2010 08 27
今個星期全港都愁雲慘霧,不過再傷心都要食飯,
今晚應邀出席BLOG友飯局!!
出席者一共5人,地點 ~ 大戶屋,
個個都係日本遊狂迷,所以食都要揀日本嘢!!

睇吓有邊個先??

睇見佢地唔洗講都知有邊個出席啦!!
由代表自我介紹:
馬騮仔+幼稚仔 : 我地代表主人[紅米奇].
紫BEAR BEAR : 我代表主人[PIGGYBREAD]架.
黑貓 : 我唔洗介紹啦,大家都知我主人同我一樣名!!
KITTY : 咁我都唔洗介紹啦,我主人咪係KITTY 2002!!
得意妹+黑妹+亞BEAR : 我地代表主人[亞不]!!
今次識到兩位日本遊狂迷 ~ KITTY 2002 & 黑貓!!
我地班主人掛住吹水,咁我地影吓相先啦,哈哈,無王管!!

黑貓 : 嘩!!有熊出未呀.....
紫BEAR BEAR + 亞BEAR : 咩事呀,玩種族歧視呀!!!
黑貓 : 唔係呀,我驚你地會食咗我咋!!

紫BEAR BEAR + 亞BEAR : 你去北海道去到上哂腦喇,我地唔同北海道黑熊,我地係唔會食貓架!!
紫BEAR BEAR : 我食日本零食大架!!
亞BEAR : 我係齋BEAR嚟架,食素架我,施主!!
得意妹 : 初次見面好正常嘅,一次生兩次就熟架喇!!

得意妹 : 除咗主人鍾意日遊外,我都好崇日架,你睇我同黑妹就知啦!!
好聽吓佢地講咩先!!
咦,個個都講PLAN緊下次去邊喎,最勁係KITTY啦PLAN到2012喇!!
得意妹 : KITTY你就好啦,你主人帶你成日去日本!!
馬騮仔 : 我主人又帶我地去賞雪呀!!
黑貓 : 咁我地呢?主人??

亞BEAR : 紫BEAR BEAR你主人都PLAN緊兩個日本遊喎,真係恨死隔離呀!!
紫BEAR BEAR : 你主人話都好想睇紅葉喎.
亞BEAR + 得意妹 : 睇條毛咩佢,得番3日假咋佢!!

佢地講咗成個鐘,都未叫嘢食呀,想餓死我地咩??
坐咗個幾鐘先嚟第一道菜!!
餓到暈呀,所以次後食咩都無影lu!!


亞不 : 夠喇,唔玩喇好似精神分裂咁!!

其實我地真係傾得好開心,講唔完嘅日遊真樂趣!!
特別係KITTY 2002,講咗好多[金句],正!!




而呢間香港嘅大戶屋,絕不能同日本果間比!!
整體份量少,選擇又少,味道唔突出,簡直唔掂呀!!
不過要讚佢[唔趕客],同埋甜品係好好味架!!
可惜都唔會再嚟lu!!
全晚最奇怪係,叫親侍應攞多每人一隻碗,
但兩次都攞4隻比我地,
我地明明5個人喎,點解呢??
不過總好過攞6隻埋嚟吖!!

快樂不知時日過,
不經不覺傾到11點,全場淨番我地咋,我地即刻撇!!
真係傾得好開心,下次再傾過吖!!

呢間大戶屋唔多抵食tim, 勝在真係無人理我地
回覆刪除咪係law, 幾條友坐低成個鐘都唔記得落order, 講到忘晒形, 真係講到停唔到咀, 好彩未至於比人趕先走, 其實可能都差唔多想出聲問我地幾時先捨得走呀 , 大姐呀, 要收工架 , 真係傾得so happy, 在此留言 : 『我支持你....喔喔 』
馬騮仔 : 阿不你唔洗怕佢地係精神分裂喎, 未輪到我地呢班主人, 最多佢地只係患咗嚴重哈日症 , 人地話有情飲水飽, 佢地應該係講野講到飽
[版主回覆09/25/2010 21:32:00]真係好唔抵食!!
不如下次搵中式嘢,叫半席食都抵過佢!!
我地真係中毒太深,淨係講[日]都已經HIGH到爆!!
仲有好多嘢都未講,下次一定要加時!!
嘩~~妳哋真係狂迷...D日元去到呢個地步妳哋都去...
回覆刪除[版主回覆09/25/2010 21:39:00]係呀真係好[顛],話之D円係幾多,總之都要去!!
想當年D英鎊同歐羅咪又係勁高,都一樣照去,只要你想去,就唔理得咁多!!
無錯.....要有精神分裂排隊都未論到你啦~~~~~~
回覆刪除今次真係唔係幾夠喉,如果唔係驚阻人收工 ( 呢個係大事 )都唔係好願走!!!
等PIGGYBREAD番黎再聚過!!!!
[版主回覆09/25/2010 21:45:00][精神分裂]如果同某君比,我當然係正常啦!!
好等PIGGYBREAD番嚟再傾過!!
不如試[中菜]!!
个晚真係傾到興高彩烈、傾到要叫我地埋單先知嘜咁夜嫁拿 下次真係要多少少timer先夠吹
回覆刪除呀不:正所謂"未雨綢繆" 繆得嚟都2012啦!話你知plan埋啦 依家 2011个plan,真頭痛! 又要請教大家
[版主回覆09/25/2010 21:55:00]大家興趣一樣,自然會好好傾!!
係喎真係唔夠時間傾,希望下次可以WEEKEND出嚟啦!!
你真係好勁呀,PLAN到咁長遠.........
唔好講請教,我地個個都咁鍾意遊日,一定有好多嘢可以分享,有疑問咪攞出嚟同大家研究吓囉!!
好下次見!!
下次都係食buffet好,成晚掛住講都唔記得落order,不過呢間野好似唔係幾抵食....都係去日本食好D.....
回覆刪除Kitty2002 D金句真係好攪野,尤甚嗰句向住我地三個人講話咩只見兩個人....好驚呀
紫bear︰得意妹你地兩個件和服好鬼正 ......但做咩事黑貓成日睥住我先??
[版主回覆09/25/2010 22:05:00]食咩都無所謂,最緊要可以坐耐D!!
係呀勁唔抵食,你今次一定要係日本食個夠!!
KITTY姐D金句真係好正,令人再三回味!!
得意妹 : 多謝,紫BEAR!! 叫亞BREAD搵番比你着吖,一定好得意!! 係喎點解黑貓成晚睥住你?? 係咪佢好鍾意你嘅髮型呢??
中秋節快樂
回覆刪除[版主回覆09/23/2010 13:09:00]中秋節快樂,今晚繼續追月吖!!