2010標尾會之旅 [追楓] ~ 高尾山!!

2010 11 27

一早起身睇吓有無雲海先,

霧就大把....

咁去浸一浸先,

跟住食早餐,

係傳統和式早餐!!

同老闆娘寒暄幾句,

繼續上路,

行落山,

行番去纜車站!!

嘩,車站得零度....

咁琴晚....

落到底轉巴士番[御嶽駅]!!

大概10分鐘車程!!

車站前的一棵紅到不得了嘅紅榭下,

有一個表演,

一位女士自彈,

另一位自唱,

好正呀!!!

如果唔係要趕車真係唔願走!!

轉車時解一解毒癮先,

仲要暖笠笠架,

呢支頂得吓,

唔錯!!

好下一站 ~ 高尾山

天氣十分好,

深秋特別爽,

我最鍾意呢個季節!!

上[高尾山]有兩款纜車可揀,

一款正常[密封式纜車],

另一款就係[開放式吊車!!

如果坐吊車,

上上吓,

山邊會有人幫你拍照,

上到頂就有相睇喇,

你可以唔要架!!

落山一樣有得影!!

我上落都搭吊車,

爽呀!!!

繼續向山頂進發,

2 km 話咁快就到啦!!!

行咗一半左右

有一排小食店

&

手信店!!

大大小小嘅廟都有一排!!

到頂喇!!!

高尾山差不多600米高!!!

又係唔願走,

HEA到天黑!!

離開高尾山,

搭火車到[八王子]住一晚,

明早殺上東北[花卷]!!

酒店 ~ [Ｒ＆Ｂホテル八王子]

[八王子]站裡面有SOGO,

即刻SHOP 1 SHOP先!!

今晚間房好闊落呀,

床尾開兩個大喼都無問題!!

房內無水煲,

可以問FRONT DESK借!!

房外景色.

係SOGO行到落閘放狗先走,

所以買埋外賣番酒店食!!

今日戰利品,

係高尾山山上求嘅簽 & 符!!

就係呢張記念照喇,

上上吓山有工作人員企係山邊幫你影!!

係高尾山山腳買嘅大大粒栗子,

袋後面教你點食,

好容易就開到!!

食食吓栗子一望個TV,

嘩,木村你走樣走到咁......

買雜誌送嘅[B仔袋]

係SOGO買咗個[B仔手袋] & 零食.

仲有今早係御嶽山買嘅!!

今晚天色明朗,

有大大個月亮,

仲有好多星星呀!!!