10日 7縣走馬看九州 ~ 第二縣 [大分縣] - 別府

2009 06 08  -  好晴

好喇,

離開美術館,

南下駛往[別府],

別府市能以[溫泉]產業為名，

全市擁有超過200個公共溫泉，

當中共有八個溫泉區，

又稱為[別府八湯] ~ (1)別府溫泉,(2)濱脇溫泉,(3)龜川溫泉,(4)鐵輪溫泉,(5)明礬溫泉,(6)柴石溫泉,(7)觀海寺溫泉,(8)堀田溫泉!!

此外，別府地區的湧泉孔佔了全日本湧泉孔總數的十分之一，每分鐘95,190公升的湧水量也是全日本湧水量最大的城市!!

我地進入[別府]見到好多魔鬼呀!!

得意妹 : 都話我地去[地府]架啦,好多鬼呀!!

我地要趕住到今晚入住嘅酒店 [別府温泉 杉乃井ホテル] ,

酒店分兩座分為[本館]&[Hana館],

我地book 咗[本館],

而GPS則引導我們到達,

見到門口有 Bell Boy就問問佢啦,

我都未攞確認信出來,

佢已經拿起張 Memo 紙,

上面用全[漢字]寫上我的名字及房號,

唔通得我地三個外國人未Check In ??

如果唔係佢又點知係我嚟呢??

定係我有鼓 [HONG KONG 毯] 除呢???    

跟住佢就話比我聽點去[Hana館],

同埋架車泊係邊??

咦,我明明book[本館],

但點解叫我去[Hana館]呢??

原來我地被upgrade到[Hana館],

哩度貴過[本館]架,正!!

去到[Hana館]一停車,

職員已經行埋嚟幫我地開車門,

推埋行李車過嚟幫我地推哂所有行李入去,

好似去咗[半路酒店]咁!!

有另一個職員又攞住另一張Memo 紙過嚟,

上面又係有齊我嘅資料,佢用流利[普通話]幫手翻譯,

好快完成手續,

佢打開一張A3 Size 嘅地圖講解食早餐係邊,

晚餐又係邊,

絕景溫泉係邊,

跟住佢講咗個惡號比我聽,

就係[溫泉水上樂園]做緊維修無得玩!!

車神 : 今日真係雙失呀!!

首先,[士多啤利園]不定休都撞中,

跟住[溫泉水上樂園]做維修!!真係唔好意思呀,車神!!

係我睇漏咗[溫泉水上樂園]要做兩個月維修!!

等我地諗住早D到,

去水上樂園玩,唉....點知......,

跟住我地各自番房hea吓先,再作決定!!

好,睇吓間房先!!

得意妹 : 嘩,好嘢有兩張床架,

唔洗同亞不孖鋪 [即係唔洗比佢迫死囉]!!

熊仔 : 咁我同邊個孖鋪好呢??

得意妹 : 條窗台好闊呀,不如亞bear今晚你瞓窗台吖!!

熊仔 :

窗外景色,我訂咗[山景]房,另有[海景]房 BUT(貴好多)!!

hea完一輪,我地揸住酒店地圖兜兜先,

因為實在好大,有機打,有k唱,

仲有得[錄齡]添!!

得意妹 : 本來有[溫泉水上樂園]玩添!! 係咪呀,亞不??

亞不 : ........

咦,有間[老麥]喎,入去[貢]吓先,

返正未食嘢!!

嘩,開心樂園餐換緊[鬼太郎]呀,

一定要隊番個!!

另外,有[五顏六色]玻璃杯換,不過我無換到!!

跟住我地揸車出去兜一兜,

當時大概四點幾鐘,

如果去睇[地獄]又趕唔切,

大部份收五點!!

車神嫂睇到旅遊書介紹[香水博物館] ,

都好吖去睇睇,

點知被 gps老點,

點咗唔知去邊,

唉......繞樣到五點幾終於放棄,

最後去咗附近[大型超市]掃貨!!

每人買咗兩大袋,

這間超市要收[膠袋費],每個5円!!

買完嘢,大家一袋二袋咁攞上車,

當時情景令車神嫂回憶起04年我去英國探佢地,

又係車神揸車出去超市購物,人物&事情都一樣,不過地方唔同!!

哩到有賣鞋,超市,賣衫,書店,花店,理髮店...等等

夠鐘喇,我地要番酒店食晚飯[係自助餐],

搜集資料時發現這個自助餐係[好食夾大件]!!

大家一齊睇睇!!

總共有[5個大四方形]嘅大枱放食物,

另有一行放飲品&甜品!![睇睇上面個兩幅]

下面左上角個幅 -  比小朋友用架!!

地方好大,裝修時尚,最緊要係[食物]!!  

攞食物嘅地方好闊落唔洗迫,

而且好多嘢食呀,

每樣食d都試唔哂,

食物質素好高,

如果係香港用$600係無可能食得到,

而哩餐房價包埋(一泊兩食)!!

車神一出閘就快放,

最終由頭帶到尾!!

實在太好味,又太多款式,

都試唔哂所有食物,最後掃甜品,

我攞咗件士多啤利蛋糕送比車神嫂,

補足佢昨天生日,個蛋糕超正呀,

仲有[雪糕]幾飽都要食,

大家都好滿意哩餐,

而戰績方面亦十分彪炳!!!!

左上角個幅係餐廳外嘅庭園,有椅子比人嘆吓!!

食得太飽喇,周圍行吓,夜D要浸浸呀[絕景溫泉]!!