2009 11 01 ~ 雨
10:30 到達[十二湖駅],
站內locker不多,
可以過對面巴士站側一間小店寄存行李[200yen],
順便攞張[十二湖地圖],
再乘巴士往[十二湖]!!車程應該大概半小時!!
總站落車便到達[森之物產館],
可以買手信,去廁所,蓋印仔,睇下十二湖資料....
好嘢,
我已經到達[青森縣]的邊皮,
好接近老家喇!!
有大大小小共33個池的十二湖,
是由1704年的大地震所形成!!
要睇哂所有池,
需要1天時間!!
十二湖中最大的,
由東西兩個池組成的王池,
及擁有神秘深綠色池水的青池等,
觀光這些主要景點,
需要約3小時!!
各位睇餸食飯喇!!
好暢遊[十二湖],
由[物產館]出發,
先往必到景點[青池],
路過[禁魚池]!!
得意妹 : [禁魚池]係咪唔准魚仔住呢??
之後到達[鷄頭場之池],
再行5分鐘就到[青池]喇!!
到喇,到喇!!
青池真係好靚,
湖水藍色清澈見底,
如果唔係落雨,一定仲正!!
下次唔落雨一定要再嚟過!!
得意妹 : 咁即係唔洗嚟啦,亞不你餐餐番老家,都落狗屎喎!!
跟住往上行,
有一條路好似[自然教育徑]咁,
繼續行,行,行,行.....
又有池[沸壺之池],
[落口之池],
[中之池],
[越口之池]側有個養魚場及十二湖介紹所!!
[越口之池]再行就到[王池東湖]!!
得意妹 : 亞不,又濕又凍仲要行幾耐呀,不如放飯先啦!!
於[王池東湖]側有幾間飯店,
我揀咗間有[展望食堂],
對正個湖食飯,正!!
得意妹 : 如果唔可以[電視撈飯],
咁我地可唔可以[賞湖撈飯]呢??
得意妹 : [吉豬]係我地摰愛之一!!
仲有咁大碗飯,
喎哂亞不啦[佢係飯桶嚟架]!!
而食齋嘅亞BEAR有[燒年糕一大串]!!
好嘢昭開飯喇!!
飯後步往[十二湖庵]等女將嚟接我!!
這裡是休息站,
有廁所,
仲有專人泡茶!!
一坐底就有人攞一碗茶及一粒菓子過嚟,
咦!!我無叫喎??
原來係善意之茶,
門前有個箱,
離開前只需[隨心]放底金錢便可!!
而側邊有一尊佛像比人供奉!!
因為我知女將一定會早到,
所以我由13:30坐到14:10 HEA吓,
望住湖景,
嘆啖茶,
真係[夫復何求]呢!!!!!!!!!!
14:10女將到達,
當我起身上車時,
其他人用[豔羨目光]望住我,
個下我覺得好[架勢]呀!!
下一篇 ~ 終於番到老家!!
沒有留言:
張貼留言