賞這種方式!!

上面哩間食鐵板+法飽,

雖然賣相麻麻,

不過勁好味架!!!

繼續,食....第二間,

哩間我地坐低一陣,

唔知有咩食??

見到個個食麵+油條,

問老板娘,

佢唔識英文,

叫咗個伙計仔出嚟,

佢講國語架,

佢話哩度得一款麵,

無得揀!!

就係雲吞炸雞麵,

好好味呀,

無論係[麵],[湯底]&[餸],

都係咁好味,

佢地[炸]嘢好得,

唔油膩,

時間同火侯剛剛好!!

果條係迷你油條,

一人一孖份量剛好!!

仲想食添...

再買小食,

好似年糕咁,

包主D甜甜地嘅嘢,

煙煙UN UN,

又幾好食喎!!

食飽出去逛逛,

酒店位於[河內]舊城區,

過對面就係[還劍湖]!!

[不漏國]曾經被法國統治,

隨處都見到法式建築,

先往歌劇院,

從[還劍湖]沿[Trang Tien]街行10分鐘左右,

想睇吓有無[歌劇]睇,

劇院內/外參考[巴黎歌劇院]而建,

直到今日仍然保留完正[巴洛克風格],

每一磚一柱都由法國運來,

用上10年時間興建!!

[不漏人]十分懂得保育,

四處保留法國殖民地色彩,

點解香港.....無?????

[相中2人為日本人,他們都想睇歌劇]

可惜當日無歌劇睇,

不能參觀內部建築!!

好,下次再來!!

繼續四圍逛,

路過名店街,

令你置身於法國小街一樣!!

經過超市,

[右下角]哩包咖啡粉,

香港賣$190,

[不漏]平一半,

當然要大手入啦!!

無論大街小巷都係電單車,

因為公共交通工具並不發達,

所以市民個個都揸電單車代步!!

初時過馬路都好唔慣,

唔知點過??

但[不漏人]好禮讓,

你只要慢慢行,

唔洗急,

電單車自然會讓你過!!

好,係時候HIGH TEA!!

件蛋糕好好味呀!!

睇唔睇到玻璃門上有[WIFI],

[不漏國]四處可以[免費WIFI],

無論機場/酒店/食肆,

都係免費的,

比香港好!!

再逛逛買吓手信,

點知[不漏錢]用得七七八八,

今日星期六,

即係這兩天無得去銀行換錢,

而找換店匯率太高,

好唔抵,

想起有BLOG友話[金鋪]可以換錢,

而且匯率好好,

一於試試,

真係可以用美金換[不漏錢],

匯率非常抵呀,正!!

番酒店抖抖先,

沖個涼換件衫,

今晚去食[法國菜]!!

得意妹: 我地都要着靚D!!

亞BEAR: 我都打番個煲呔!!

得意妹: 亞不,買咗個[不漏妹公仔]比我呀!!

亞BEAR: 係比我架!!

又爭......

出發食晚飯,

點知FULL哂,

要等個半鐘先有位!!

照等,

跟住去[掃街]!!

白色衫果位老板娘,

唔識英文但好有耐性地,

指手畫腳,

教我地點食!!

佢地[炸]嘢好叻,

一D都唔油架!!

話咁快夠鐘有位喇!!

於1928年興建,

一所兩層高嘅法式樓房,

我地坐2樓!!

燈光太柔和,

又唔想用閃光燈影響其他人,

所以睇唔清!!

[左上]餐前小食 ~ 係用酥皮包住牛肉[好味]!!

[右上] ~ 什錦海鮮,

中間係[炸雀巢]做底,再放一堆海鮮&意粉係上面[勁好味]!!

[左,右下] ~ 生牛肉[正]!!

[上] ~ 法式薄餅[好薄好脆]好味道!!

仲有[湯],[酒]&[甜品],

不過無影到!!

總之好味啦,

食咗US$45左右!!