10日 7縣走馬看九州 ~ 第二縣 [大分縣] - 別府遊乜嘢地獄!!!

2009 06 09 - 天陰呀

離開[杉乃井],攞車出發遊[別府地獄]!!

別府有八個地獄,

如購買 PASS 2,000円可去哂八個,

而每個400円!!

(1)海地獄 (八個之中面積最大,有溫泉蛋食架!!我地路過無入!!) 

泉溫 ~ 98度

(2)鬼石坊主地獄 (溫泉水滲透於泥漿之中) 泉溫 ~ 99度

(3)山地獄 (有好多動物睇) 泉溫 ~ 90度

(4)かまど地獄 (好多嘢睇,我有去呀! 右邊張相:係足湯!!) 泉溫 ~ 90度

(5)鬼山地獄 (有鱷魚潭,都係路過無入!!) 泉溫 ~ 98度

(6)白池地獄 (有熱帶水族館) 泉溫 ~ 95度

(7)血の池地獄 (溫泉水係紅色架,我有去!) 泉溫 ~ 78度

(8)龍卷地獄 (每30分鐘就會噴出泉水,好似噴水池咁向天噴出來!) 

泉溫 ~ 101度

(1)至(6)距離都比較接近,步行都無問題,而(7)(8)就要搭車LU!!

我地無去哂,只揀了兩個去,首先去[かまど地獄],

因為哩個比較多嘢睇(感覺上抵d),

之後去[血の池地獄]!! 好出發!!!

從管口噴出泉水嘅蒸汽,

索吓d蒸汽會對[花粉症]有舒緩作用,

我無花粉症都企係度,

係咁索死唔蝕!!

而下面個張,係可飲用嘅泉水,我無試呀!!

究竟車神係度搞乜東東呢??

解說:右下角個張,牌上面寫住用一支點着嘅火柴,

向洞口輕輕一吹就會有好多煙走出來,

車神用煙仔代替,都成功呀,而原理就唔知 lu???

哩個唔記得,唔知點樣會變色???

係溫度計下面有個噴口,佢嘅射程好勁!!

得意妹 : 影呀影,影,影.....

亞不 : 走喇,去下一個[地獄]!!

得意妹 : 亞BEAR走喇!!

第二站 ~ [血之池地獄]

得意妹 : 嘩!! 好大兜熱騰騰嘅[龍蝦湯]呀!!!

熊仔 : 正一為食鬼呀,[龍蝦湯]熱死你呀!!!

哩度都有足湯~~

得意妹 : 吓,連汽水機都係魔鬼呀!!! 牆腳插蘇都有鬼呀........

熊仔 : 行喇,行喇,好驚呀!!!

得意妹 : 咦,(西人)車神都求簽喎!!

熊仔 : 救命呀,哩度好猛呀,我比隻魔鬼咬住咗呀!!

得意妹 : 等我嚟救你!! 嘿嘿,好似打機咁打怪獸未得囉,死啦,死啦.....!!

得意妹 : 點解無反應嘅????我出必殺技[星龍拳]......都係無反應????

亞不 : 你地做咩?? 得意妹,你練拳呀??

得意妹 : 快d幫手救亞bear啦...

亞不 : 救咩呀?? 鈎住咗熊仔條頸繩咋,你以為亞bear比隻魔鬼食呀??

話咁快又要走lu,離開[別府市]向西南面進發前往[九重夢大吊橋]!!