每月例飯@chok住食

2011 03 16

 

又到"每月例飯",

今日食日式放題,

真係唔知下次仲敢唔敢食!!

 

[石澗]

環境不錯有卡位,

食物出得快,

可惜唔包甜品,

要另叫仲得一款 ~ 雪糕[$10一球]!!!

 

席間話題離不開日本大地震,

日本名物有排都無得食....

日本有排都唔去得.....

 

而提到我買咗機票6月出發,

當時航空公司只可以改行程...

問十個有九個朋友都話改去第二個地方,

只有呢位老死話,

[梗係唔改啦],

你喎....

點可以去第二度呀,

你要番去見證嘛!!

 

初時我以為佢想諷刺我,

原來佢真係好明白我!!

佢話唔好改機票,

到時真係唔去得咪算囉,

但絕不能求其去另一個地方,

佢話我唔係因為要旅行而去旅行,

我係要去日本嘛......

 

多謝你呀!! Mr Y

不愧我地相識18載,

仲要同年同月生添!!!

下次甜品我請!!

 

我地已經約定下回[鏞記]!!