2011 04 13
心繫[日本]的我,
新居盡量[日式]化,
一定要有[TATAMI],
初時搵到間代理,
原裝日本入口,
不過太貴喇........
好彩有位[八通街]嘅同事告知[G.O.D]有得賣,
雖然係[泰國]做,
但可以過足癮,
而且平好多!!!
有[TATAMI],
當然要用盞[日式紙扎燈]襯一襯佢!!
而呢個[雪見灯籠],
其實係香爐,
當然日本製造啦,
連[線香]都係,
差不多$2一枝,
點25分鐘!!
一分錢真係一分貨,
壇香味好醇,
[索]多幾嘢,唔好蝕!!
得意妹 : 我覺得最正係呢張椅,可以調較角度,
而椅頂托住頸嚟睇電視,
爽呀,真係雷劈都唔走!!
亞BEAR : 真係劈都唔走!!
窗簾睇極唔啱,
唔想買布比人車,
梗加唔想上大陸做,
唯有去10蚊店買番嚟再DIY!!
嘿嘿,廚房都係PINK!!
白色水龍頭,正!!
可惜太遲先發現[TGC]有PINK色爐頭,
如果唔係襯到絕!!!
名貴電飯煲,
貴係個[膽]!!
得意妹 : 洗唔洗連隻PAN都係粉紅呀!!!!
亞BEAR : 仲有箕筲,碗&調味料盒都係呀....
亞不 : 仲有大把嘢都係PINK架!!!!
亞BEAR : 咦,有個[日式香油箱],
得意妹 : 亞不,你唔係要刮埋我地D民脂民膏呀!!
嘩!終於有真身睇到喇. 等o左好耐喇, 你間咁pink o既蝸居都好得喎. 揾日約我們去坐吓啦!
回覆刪除[版主回覆04/14/2011 21:58:00]係呀,等咗好~ ~ ~ 耐...... 上嚟坐絕對無問題!! 不過要玩番鋪[秋田版]大富翁先盡走!!
咁樣睇一D都唔似你口中講咁細.經過有心思的設計,好High,好型.幾時係入伙大吉日?
回覆刪除[版主回覆04/14/2011 22:13:00]可能睇相唔覺咁細!! 其實而家都住得,不過我想搬多D嘢入去先長住!! 嘿嘿, 邊樹型吖,最緊要舒服就得喇!!
好多儲物空間喎, 可以放唔少日本紀念品, 正
回覆刪除早知單聲你知有color的爐啦, 我間蝸居的爐買了青綠色
你個名貴飯煲真係幾名貴喎, 窗簾是房窗嗎? 唔怕唔遮光嗎?
[版主回覆04/15/2011 22:35:00]係呀,做高地台=多咗好多個櫃,最緊要可以放[TATAMI]!!
奇姐, 點解唔話我知你有個青綠色嘅爐頭呀........而家我好想換咗佢.......
呢個電飯煲真係唔講得笑,我諗咗好耐先買架.........
光-我唔太怕,最多放假個日[要瞓到好晏]先加多塊遮光簾,我唔鍾意睇唔到出面嘅感覺!!
呀~~呢到係租定係買架 ?
回覆刪除[版主回覆04/15/2011 22:17:00]租.....Mr Ben 我邊有錢買樓.......
隻PAN好靚呀!喺邊度買架?我都好想入嚟參觀+八吓呀!
回覆刪除[版主回覆04/16/2011 22:17:00]隻PAN係吉之島買,仲有黃色&綠色!! 好吖一齊嚟坐吓!!
你的家好pink仲好溫暖馨添! 床下咁多櫃, 地方見洗好多....
回覆刪除[版主回覆05/07/2011 18:48:00]哈哈,我太鍾意pink色!! 如果唔做地台床,真係無地方擺嘢!!
點呀,你嘅一個人住第一年正唔正呀? 幾時招呼我地去hea下咁呀?
回覆刪除你個秋田縣版大富翁好得意呀,真係上次響秋田買?
[版主回覆05/07/2011 18:45:00]一個人住第一個星期都唔錯,再過多幾日有點寂寞感....... 不過好free!!! 好吖約埋奇姐一齊嚟玩[秋田縣版大富翁],有英文架!!
係呀,上次係[田澤湖]車站買!!