2011 03 04
今日相約姊妹們一聚,
飯局用咩來形容好呢??
1)生日飯局
[大家太忙喇,上年11月之孖星都未慶祝,但3月又有孖星喎??]
2)新春飯局
[話哂今年都未見過大家]
3)1週年飯局
[愛八會成立1週年]
叫乜嘢飯局都無所謂,
最緊要大家食得開心,
傾得暢快!!
不過成晚被侍應催,
佢嘅金句
~食得咁慢架
~半個鐘都食唔到一碟
~唔好掛住講
~個蛋糕咁靚,切到咁架...
最後蛋糕出場,
就同咁位一次過慶祝啦!!
生日快樂!!
有人偷雞唔到蝕渣米...
諗住食件最細,
點知被塞滿成隻碟!!
被催到甩褲之下,
用了個半鐘食哂所有嘢!!
但係大家仲有好多未[八],
走咗去M記飲杯嘢....
繼續[八]!!
多謝哂呀!!
希望快D再同大家聚一聚!!
PI姐,團體照呢??
Thank you PI 姐!!
下次要搵間食物好味道,又唔洗比人催到甩褲嘅食肆先得呀?但係搵邊間呢?真係要諗諗呀!係呀!個蛋糕未夾番錢,下次計呀!
回覆刪除[版主回覆03/05/2011 18:45:00]唔洗夾呀,就送比咁多位啦!! 生日快樂!!
係囉...家下去Ｄ地方成日係到催人走，有時傾到興起，就會有人走埋來問Ｄ嘢到齊未...然後無耐就會叫你埋單...
回覆刪除有一間都幾好喎...不過係荃灣，叫潮州盞
[版主回覆03/09/2011 20:35:00]好慘呀,出去食飯10間有9間都催到失魂......有D講明2小時就要還枱!! 好下次試吓,多謝推介!!
我都一樣唔記得問你夾番個蛋糕錢,不過你咁同波豬媽講,我就講句多謝啦!你應該唔會要我夾呀!
回覆刪除全靠亞不會長,我地'愛八會'先成立到,大家先有機會認識,真係要同你講句'Thank you so much!'
[版主回覆03/09/2011 20:45:00]唔好客氣啦,你地個個都咁忙,難得人齊梗係要賀一賀佢!!
大家都有共同興趣,走埋一齊自然啱傾!! 真係多謝大家比面,[愛八會]先搞得成,話咁快就一年,希望以後多D機會聚會,最緊要多D料[八]!!
係wor! 我都完全唔記得要夾蛋糕錢Tim, 不過我知會長你唔會介意的, 不如下次週年聚會時, 輪到第二位會員買蛋糕oY! 一人一次, 好公平.
回覆刪除團體照, 一陣放facebook!
[版主回覆03/09/2011 20:50:00]真係唔好客氣啦!! 最緊要大家高興嘛!!
下次週年約得齊大家,我再請各位食都無問題!!
希望會務蒸蒸日上,多D料[八]!!
係呀...生日蛋糕錢忘了夾錢, 阿不實唔肯收番,
回覆刪除只好講 "多謝~阿不 "
哼...我唔要增肥呀, 我食左好多雞&鴨, 個蒜汁好好味呀!! 又塞咁大堆蛋糕俾人食!! 我果碟最後變左2人份量0架
阿不, 好在有你主動搞飯局咋, 唔係你呢個會長...我地2年至見一次都似, 感謝!!
[版主回覆03/30/2011 22:23:00]個個都咁客氣呀,唔洗多謝!!!!
個蒜汁真係唔講得笑,正!!!
嘿嘿,JJ你 偷雞唔到蝕渣米!!
仲有.....5....10.....15.....20....25週年等住要慶祝,希望有一年可以齊齊去日本慶祝!!