10日7縣走馬看九州 ~ 獅子山車神現身喇,等到我吖!!

2009 06 08 - 晴 (第二天)

今早約好車神與車神嫂係酒店食自助早餐,

食到差不多10點先上房攞行李,

之前已經上網 book好車,

並約實10:00取車,時間剛剛好吖,

因為取車鋪頭喺酒店對面,過條馬路就到啦!!

上到房去埋廁所就攞行李落大堂退房,

等埋他們就出發!!

點知等,等,等,等......... 等到10點50分,

他們先落到嚟,

當時我真係好黑面,

我都預咗佢地會遲,

但係有無咁遲呀大佬,

出發前仲要係同車神一齊上網 book車,

佢都知約咗10:00取車,

唉...........我真係好忟本來約10:00取車點知遲成個鐘,

我唔想影響哂所有香港人嘅名聲,

最重要係而家我地上網訂房或車都唔洗比按金,

去到先比錢,

send個電郵覆實就得喇,

真係講個[信]字,

我唔想做壞規矩,

所以當時好火滾呀!!!!

都要喺度奉勸大家訂咗乜嘢都好,

千萬不要 no show,

知道自己去唔到就要通知人[取消],

還有如果約實[送迎]服務都唔好遲呀,

他們通常早到等客人架!!!!!

到達[日產]取車處,

交護照、國際車牌及信用卡給職員辦手續,

比埋錢就得喇,

職員帶同到門外取車,

職員叫我地檢查吓架車,

睇吓表面有無花痕,

再睇吓內籠D設備,

對埋錶數,

跟住叫職員教用GPS,

最好準備幾個目的地電話號碼比佢示範,

注意[手提電話號碼]不適用!!!

BOOK 車時要注意

(1) 記得 BOOK 架有CD PLAYER嘅車,

帶埋碟去聽等司機無咁悶,

如果全車人都瞓哂司機就要靠佢嚟頂住喇!!

(2) 如果唔食煙記住要 BOOK架非吸煙車!!!

(3) 等司機揀車,因為係佢揸,要啱佢心水!!

(4) 要注意車尾箱嘅大小,可乘坐幾多人,

而我地BOOK 咗架坐5人可以放4個喼,

而實際情況,

我地3人坐 OK,

但車尾箱就緊緊夠放得落25吋,

22吋及20吋喼,

如果坐4人就會迫,

因為少咗個位放袋同戰利品!!!!

(5) 司機要有國際車牌,記得帶埋過日本!!

我地正式展開 [九州自駕遊],

租咗6日車,車租共 46,305円,

司機得一個所以辛苦哂車神喇,

佢帶病上陣,我真係好驚架,

最後大家都平平安安回歸!!!

哩架就係我地嘅戰車喇,

已經行咗 2萬9千公里,

最後我地幫佢衝破 3萬大關,

差不多行到3萬1千公里!!

 

 

司機簡介

綽號 : 獅子山車神

性別 : 男

年齡 : 2X                         

得意妹 : 咦,細過[亞不]你架??

國籍 : 英籍 (香港人)        
得意妹 : 即係[西]人啦!!

哩位英國人喺出機票前問我,

揸[英國護照]洗唔洗簽證??

仲有車牌喺英國出架得唔得呢??  

吓,我只知 [BNO]同[特衰護照]係免簽證,

並可停留 90日!! 於是立即上網搵答案啦,

原來英國人一樣免簽證,可停留半年添!!

身高 : 6呎2吋                            得意妹 : 有無作大呀,唔係應該[有無作高]至啱!!

                                                   亞不 : 講完未呀你,不如你打埋落去喇!!

                                                  得意妹 : 我去睇吓熊仔攪緊咩先,閃!!!

駕駛經驗 : 於英國駕駛經驗豐富,番香港後揸少咗!!

我就係數年前歐遊,

尾站留英國探[車神&車神嫂],

日日都係靠車神佢車出車入,

已經試過佢嘅駕駛技術,

快得嚟都安全可靠,

最金係走個日送我出機場,

由他們家駛往 London Heathrow Airport (車

程4小時),

送完我佢又揸4粒鐘車返屋企,真係勁辛苦佢呀!!!!

好返嚟九州先,11時30分終於開車,

由[福岡]出發,第一站本來去摘士多啤梨,

不過果園休息,車神好失望,

因為佢地都未試過,

之後車神係超市買咗條士多啤梨糖頂隱喎!!

繼續下一站 [不可思議美術館] !!

下一站  - “不思議な美術館”

得意妹 : 車神你做錯咗咩事呀?? 哈哈!!!!