2011 02 20
今日原來相約朋友出嚟吹水,
點知朋友病倒了...
各位真係要小心身體呀!!
咁做咩好呢??
走咗去食ALL DAY BREAKFAST,
唔知點解我好鍾意食呢樣嘢,
可能大家會覺得勁唔抵...
呢間係 Irish Pub,
位於尖沙咀帝國酒店隔離,
紅色門口落一層,
裝修充滿外國小鎮Pub Feel,
我鍾意!!
呢樹唔只賣酒,
仲有好多嘢食,
LUNCH都有好多選擇,
下次再試過!!
而晚上會直播球賽!!
味道唔錯,
食得出係用心去做!!
烟肉夠乾同好脆,
腸仔好味,
焗豆夠熱[有D鋪頭會比凍豆你食]...
多士薄勁脆,正!!
阿不, 唔好成日掛住飲酒呀 . . . 雖然你忍到唔叫 威士忌要我地呢D老嘢先啱架
回覆刪除正宗的愛爾蘭咖啡是要用專用的耐熱酒杯，倒入少量威士忌和咖啡糖以慢火加熱至糖溶化，待酒精揮發少許後，倒入調好的咖啡，唧上忌廉即成。
[版主回覆03/01/2011 21:38:00]小肥, 我無成日飲酒呀!!哈哈,都係留番比你呢D前輩啦!!
你對愛爾蘭咖啡好有研究喎,好我今個星期再去第二間試吓先!!
你寫到好吸引喎!
回覆刪除[版主回覆03/01/2011 21:32:00]你過獎喇.....可能我太鍾意食呢家嘢喇!!
吓....出到來先知妳朋友唔出得來呀
回覆刪除[版主回覆03/01/2011 21:28:00]唔係,佢朝早打比我問係邊度等,聽見佢把聲怪怪地[病聲],咪叫佢不如唔好出囉!! 但係我好想出街搵食,咁就去咗食ALL DAY BREAKFAST喇!!